استفسار ابي مساعد في طريقه تحول المال

حيالله ابو فهد ...

فيه طريقة انك تاخذ شيك من البنك بالمبلغ واذا رحت هناك تضيفه بالبنك اللى تبغاه وحسب علمي اهم شي المبلغ اللى تشيله معاك مايتعدى عشره الاف دولار خذ معاك اللى يكفيك كاش ووزعهم على خل نص معك ونص بالشنط عشان لو تعرضت لسرقه مايروح كامل

واللي يعرف طريقة افضل عن تجربه يفيدنا فيها ...

والمعهد والسكن ادفعلهم اول شهر بس عشان اذا ماعجبك تقدر تغير لان حسب ماسمعت اذا دفعتلهم كامل مايتساعدون معاك ويرجعون لك

هذا الكلام منقول من خبرة الاخوان في مبتعث جزاهم الله خير

حياك اخي

خذ مبلغ بسيط بعملعة المطار الذي ستبقى فيه طويل

وممكن تخذ مبلغ وتحوله من المطار الذي ستنزل فيه

وممكن تصرف من بطاقة البنك السعودي وهذا حل امان حتى تستقر وتحول من السعودية لحسابك الكندي

وفقنى الله وإياك لكل خير

هلا فيك أخوي .. خل معاك 2000 دولار كندي ..

ومبلغ بسيط بعملة المدينة اللي بتجلس في مطارها قبل توصل تورنتو

والبقية خلها في حسابك السعودي ..

تقدر تسحب من هنا من حسابك السعودي ..

وحاول يكون معاك بطاقة فيزا أو ماستر كارد

وأحجز الفندق قبل توصل تورنتو عن طريق النت

اللي انا سويته اول ماجيت اني اخذت معايا الفين دولار كاش طبعا تقدر تاخذ اكثر بس اهم شي مايتعدى اكثر من عشره الالاف دولار كندي واكيد انك ماراح تاخذ ذا المبلغ الكبير
نصيحتي لك خذهم كاش وخليهم في جيبك واهم شي انها ماتطيح لانه ماحد راح يسرق ان شاءالله لان الدنيا امان

وافضل شي انك تتفق مع هوم ستاي قبل ماتجي وسعر الهوم ستاي مع الاكل ب 800 دولار ويعتبر سكن مؤقت تقدر تسكن فيه الين تحصل شقه طبعا هذا اذا كنت عزابي مثلي

تقدر تقسم المبلغ اذا تحب وتحط جزء منه في بطاقه فيزا مسبقه الدفع من السعوديه..

يعطيكم العافيه على التفاعل .. مشكورين على الطرح الرائع

استفساري... انا ناوي ادرس على حسابي واكيد المبلغ بيكون كبير كيف احوله الى كندا .. وكم ياخذ من الوقت او وش افضل طريقة اخذ فيها المبلغ ......؟

Best Regards

أفضل طريقة أنك تحمل معاك 2000 دولار كاش والباقي تخليه حواله من السعودية أأمن لك وأرخص ولأنك اذا جيت تصرف الريال للدولار راح يسحبون عليك البنوك, وسترن يونيون في كندا اللي هو سبيد كاش في السعودية, ربع ساعة والفولس عندك من السعودية