الطلاب المتواجدين في تورينتو .. الرجاء الدخول

بالنسبة للبنك hsbc

هو وبنك ساب بينهم إتفاقيات .. ويعتبر ساب الوكيل الخاص بهم في السعودية ..

ويفيدك في سرعة التحويلات من السعودية لكندا والعكس ..

فيزا الراجحي إذا كانت معاك تفي بالغرض .. المهم يكون الحد الإئتماني حقها مرتفع شوي فوق 8000 ريال عشان تقدر تستفيد منها في البنك ..


بالنسبة للآي باد السعر الطبيعي هو تقريبا نفس سعره في جرير وإكسترا والمتاجر الكبرى .. لكن هنا الفرق الضريبة ..

مثلا لو كان سعره 650 دولار أنت راح تدفع 734 دولار .. يعني 84 دولار ضريبة ..

وبإمكانك تشوف الأسعار هنا

New iPad - Buy the New iPad with Wi-Fi or Wi-Fi + 4G - White or Black - Apple Store (Canada)

وتضيف على الأسعار اللي في الموقع الضريبة .. والدولار الكندي حسب سعر الصرف اليوم 3.82 ريال تقريبا

وسعر صرف الريال كل يوم يختلف ..

مافيه أي تخفيض للطلاب الدوليين .. أنا كنت أسمع بهالشيء .. لكن لما جيت هنا مالقيت عندهم أي تخفيض ..

وبالنسبة للضمان .. زميل لي اشترى آي فون من السعودية ..

وبعد ماوصل هنا طاح منه وإنكسرت الشاشة .. راح وبدلها عندهم مجانا ..

أما التبديل مايبدلون الجهاز إلا إذا كان خلاص مايتصلح سواءا شاريه من كندا أو من السعودية ..



والله يوفقك وييسر لكـ أمورك ..

بالنسبة للبنك hsbc
هو وبنك ساب بينهم إتفاقيات .. ويعتبر ساب الوكيل الخاص بهم في السعودية ..
ويفيدك في سرعة التحويلات من السعودية لكندا والعكس ..

اها فهمت عليك اخوي رمااد .. اجل بكذا راح افتح لي حساب في ساب احسن لي

بالنسبة للآي باد السعر الطبيعي هو تقريبا نفس سعره في جرير وإكسترا والمتاجر الكبرى .. لكن هنا الفرق الضريبة ..
مثلا لو كان سعره 650 دولار أنت راح تدفع 734 دولار .. يعني 84 دولار ضريبة ..

فهمت عليك يعني السعر الاساسي للاجهزة في كندا تكون ارخص بفرق بسيط من عندنا لكن مع الضريبة تكون نفس السعر اللي عندناا او مقارب لهاا
اجل بكذا راح اخذ برأيك واتوكل على الله واشتري الاجهزة من هناا .. بس سوالي : هل سعر الضريبة هذا ثابت ما يتغير على جميع الاجهزة والا يختلف من سلعة لسلعة ؟؟

مافيه أي تخفيض للطلاب الدوليين .. أنا كنت أسمع بهالشيء .. لكن لما جيت هنا مالقيت عندهم أي تخفيض .
وبالنسبة للضمان .. زميل لي اشترى آي فون من السعودية ..
وبعد ماوصل هنا طاح منه وإنكسرت الشاشة .. راح وبدلها عندهم مجانا ..
أما التبديل مايبدلون الجهاز إلا إذا كان خلاص مايتصلح سواءا شاريه من كندا أو من السعودية ..

والله وانا اخوك ما ندري نسمع مثل هالكلام كثير بس االله يجزاك خير على هالمعلومة

شاكر ومقدر لك اخوي رماد على ردودك والله يعلم كم استفدت منهااا والله يوفقك ويعطيك الف عافية

3. انا حاب استخرج فيزة تسوق .. هل الافضل اخذهاا من احد البنوك في السعودية ؟؟( الاهلي او الراجحي او ساب ) وماهي افضل فيزة تسوق من احد البنوك الثلاثة ؟؟
او الافضل اني اخذهاا من احد البنوك المتواجدة في كندا ؟؟


حبيبي انا اخذت معي ماستر كارد من السعوديه وصلت كندا فتحت احساب في التي دي بنك وطلبت فيزا قالولي بعد اسبوع بس لازم يكون عندك عنون السكن

ومن ناحية خطوط الطيران انا بصراحة جربت الاتحاد وكان خط السير الرياض أبوظبي تورنتو بس بصراحة سيئه فيه الشباب مدحولي طيران الإمارات لان الاتحاد زحمة والخدمة سيئه

اخوي بالنسبه لغرض الدراسه احذر تاخذ نموذج جاهز ! هنا ما يستهينون في هالموضوع وممكن يكون فيه طرد او غرامه بعد ! حاول انت تكتبها ولازم تكون شخصيه عنك عن حياك عن دراستك ! ما ينفع احد يكتبها لك ! ممكن تكتبها في فتره دراسه اللغه وتخلي احد المدرسين يصححها لك ! موفق

الضريبة في مقاطعة أونتاريو تعتبر أعلى الضرائب في كندا وتصل 13% وهي ثابتة في كل المحلات .. ولكن المواد الغذائية الأساسية لا يوجد عليها ضرائب .. أما الأجهزة والإلكترونية والملابس والأثاث إلخ .... عليها الضريبة 13%

هلكتنا هالضريبة .. بس ربك يعين .. يعني الشيء اللي تلاقي سعره في المحل 100 لا تحسبه 100 على طول أحسبه 113

بالنسبة لغرض الدراسة في ناس هنا يكتبونة بفلووس

بس تعال هنا ورتب امورك وبعدها فكر بالدراسة

بالنسبة لابل واجهزتهم Official Apple Store Canada - Buy the new iPad, Apple TV, iPhone, Mac Computers and Notebooks, iPod and More - Apple Store (Canada)
ادخل موقعهم وشف الاسعار وزود 13 بالمية
وقارنها بالسعودية
انا اذكر ايفون 4 اس اول مانزل كان هنا باقل من 3000 ريال وفي السعودية ب5000 يال

آيفون 4 أس حاليا في السعودية أقل من سعر كندا ..

لكن أول مانزل هنا كان غالي في السعودية لأنه باقي مانزل هناك .. والسوق السوداء إستغلوا الفرصة ورفعوا الاسعار .. وهم مشترينها من هنا أو من أمريكا أو أستراليا ..

أنا إشتريت لشخص من هنا ماكان يبي ينتظر لين ينزل في السعودية .. ولما نزل بعدها بشهر قال ليتني إنتظرت لأنه نزل بفرق كبير مع سعر الشحن ..