استفسار بخصوص الشقق

اختي ممكن تحصلي احد من الاخوان السعويين راجعين للسعودية اجازة , تقدري تستاجري الشقه منهم لفترة شهر او شهرين

او تدوري علئ شقق مفروشة بالشهر بس الصراحه صعب شويا انك تحصليها

وممكن تشوفي لو عمارتك فيها غرف للضيوف كمان مرا مناسبة بس مو كل العماير فيها

وبالتوفيق يارب

اختي ,,, الله يوصل اهلك بالسلامه وراح ينور تورينتو

وزي ماقالت اخت ميس انو تلاقي في ( بعض ) العماير ادوار نفس نظام الفندق ياجرك بسعر جدآ رخيص
او برضو تقدري لو وحده من صحباتك ساكنه بعماره وتستاجرلك نظام الفندق لو كان عندها

وفي فندق في بلور انا سكنت فيه شهر بي 2200 دولا غرفة وصاله وحمام
وكمان بالصاله في كنبه تصير سرير وفيه فندق في دندس سعرو باليوم 104 مع النت والتاكس
غرفه بس وحمام وانتي بكرامه واذا بتخذيها شهر اكيد بينقصو السعر

هذا الى اعرفو والله اعلم والله يعينك

اذا بالصيف جايين ان شاء الله سهله.. الشقق sub-lease كثير في هالوقت.. صاحبها مسافر ولا شي ويخلي واحد يمشي العقد عنه, و غالبا تكون مؤثثه هذا كويس برضه

فيه بعض العمائر ممكن تأجركـ حسب المدة اللي تبغين ..

عن طريق إدارات العمائر ..

بدون عقد .. وممكن زي ماقالوا الإخوان شقة أحد الطلاب المبتعثين اللي راجع السعودية إجازة ..

والله الموفق

تقدر تنزل اعلان وسوف تحصل انشالله