استفسار شباب استفسار للي عنده علم عن جامعة انتاريو للتكنلوجيا في اوشاوى

السلام عليكم, معهدها اسمو Culture Works والمعهد موش بطال وفيه نسبة طلاب سعوديين معقولة
المعهد طبعا كان يتكون من 4 ليفيلات بس بعد انا ماتخرجت منو الملحقية زادت كلاسات للطلاب السعوديين وصارو يحضرون كلاسات اضافية يجمعون فيها الطلاب السعوديين من كل الليفيلات وايضا صار فيه ليفيل اضافـي اسمه Beginner وهو تحت ليفيل 1.
بالنسبة للتدريس في المعهد انا اتكلمـلك عن نفسي مابغى اتكلم عن الاخرين, هي تعتمد عليك انت ماتعتمد عالمعهد يعني اڈا سويت منهم اللي يطلبون تاخڈ حقـك لكن ان كان بتسمع من الاخوان السعوديين فانت ماراح تمشي في المعهد تعرف لانو فيه بعض الاخوان الله يهديهم مايعجبهم المعهد فيتكلمون امام الاخرين ويسببون شوشرة مع الطلاب الجدد بالتالي الطلاب الجدد يخافون. انا تعاملت مع اعضاء التدريس في المعهد صحيح فيه منهم ناس شديدة بس انت بتعاملك راح تكسبهم وابدا لاتتردد في طلب المساعدة منهم يعني لو عندك اي سؤال روح المكتب واسالهـم.
*طبعـا لمن تنجـح من الليفل الاخير تصبح انت مؤهـل انك تدخل الجامعة من غير اي شهادة لغة او ايت اختبارات!
بالنسبة للتخصص اتوقع فيه تخصصات طبية بس والله ماعرف اي احد يدرس فيها لكن ان كان تبغى مساعدة في كلية الهندسة او البزنس اقدر افيدك. والدراسة يا اخي العزيز مافيها شي اسمو صعب ولا سهـل, قلتلك انت تدرس بتحصل مرادكـ مافي تخصص سهل وتخصص صعب التخصصات مختلفة وطريقة الدراسة لها مختلفـة!

الله يسهـلك وييسرلك اموركـ يارب العالمين,
دمت بود