مساعدة مين يعرف عن هل جامعة ضروري laurentian university

هلا خوي
بالنسبة للمعهد حلو يأهلك للجامعة يعني دراسه اكاديمية يهتمون في الكتابة بالنسبة لنظام المعهد 3 لفلات كل لفل 3 شهور وبين كل لفل ولفل 3 اسابيع اجازة. الجامعة حلو فيها تخصاصات كثيرة. بالنسبه للبلد صراحه جوها جو دراسه لأنه مافيها شي حلو مثل تورنتو انا اشبهها بالربع الخالي يعني مثل شرورة بس اللهم الفرق هنا خضار وهناك رمال من ناحية الاجارات ارخص من تورنتو بكثير من ناحية المواصلات ببلاش اذا كنت طالب جامعي .

شكرا اخوي يعطيكـ العافية طيب بخصوص المعهد يبدا من الصفر ؟ وعلى طاري المدينة سكانها كنديين ولا شرق اسيا وكيف المعيشة في المدينة رخيصة ولا غالية وطبعا الامان ممتاز ؟ هل فيها سعوديين المدينة والسكن رخيص ولا غالي مع عائيلة ولا لا وشكرا جدا على الرد الله يبيض وجهكـ

والمدينة ويش اسمها وتبعد عن تورنتو وشكرررررررررآآآآآآآآآآآ

عزيزي المدينة اسمها سدبري sudbury سكانها كنديين يعني شرق آسيا قليل مره بالنسبة للمعهد يبدأ من الصفر السكن أرخص من تورنتو بكثير يعني شقه غرفتين وكبيره ونظيفه بسعر 1100 دولار شامل الكهرباء والمويه. تبعد المدينية عن تورنتو 400 كيلو من الدمام والرياض بس الفرق الخط في السعوديا صحراء وهنا خضار وأنهار .بالنسبة للكثافة السكانية ماهي مره زحمه اما بالنسبة للسعودين مافيها نسبه كبيره يعني مايتجاوزون 100 سعوودي بالمدينة.

Laurentian University



توجد في مدينة سدبري - مقطعة اونتاريو, تأسست عام 1960 وهي جامعة ثنائية اللغة يعني تدرّس بالانكليزية والفرنسية.

الجامعة متوسطة الحجم تضم حوالي 8000 طالب, وتركز على التعليم الجامعي أكثر من الدراسات العليا (الماستر و الدكتوراه).

الجامعة عضو في مجموعة Association of Universities of the Canadian Francophonie والتي تضم 13 جامعة كندية منها جامعة ألبيرتا, وريجينا, وأوتاوا, وسدبري

الجامعة مشهورة في تخصص هندسة المعادن, ولها قناة إذاعية تبث باللغتين الانكليزية والفرنسية, ولها جريدة تصدر باللغة الانكليزية تسمى Lambda وجريدة أخرى تصدر بالفرنسية تسمى L'Orignal déchaîné

وهذه صورة المدينة من الجو:


هذا كل ما استطعت جمعه لك يا سيدي من معلومات...

موفق انشالله...
أخوك يحيى