مساعدة بالله في هالشهر الكريم ساعدوني في سكن العايلة في مدينة بيتربيرو

يالغالي عندي وعندك خير انا على الاسبوع الجااي رايح بيتربيرو كنت متوهق ماعندي سكن ولا اعرف شي فيه ولا اعرف احد فيه والمشكله لما استفسرت وشلون اني اوصل بيتربيرو قالوان فيها مطار بس مافيها استقباال رحلات الا بشهر يمكن مره وخاصه انا الان في فنكوفر فاقالو لي لازم تنزل على ترنتو ولااعرف كيف الطريقه الي اصول فيها بيتربيرو بس بتيسر ان اشالله وياليت احد من الاخوان الي يعرف الطرقه كيف يفيدنا ..
اما من ناحية السكن انا سويت بحث واخذت رقم عوايل وكلمتهم وراح اشوفهم ان شالله بعد ما اوصل .. هذا موقع الوحيد الي اعرفه الي تقدر فيها تحصل على عوايل وعلى شقق الي هو موقع كرايكلس craigslist: plattsburgh-adirondacks classifieds for jobs, apartments, personals, for sale, services, community, and events هذا يالغالي الي اعرفه ..
اما يخوان ساعدونا الي عنده اي معلومات عن السكن او موصلات او كيف نوصل للمدينه خاصه انهاا مافيها مطاار على حد ما سمعت او اي شي بسيط يفدنا اكثر مالكم ان شالله الا الاجر ودعااء في هذا الشهر الفضيل ..

وأنا بعد رايح بعد العيد .... وما حجزت سكن ولا شيء ...

ياليت أحد يفيدنا بخصوص السكن مع العائله !

المشكلة هذه ان مافيها مطار
لازم تروح تاخذ بااص رايح لبيتربيرو يعني صراحه قروشة
الله يعينا وياك

يا ليت والله يساعدوون الجميع والله ما بيدي شي كان ساعدكم بس ربي يعين

بس مكتب ايجك اللي جبت منه القبوول يقوول روح هناك وخذ لك فندق اسبووع خلال هالمده اول ما تداووووام في المعهد قلهم ابغى سكن عايلة وبيوفرووون لك
بعض اسعار فنادق حلوة تقريبا توصل 60 الى 50 دولار وممكن اقل

^^^^^^^^^^
أنت متواجد في بيتربورو ؟؟

عندكم وعندي خير انا مثلكم جاي يوم الاحد الجاي والادري ايش اسوي ليت احد يساعدنا لو يستقبلنا في المطار ويركبنا الباص

ونعطية اتعابة

لا انا صاحب الموضووع بس نك ثاني

^^
طيب وش الحل ؟!
والله مادري وش أسوي لو وصلت تورنتو .... مين راح يستقبلني ؟
ولو وصلت بيتربورو .... مين يأمن لي عائله ؟

انا كمان زيك ادور على عائلة بمدينة تورينتو
ابغى سكن كويس مع عائلة كويسه
ياليت اللي يعرف يدلني انا كمان

بسم الله الرحمن الرحيم


يا شباب انا راح اساعدكم ان شاء الله... لاني جيت لبيتربورو قبل اسبوعين وعرفت وش اسوي ... انا راح اساعدكم ان شاء الله

اول شيء يا شباب :

