سؤال لطلاب معهد Concordia University - ENGLISH INTENSIVE PROGRAM

السلام عليكم ورحمة الله وبركاته

أنا إن شاء الله أفكر أدرس في معهد Concordia University - ENGLISH INTENSIVE PROGRAM
وعرفت إنو المعهد يأهل للجامعة وأتمنى من الأخوان الطلاب/الطالبات الي يدرسو هناك يساعدوني بالإجابة على هذي الأسئلة:

1) أهم سؤال وهو: هل المعهد لديه منهج ترسيب الطلاب السعوديين لأجل الإستفادة من الدفع من الملحقية..؟

ماقد شفت فيه راسبين الا سعودين وعرب للاسف لكن العيب مو من المعهد منهم هم نفسهم لعب وغياب واهمال
ولا قد شفت واحد مهتم ورسبوه سوا عربي سعودي ولا اجنبي

2) كيف مستوى المعهد أكاديميا" (كيف المنهج/وكيف طريقة الكلاسات"ريدنج/ليسننج/رايتنج/سبيكينج")..؟

المنهج يختلف عن طريقه التدريس بالسعوديه .. يعتمد على طريقه عمل الدماغ
مايخلونك تحفظ.. الكلمات الجديده بتتكرر كل شوي بالقراءه بالاستماع باخذ النوتس بالفيديوز شوي شوي تلقى المخ حفظها
الطريقه ممله لانها مكرره كل يوم نفس الشغل مافي جديد وهذا الي يخلي الطلاب يطفشون ويبدون على نهايه الترم يغيبون ويهملون لكن شخصيا احسه انجح طريقه لتعلم لغه ثانيه لان المعلومات خلاص تثبت مو زي الحفظ فتره وتطير
كل يونت يجلسون فيه تقريبا 3 ايام ويعيدون بالكلمات بشكل غير مباشر الشخص مايحس انه استفاد لانه قاعد يتقدم بشويش فمايشوف التقدم زي ما يمسك ورقه ويحفظ الــvocabulary ويختبرونه فيهم لكنها افضل لان الحفظ يكون موقت
مافي قرمر القرمر انت تدرسه بنفسك او تاخذ كورس قرمر اعتقد الحين بلفيل خامس صارو يعطون قرمر بسيط برا المنهج الاساسي
كل يونيت فيها رايتنق وسبيكينق وليسينيق واخذ نوتس الخ الخ بس كل ليفيل يركزون على واحد منهم بشكل مكثف
طبعا في ناس ماتحب هالنوع من الدراسه او المنهج الي يمشون عليه .. وهذولي تلقاهم اكثر بمجيل لانهم يتبعون نفس منهج تدريس السعوديه vocabular والقواعد حفظ

3) كيف المدرسين وطريقة تدرسيهم/وكم طالب في الكلاس/وكم عدد الطلاب السعوديين في المعهد/وهل فيه عرب كثير..؟
المدرسين اكثر من رائعيين حريصين على ان الطالب يستفيد اغلبهم كبار بالسن بخبره طويله وطبعا كل قاعده لها شواذ بتلقى مدرس ولا اثنين ممكن ثلاثه مو مهتمين
عيب المعهد كثره السعودين والعرب الفصل تقريبا فيه 22 طالب 8 عرب و7 صينين والباقي دول مختلفه بس اصلا المدينه مدينه عرب وحاليا صارت مدينه سعوديه


4) كيف المستويين الأخيرة هل صعبة/وبالنسبة للطلاب كم درجة النجاح المتوسطة بين الطلاب في أغلب المستويات/وهل 70٪ درجة صعبة الواحد يجيبها..؟

اذا الشخص شد على حيله وحاط بباله هدف انه يتفوق مافي شي بيعيقه .. اخر ليفيل كله شغل زي شغل الجامعه لكن بشكل مصغر
والسبعين الاغلب يجيبونها لانهم حريصين على دخول الجامعه
موزعه الدرجات على بروجيكتس او ابحاث .. شي كتابه شي برزنتيشن شي قراءه وبس 15% تقريبا على الاختبارات هذا بالنسبه لليلفيل الاخير


وجزاكم الله خير
أطيب تحياتي