استفسار موزعي الانترنت

وعليكم السلام
ماعند خيارات كثيرة اذا تبغى انترنت ارضي
خيارتك هي مقدم الانترنت عن طريق خط التلفون وفي هذه الحالة هي شرطة بيل
وخيارك الثاني هو شركة الكيبل
وما ادري حسب منطقتك ياتكون Cogeco او Rogers

cogeco اسعارها تقريبا مثل بيل وليمت التحميل محدود ولكن روجيرز سعة التحميل اعلى بس انت وحظك لان كل شركة لها مناطق محددة

انا في الداون تاون - تورنتو
اشتراكي كيبل من روجيرز
60 جيجا الشهر تقريبا 56 دولار
ونستخدم الانترنت اثنين انا وزوجتي
ويوميا اشاهد مباريات ومسلسلات ولا عمري تجاوزت ال 60 جيجا

فيه شركات تقدم إنترنت مفتوح وهاتف منزلي وأكثر من 300 قناة عربية مقابل 70 دولار شهريا ..

أفضل من بل وروجرز ..

أنا بل سرقوني سرقة صراحة

إشتركت بباقة قيمتها 56 دولار وتجيني الفاتورة 140 دولار مع إني مااستهلك نت كثير ..
شركة تيك كورنر

رقم الهاتف 8554104440
الموقع

www.tekcorner.ca

وفيه شركة جولد لنك

رقم الهاتف

8669994651

الموقع

GOLD LINK | The Telecommunication Company

أنا صديق لي مجرب جولد لنك وصديق ثاني مجرب تيك كورنر

والكل يمدحونها .. وميزتها النت مفتوح يعني مايقول لك تجاوزت الجيجا بايت ولا غيره والسعر ثابت شهريا 70 دولار + الضرائب 13%

888888
نفس المعاناة والله الباقه 56 وتجيني فوق 120
بشوف الارقام حطيتهم والله يسهل مع العلم انه اشتراكي الحين له سنتين بس لهم الآن 4 شهور وهم ياخذون بزوود من بدايه السنه الجديدة

اليوم إتصلوا علي بل يبون 227 دولار حق شهر بس ..

وأنا قبل أقل من شهر مسدد 220 دولار

وقبلها بشهر مسدد 340 حق شهرين

مع إنهم أول 3 أشهر ماكانوا يزيدون في الفاتورة كانت بس 56 مع التاكس توصل حدود 64 دولار

بس من بعدها تخطت حاجز ال100 دولار شهريا والشهر هذا الظاهر تخطوا حاجز ال200 والله يعين ..

طلبت إلغائها وراح أشترك في جولد لنك ..

حسبي الله عليهم بس

رمادا الحرف واضح اننا نعاني نفس المشكله
البلان حقي كان ٥٠ دولار وع اساس انه مايتجاوز ال٧٠ دولار مع الاستخدام الزائد كحد اقصى بس هم ارسلوا لي رساله قبل بدايه السنه الجديدة على وقت اجازة الكرسيميس انه حيلغوا الحد الآعلى للأستهلاك الزائد وانه حيكون الجيجا بأثنين دولار للاستخدام الزائد؟؟! واتلصت عليهم وقالوا لي اذا عندك مشكله مع التغير ممكن تلغي الخدمه بس لازم تجي مكتب المبيعات وتسلم المودم ؟:
فطنشت الموضوع وقلت خلك على مهبولك لايجيك اللي اهبل منه بس الواضح انه راح نستغل لانه مؤكد راح تتجاوز الحد الإعلى وبذلك يتطلب منك انك تدفع على كل قيقا دولارين والحسابه بتحسب وبكذا راح توقف تحميل ويوتيوب وكل حاجه ؟؟!

اديني خبر ايش يصير معاك في جولد لينك لاني حسبتها من الموقع حصلت المودم ب١٠٠ واذا ماعندك خط بيل راح يستاجروا خط من شركة بيل ب٨ دولار شهريا حتى يوصولوا النت لك انا مالي اهتمام بالقنوات العربيه لاني مااطالع التلفزيون من يوم كنت بالسعوديه فأذا شفت خدمه النت عندهم اوفر اكيد بأشترك فيها بس رد لي خبر كم كلف عليك الخط لين ماشغلت خدمة النت عندك اقصد المودم وزي كذا وكم الرسوم الشهريه بعد حساباتهم كامله اقصد اجار الخط والبلان حقك وسرعه النت
المعذرة عالازعاج بس الديرة هذي كل شي فيها كويس الا قطاع الاتصالات تحس ماخذين حقهم بالنصب

وبل بلغيها ان شاء الله الاسبوع القادم ان الله كتب

المعذره انا اقصد تيك كورنر
معليش لخبطت عزيز رمادا بس انا مشيك على تيك كورنر مو قولد لنك

بإذن الله أول مايصير معاي شيء بأبلغك ..

بل قالوا لي ينتهي إشتراكي بعد 30 يوم وحددوا لي تاريخ 11 مايو

قالوا يجيني واحد يأخذ المودم ..


ولازم أسدد كل شيء علي بس ماحددوا لي المبلغ

المشكلة تروح لهم الفرع مايعطونك أي معلومة ..

يقولون لك اتصل على الهاتف الخاص بالخدمة .. وماشاء الله أنا أقلز واحد .. الإنجليزي عندي ممتاز عشان أتصل عليهم .. أنا يالله أمشي نفسي مع العرب الموجودين في بعض الفروع ..

وربك يعين .. بأحاول أخلي واحد من الشباب متمكن من الإنجليزي يكلمهم .. عشان مايلعبون علي زي دايم ..

لأني قبل شهرين كنت بألغيها ولما كلمت الموظف قال لي راح أعطيك باقة 120 جيجا في الشهر .. وتضيف عليها خمسة دولار فيها 40 جيجا

يصير المجموع 160 جيجا .. ومستحيل أحد يوصل إستهلاكة 160 جيجا في شهر لو كان 24 ساعة عالنت والتفلزيون ..

وهذي الباقة قال لي كاملة ب34 دولار + الضرائب .. يعني توصل بحدود 39 تقريبا ..

وأول فاتورة للباقة الجديدة 227 دولار .. شكله ماغير الباقة ولا شيء .. بالعكس شكله عطاني الباقة اللي 20 جيجا ب40 دولار .. والباقي حسبوه علي إستهلاك زايد وإلا مستحيل توصل الفاتورة كذا