كيف استعمل السب وي والباصات

اخوي عندك جوجل مابس، قول تبغى تروح من جامعة يورك الى محطة شبرد تكتب في قوقل:

From: York University
To: Sheppard Station

York University to Sheppard Station - Google Maps

وقوقل يقولك الباص الي تاخذه ومتى يجي: وخذلك خريطة السب واي من موقعهم وبيسهل عليك وتصير تتعود عليه.
The Toronto Transit Commission - TTC

من الموقع تعرف الباصات والسب واي وين يودون، وبطاقتك شهريه ... مايحتاج تدفع اذا استخدمت السب واي توريها الموظف او تسويلها سوايب وتمر، اما في الباصات او الستريت كار بس توريها صااحب الباص. اسأال الناس اذا توهقت، ترى يساعدون.

بالتوفيق.

الكرت اللي معاك تستخدمه في كل مجالات مواصلات شركة TTC لشهر نوفمبر يعني بنفس الكرت تركب السوب واي والباص والستريت كار بالنسبة لموضوع كيف تعرف قدام كل موقف باص فيه لوحة مكتوب فيها الوجهات مثلاث المطار تروح غرب بالسوب واي لين محطة كيبلينج وبعدها تركب الباص رقم 192 اللي مكتوب على اللوحة حقة الموقف ايربورت وزي كذا والامور سهله بس انتا اعرف الاتجاهات وخط سير المترو وكلها كم يوم وتعرفها اهم شي اطلب الماب من الموظف حق التذاكر وبالتوفيق حبيبي

أخوي كل باص في أي محطة له وجهة معينة ..

لازم تعرف وجهتك وعن طريق قوقل ماب تعرف الباصات ..

اذا ساكن في الداون تاون وتبي تروح مثلا لشارع العرب في لورنس

تطلع لمحطة إجلنتون .. ومنها تأخذ باص 54

واذا حاب تروح سوبر ماركت إقبال .. تطلع محطة باب bape وتأخذ باص 25

واذا بتروح المطار تروح محطة كيبلنج ومنها باص 192

وأي سؤال بالنسبة لأي منطقة تبي تروح لها تحت أمرك أخوي ..

هو سأل و احنا استفدنا
مشكور عالسؤال الحلو
مشكورين عالاجابات الاحلى
موفقين

يعطيكم العافيه
طيب اذا ابي اروح للمطار اركب اي باص ومن عند اي ستيشن

محطة kipling
باص رقم ١٩٢
بالتوفيق

السلام عليكم ورحمة الله

اذا عندك ايفون اخوي فيه برنامج اسمه rocket man راح يفيدك كثير نزله من الابل ستور
فيه كل الي تحتاجه للباصات وكل محطه وكم رقم الباص الي يمر وكم الساعة راح يمر راح ينفعك كثير باذن الله
وكمان هذا برنامج ماب للصب وي ttcnavigator
اتمنى اكون قدمت شيء مفيد
بالتوفيق لك يارب

احمد

الله يعطيك العافيه اخي احمد كنت ادور على البرنامج بس ما حصلته عند احد

الله يعطيكم العافية على التوضيحات