اللي راح يجي عن طريق تورنتو ... عن طريق مطار تورنتو , اول شيء تنزل بالمطار وتخلص اجرائات الجواز وكل امورك وقبل لا تطلع من المطار .. اسأل هناك عن فندق اسمه best value inn اسم الفندق بيست فاليوا ان ..راح تلقى زي المكاتب حقت صرف العملات ... اصرف لك فلوس اول شيء وبعدين اسألهم كيف تروح للفندق هذا ... او اطلع براا بدون ما تسأل ولا شيء وخذ لك تكسي وتوكل على الله لهالفندق ... بعدين خذ لك فيه يوم واحد فقط وناااااااااااام على كيفك واذا صحيت اليوم الثاني ... ادخل الموقع هذا http://www.greyhound.ca/home/ هذا الموقع حق النقل الجماعي حقهم .. علشان تروح لبيتربورو .. وحط من تورنتو الى بيتربورو بعدين اضغط اوكي .. وبعدين راح تطلع لك صفحة حقت الخصومات اذا انت تستحق خصم او لا .. وحط خصم طلاب student discount بعدين اضغط اوكي.. وبعد كذا تطلعلك اوقات الرحلات عندهم وشف وش اللي يعجبك وبعد كذا انزل تحت للفندق وقول لهم ابي تكسي .. وخلهم يتصلون لك على تكسي .. وروح معاه للمحطه حقت الباصات هذي .. وقص تذكره من هناك واركب وتوكل على الله ... واول ما توصل لمدينة بيتربورو ... راح يوقف الباص عند نفس المحطه اللي في وسط المدينة .. في الداون تاون ... اركب تكسي وقول له ابي موتيل رخيييص مرره اسمه trent wends ترنت ويندز سعر الليله 56 دولار بس ... وبعد ما تسكن فيه وترتاح .. تلقى على نفس الشارع اللي فيه الفندق هذا .... تلقى لوحه حقت الباص .. لوحه حمراء او برتقالية شوي .. ومكتوب عليها bus stop ومرسوم عليها صورة الباص .. وقف عندها لين يجيك الباص .. واول ما يجيك اركب معاه ولازم يكون معاك دولارين و 25 سنت ... لازم تكون مصرف فلوسك حديد .. دولارين حديد وتحطها بالجهاز وراح يوديك للداون تاون .. واول ما توصل هناك ادخل على المكتب حق الباصات .. وقص كرت بــ 50 دولار.. مايحتاج اسمك او اي شيء ... قول لهم ابي بطاقه باص ,, وعطهم 50 دولار وخذ البطاقه.. علشان كل ما تركب الباص وتمرر البطاقه على الجهاز الممغنط ببلاش .. علشان تسهل عليك المواصلات وتصير كل روحاتك وجياتك بالباص وببلاش وحاول تروح لهم في اوقات العمل .. السبت والاحد عندهم اجازه .. بس باقي الايام من الساعه 7 الصباح الى الساعه 5 العصر فاتحين ويستقبلون زباين ... ولاتنسى تاخذ الخريطه حقت الباصات من عند نفس المكتب ... وبعد كذا اطلب تكسي وخله يوديك للجامعه .. قوله ابي جامعه ترنت .. وراح يوديك لها .. وادخل هناك وراح تلقى عندهم مكاتب كثيره وطلاب يستفسرون زيك .. بس انت ما يهمك الا مكتبين اوكي .. المكتب الاول اسمه housing office مكتب الاسكان .. يدور لك على سكن مع عائله .. والمكتب الثاني اسمه trent international program او تلقى له اسم مختصر ... يسمونه tip office مكتب برنامج ترنت للطلاب من خارج كندا .. هذا المكتب يساعدك في اي شيء تبيه .. لو تبي تروح الحمام يعلمك وين صاير الحمام هههههههههههه ... وبعدين خل الجامعه تبحث لك عن سكن ... واذا اعطوك ارقام عوائل وقالوا لك كلمهم .. ارفض ... وقول ما اعرف انجليزي ... ويا شباب لا يلعبون عليكم بالاسعااار .. والله العظيم الاجار هنا رخيييييص ... اذا مررره مررره بياخذ عليك 550 دولار هذا اذااا مرررررررره غالي 550 اما بالعاده من 450 الى 500 دولار ....بس طبعا يختلف من ناحية البيت .. بس حاولوا تاخذون ارخص .. وانا بعطيكم رقم المسجد اللي في المدينه اسمه مسجد السلام ورقمه 7057617545 هذا رقم المسجد .. اذا بغيت شيء اتصل وان شاء الله بيساعدونكم ... واذا تبي تروح للمسجد وتقابل ناس هناك ياخذونك ويطلعون لك شريحة جوال او يعلمونك المطاعم الحلال اللي هنا ... روح لمحطة الباصات ... وخذ الباص اللي مكتوب عليه jackson park .. الباصات عندهم توقف جنب بعض وتشوف فوق مكتوب على الباصات اسماء المناطق اللي بيروح لها ... وتلقى لوحه مكتوب عليها جاكسون بارك ... اذا ركبت مع هالباص .. قول له ابي المسجد .. وهو اساسا راح يوقف بنفس الشارع اللي فيه المسجد.. بس لازم تقوله علشان يعلمك وين صاير ويوقفك عنده ,.. واذا جلس يعتذر ويقولك ما اعرفه ... اسأل الناس اللي بالباص قولهم انك جديد بالمدينه وتبي تروح للمسجد وما تعرف انجليزي وان شاء الله بيساعدونك ..... عمووووومااا المدينه هذي مرره حلوه للدراسه وما فيها مشاكل والحمد لله والناس فيها دايم مبسوطين


وتكفون يا شباب ... ادعوا لي بالتوفيق وان الله يطول عمر امي وابوي ... ويبعدني عن الحرااااااااااااااااااام من بنات وخمر وغيره ويثبتني على ديننا وسنة نبينا محمد.

بارك الله فيكم والله يوفقكم ويطول اعماركم على خدمة الاسلام والمسلمين


والسلام عليكم ورحمة الله وبركاته


واللي عنده استفسار يراسلني على الخاص