أهل ريجينيا

الفزعة ياشباب ياهل مدينة ريجينيا
الله يرضى عليكم جاء قبولي اليوم في الملتقى
وجاء في جامعة ريجينيا وخاصة في معهد اللغة التابع للجامعة واتمنى من الشباب الفزعة ( بالنسبة للسكن وهل الأفضل السكن مع عائلة أو السكن التابع للجامعه

والله بيني وبينك الجو في الأيام القليلة القادمة بيبدأ يبرد,ونصيحتي انك تسكن في الجامعة لكونك جديد على المدينة. ولين تعرفت على المدينة أكثر تقدر تطلع مع عائلة. وبعدين في سكن الجامعة ماعليك الا انك تنزل من السكن وتروح المعهد دقيقتين. ولا الباصات والبهذلة.
– الجوال
افضل حاجة شركة Fido. بالنسبة لي.
– الانترنت
في سكن الجامعة مجاني + تلفون منزل.
– الموصلات
باصات وبطاقة الباص الشهر ب 48 دولار.
– وبالنسبة للأستقبال في المطار
ارسل الي موعد وصولك ومن عيوني اجيك تأمر امر.

– علماً بأني لاأجيد اللغة الأنجليزية . وكل شئ عن المدينة .
تبدأ الدراسة في شهر 4 ابريل وبالتحديد يو م 1
الساعة التاسعة وهل شهر 4 فيه برد عشان ادفئ عمري
وبالتوفيق للجميع
انشاء الله سهالات. الجو في شهر اربعة بيكون تقريباً نهاية الشتاء ولكن بيكون انشاء الله بارد. خذ احتياطك.
.
وأي استفسارات اخرى حاضرين
اخوكم ابو شنب
0556791760

بالنسبة للمعهد في مدينة ريجينيا ( كيف المعهد المعهد قوي في اللغة - المشرفين في المعهد - الطلبة في الجامعة )
بالنسبة للمعهد ممتاز ومرة كويس.
وكيف الطلبة السعوديين هناك احولهم و كيف اهل المدينة
المدينة صغيرة جداً وأهله ناس كويسيين.
وهل المدينة بعيدة عن الملحقية وكيف طريقة فتح الملف وفتح الحساب والبدلات
وبصورة عامة اريد فكرة عن المدينة
بالنسبة الى المدينة زي ماقلت الك مرة صغيرة ولافيه اي مكان الى الترفيه عدا كم مجمع تجاري صغير + بحيرة صغيرة جداً واصطناعية بعد.
بالنسبة الى الملحقية تبعد عنا حوالي 20 ساعة بالسيارة.
طريقة فتح الملف تلاقيها في هالرابط http://www.saudibureau.org/arrivalstep.htmlكل شيء بالأنترنت مايحتاج تروح لهم اصلاً والملحقية متعاونيين.
واتمنى لك التوفيق, ولين في اسئلة اخرى لاتتردد في السؤال.
الله يرضى عليك
والأسلئة كثيرة
اخوك ابو شنب

بالنسبة أقلاع الطائرة من وين يبدأ وين ينتهي وبالنسبة للتصريح تبع الدراسة أخذه من المطار وكيف طريقته والشنط وكل ميتعلق بالمطار – لأن اللغة زيرو - وكيف طريقة الدراسة في المعهد ( متى تبدأ المحاضرات فيه ومتى تنتهي - واللغة هل راح أتعلمها بسرعة أو لا – ومقررات المعهد كيف ) .وبالنسبة للمدينة صراحة فرحت شكلها حقت دراسة – وتجمع الطلاب السعوديين هناك فيه تجمع أو لا لأني اجتماعي وراعي طلعات وطبخ ونفخ ) وأنت كم لك في المدينة وكم تبعد عنكم فانكفور .
بقدم على التأشيرة بعد الحج مباشرة ولأني لازم أكون هناك بداية أو منتصف شهر ثلاثة وهل أحجز من الوقت أو لا . والأسئلة كثيرة لكن أ صبر علينا حتى نوصل لكم بالسلامة .
اخوك ابو شنب