مساعدة الحقوني بعائلة تضفني ياجماعة الخير رحلتي بعد اربع ايام

October 27th, 2010, 11:49 AM

السلام عليكم ورحمة الله وبركاتة..
صبحكم / مساكم الله بالخير ..

ياجماعة الخير انا حالتي حاله مع العوايل لي اسبوعين وانا ادور واراسل لكن مالله كتب.. فيه وحده قالت لي خلاص قدام والبيت بيتك وزحمة واتفقت معها بعد عناء طويل .. واخر شي يوم طلبت العنوان حق البيت قبل كم يوم ماردت علي وادق على جوالها ماترد مادري وش جاها علي .. ولي اربع ايام وراها ماش البنت شكلها لقت لها احد بيدفع اكثر مني مهب يكاسرها على 20 دولار خخخخخخخخخخخخخخخخخ

والثاني نفس الحكاية ويرحب ويطق صدره ولو بذبح لك بنتي ماعشتك وزحمة واخرتها سحب علي بعد ماشاف صورتي قالي ارسل لي صورتك عشان نشيلك من المطار وشاف الصورة ولعد سمعنا له لا حس ولا خبر هالكلام له ثلاث ايام برضوه..

وانا رحلتي قربت والله وماودي اروح واكلها هناك خصوصًا اول مره لي اطلع برى وشايل هم الله يعلم به .. فالي يعرف لي عائلة ولا شي والسعر مايتعدى 750 دولار خصوصًا اني طالع على حسابي الشخصي يسوي لي معروف ويدلني عليهم تكفون

والسلام عليكم ورحمة الله وبركاتة

• نشر عبر تويتر
• نشر عبر فيسبوك
• نشر عبر جوجل