كندا - تورينتو .. !! استفسارات هامه

up up >>>>>>>>>>>

وعليكم السلام ....
راح اجابوا علي السوال رقم 13 و 14 الباقي علي الشباب :
13ـ المكافاة راح تكفيك ان شاء الله ويزيد معك .تقريبا 2700 دولار
14ـ بالنسبة لورقة في الطائرة خلي معك الجواز وورقة الي ارسلت مع الجواز من السفارة
واذا عبيت كرت الدخول اكتب فيه مدة خمس سنوات .(( خلي معك قبول الجامعة او المعهد يمكن راح يطلوبه منك )) الامور سهل جدا

1- الجاكيت تشتريه من كندا و ليس من السعودية (و حتعرف الفرق لما تجي)
7- ليس صحيح ، لازم تطلع فيزا أمريكية
8- عادي جدا


كل واحد يدخل يجاوب سؤال أو اثنين
أما بعض الأسئلة إذا جيت كندا تبي تعرف
لاتستعجل مثل التنقل و الجيم و الحدائق و ..........ز

أنا ابي أقولك عن الملابس .. أشترها من هنا أزين لكـ .. زي أسعار السعوديه أو أكثر بـ خمسين ريال والجوده افضل بـ كثير ..

لأن البالطوات حقت السعوديه ما تقيش بـ شي .. يعني جب معك بس حق مطر .. وسواترات <<جمع سويتر هع هع

واليسكل العيال أبد ما فيه الا مسابق بـ السياكل <<في ديرتي .. مدري عن تورنتو ..

التأمين الصحي مدري عنه بس الحكومه معطتني مدري عن الباقين يعني المعهد في رسومه التأمين الصحي ونصيحه لا تطلعه لأنك مارح تستفيد منه <<عنده وناطله بـ الدرج <<زكم يوم وراح لـ الطبيب .. قالي الكشف مجانا يعني يشوف خشمي وعطاني الدواء بـ 60 دولا وشي .. قلت خل عندك دواك وخشمي يبي يطيب ان شاء الله

وسلامتك ..

يعطيكم العافيه شباب ماقصرتوا بردودكم ..

1- الجو في الشتاء بارد جدا (تصل في الليل إلى سالب 30) و ممكن تلبس أكثر من جاكيت, لكن غالبا ما راح تحتاج أنك تخرج في الليل في الشتاء.
2- المكافأة تكفي بزيادة (المواصلات جدا سهلة تطلع بطاقة السب واي الشهرية ب110 دولار و حالك زي اللوز), أما إذا كنت طالع على حسابك أعتقد تكفيك 1800 دولار بدون الإيجار (إذا كنت معطي نفسك راحتها, ولا لو تبغى تقتر ممكن تكفيك 1000).
3- ما أعتقد فيه شريحة زي كذا, لكن عندهم نظام بعد الساعة 5 أو 7 أو 9 في الليل (حسب باقتك و شركتك) إلى الساعة 8 الصبح تكون المكالمات داخل المدينة مجانية, أما المكالمات الدولية فما سمعت إنها ممكن تكون مجانية في أي وقت.
4- فيه جيم سعره معقول 57 دولار في الشهر و خدماته كويسة بس أنتبه توقع معاهم عقد لمدرب شخصي (لأنه سعر المدرب مرة عالي) إسم النادي إكستريم فيتنيس و أنا مشترك فيه و فروعه كثيرة بس إذا تبغى تدخل أكثر من فرع يرتفع السعر شوية.
5- فيه ملاعب كورة قدم في الهاي بارك مقابل محطة الهاي بارك و أحيانا النادي السعودي في تورنتو يطلعوا يلعبوا فيها.
6- ممكن تتفرج مباريات الدواري العالمية في بعض المقاهي في الداون تاون.
7- زي ما قال لك أخونا فوق هذا كلام مو صحيح, لازم تطلع فيزة أمريكا عشان تدخلها (الآن صار هذا النظام حتى على الكنديين أنفسهم).
8- كثير من المواطنين يستخدموا السياكل في تورونتو (أصلا ما في أحد يقول لك هنا "لا تسوي الشيء الفلاني تراه عيب (:" ).
9- الملحق موجود في العاصمة أوتاوا فقط, و هي تبعد عن تورنتو 400 كيلو, و ما فيه داعي إنك تروح له لأنه الإنترنت و البريد ما خلوا شيء, لكن إذا معزم تروح له عندك الباصات و المطارات (رحلة الطيارة تقريبا بأقل من 80 دولار) و أعتقد إنه فيه قطار كمان.
10- أعتقد أفضل طريقة للسفر بالبر هي القطار (يقولوا إنه مريح جدا) و أسعاره تعتبر رخيصة يعني تتراوح حسب المسافة من 40 دولار إلى 100 دولار و الله أعلم, لكن ما تزال الطائرات أكثر راحة و سعرها معقول يعني حول ال100 دولار.
11- عند الوصول تسجل الجواز في السفارة السعودية (و ليس الشرطة الكندية) و ذلك عن طريق إرسال صورة الجواز مع الطلب اللي تنزله من موقع السفارة و تعبيه و ترسل هذي الورقتين بالبريد للسفارة.
12- التأمين الصحي مدته هنا في تورنتو حسب ما إنت تطلب لأنه عن طريق شركات خاصة يعني ممكن تطلب شهر و ممكن تطلب سنة, و السعر برضه حسب الشركة, أعرف شركة سعرهم دولار و 80 سنت تقريبا في اليوم, و في السنة يكون السعر حول 700 دولار, و ما أعتقد إنك ممكن تطلعه من السعودية, و لو كنت مبتعث الملحقية تعوضك قيمة التأمين.
13- المكافأة الشهرية 2696 دولار كندي.
14- بالنسبة لمدة الإقامة أعتقد إنه من الأفضل تكتب مدة التأشيرة و الله أعلم (أنا كتبت مدة التأشيرة على ما أذكر) بس أعتقد إنه مو مهم تكون دقيق في هذي النقطة.
15- نصيحتي لك إنك ما توقع عقد (أو أي ورقة) قبل ما تقرأه بالكامل و لا تستحي في هذي الأمور لأنه مو موضع الحياء, و لا تعطي رقم بطاقتك الإئتمانية لأي أحد على التلفون مهما كان و لو طلبوا منك رقم بطاقتك الإئتمانية في مكتب فلا تعطيه إلا لشخص مسؤول تثق فيه تمام الثقة و يكون الموضوع ضروري مو حاجة ما لها داعي (لأنه هنا الكل يحاول إنه يورطك في عقود سنوية عن طريق البطاقات الإئتمانية في حاجات إنت ما تحتاجها), و بالنسبة للملابس فصحيح إنه جو تورنتو بارد في أغلب شهور السنة لكن برضه عندهم صيف توصل فيه درجة الحرارة 35 في الظهر فحاول إنك تجيب معاك ملابس صيفية.
المعذرة على الإطالة حبيبي و أي خدمة إحنا تحت أمرك و بالتوفيق..