للمساعدة في البحث عن شقة أو غرفة أو هوم ستي أو أيضا بيت (اطلب) ..

السلام عليكم ورحمة الله بركاته ..

جزاك الله خير ع هادي الفكره اخويا ومن جد فكره مررة كويسة بالنسبه للطلاب الي قدمو ع البعثة وطبعا مرة خايفين ومتوترين ايش حنسوي هناك وكيف السكن وكيف الوضع حيكون خصوصا انو مااعرف ولا وحدة من صحباتي مبتعثة لكندا ... حابة اسأل انا ليسا عروسة وحتى بمعنى اصح مخطوبة وفرحي قبل السفر بأسبوع السكن فشقة خاصة افضل ولا فالهوم ستي خصوصا انو ماعندي اطفال ليسا ؟؟ ولو الشقة او الهوم ستي افضل ايش الاسباب ؟؟

واذا حابة سكني هناك شقة او هوم ستي تقدرو تساعودني انا قدمت ع معهد جيوس فـ مونتريال وابا شي قريب من الباصات زي الداون تاون ومااعرف ايش في غيرها شوارع كويسة وقريبة ؟؟

وجزااااكم الله خير ,,, ارجو الرد

جزاك الله خير على الكلام الجميل وأسأل الله يكتب لنا ولك حياة طيبة سعيدة ..
بالنسبة لكونك زوجة جديدة وزوجك معك ولا عندكم أطفال .. فوالله حسب ي أختي ..
يعني خلينا نقارن بينها ..
إذا سكنتي في هوم ستي : بكيفكم تاخذون غرفة أو غرفتين .. مصاريف الكهرباء و الماء و التدفئة و الانترنت واير لس و الأكل على العائلة اللي راح تسكنين عندها ..
مثلا تدفعين لهم لك لحالك 800 دولار شهريا راح أكيد تكون الفواتير منها ..
راح تحصلين ناس تتكلمين معهم إنجليزي وتطورين لغتك و الكلام عندك واللهجة بعد مع أفراد العائلة اللي ساكنين عندهم ..
لكن بيني وبينك يعني يمكن ما تشعرون بالراحة الكافية كونكم مع ناس غرباء وزوجين جديدين و يمكن يكون الحمام وانتي بكرامة مشترك بين العائلة كلها وكذا ..

إذا سكنتي في شقة : على حسب و الله الشقة وين موقعها وكيف جودتها يعني جديدة أو قديمة ..
عموما غالبية الشقق ماهيب مفروشة وهذا شيء أكيد يعني أنتي يجب عليك تشترين الاثاث وان شاء الله ما يكلف يعني راح تحصلين أثاث مستعمل جديد استعماله يعني نظيف ..
اما هنا في المنتدى او كمان في النادي السعودي في مونتريال النادي السعودي بمونتريال او في أي نادي سعودي في كندا سواء في اوتاوا أو تورنتو ..
أو أيضا هنا في موقع المستعمل Free Kijiji Canada Classifieds | Free Ads | Petites Annonces Gratuites ..
في الشقة راح تدفعون الفواتير الكهرباء و الماء و الانترنت و التدفئة بس فيه بعض الشقق يعفونك من التدفئه و الماء ..
وأسعارها تعتمد على كم غرفة .. خلينا نقول غرفتين و صالة وحمام و مطبخ بـ 1300 دولار شهريا .. تقريبا وزي ما قلت على حسب جودة الشقق ..

عموما و الله كل شيء على حسب ميزانيتك وراحتك ونظريتك ..

بالنسبة لي أنا أنصحك بشقة ..

علميني وش تبين قرارك هوم ستي أو شقة و عطيني عنوان المعهد اللي سجلتي فيه "جيوس" ( موقعه ) ..
ان شاء الله ما أقصر معك ..

يعطيك العافية ويوفقك في دراستك ان شاء الله
اكيد راح احتاج مساعدتك وليه عودة

فكره حلوه وجزاك الله خير ع الموضوع
وانا انشالله ع قولك راح ادلو بدلوي معكم

شكرااا اخويا على ردك ومن جد جزاك الله خير ..

واللهي فكرت كتير وارتحت للهوم ستي بماانو في احد حأقدر اتكلم معا انقليزي يقوي لغتي انا سجلت فمعهد جيوس فــ مونتريال مقاطعة كيوبك الفرنسية حأدرس في 3 شهور وممكن اقل وبعهدها بأذن الله حأحول ع معهد جامعة كونكورديا بس حابة الهوم ستاي يكون قريب من الداون تاون وتكون عيلة كندية عشان تكون لغتها الاساسية الانقليزي وعيلة كبيرة فالسن يعني لو عجايز يكون احسن وتكون عيلة طيبة وحابة يكون لية حمام خاص وغرفة والمطبخ وقت مااحب انا اطبخ بنفسي ^_^ ادا ممكن

تقدر اخويا تساعدني فيها حيكون موعد قدومي ان شالله 1434/4/1هـ لانو موعد دراستي حيوافق1434/4/15هـ & 2013/2/25 م يعني ابا اجي قبلها ب15 يوم

طيب حياك الله ..
هذا هوم ستي في مونتريال في وسط الداون تاون - مونتريال ..
تبين تشوفينه في خرائط قوقل , روحي لقوقل خرائط https://maps.google.ca/ وأكتي في خانة البحث : Montreal - Montréal, QC H4P 2T5 وراح تشوفينه في الخرايط ..
السعر 197 دولار كندي اسبوعيا يعني شهريا 788 وحولها خلينا نقول 800 دولار ..
غير مسموح لك باصطحاب الحيوانات الاليفه ..
غير مسموح لك بالتدخين خخخخخ حشانا وحشاك ..
الوجبات المتضمنة في المبلغ : فطور وعشاء ..
الانترنت : برودباند و وآي فاي ..
اذا جيتي في المطار انت تاخذين تاكسي وتروحين البيت ما يجونك يعني ..
البيت خاص بالاناث فقط يعني للحريم بس ماكو رجال بوه ..
فيه ثلاث غرفة تقدرين تختارين منها اللي تبين ..
فيه قريب من البيت أسواق وجامعات و محلات و وسائل نقل كذلك ..
صراحة البيت روعه مير انه غويلي شوي لكن هالرابط تبع الصفحه لهالبيت : Montreal Homestay Directory :: View homestay listing
تقدرين تشوفين الصور باختيار الزر view photos وتشوفين صور البيت ..

وبالله التوفيق ..

الهوم ستي الاخر نفس الحكاية في مونتريال ..
عائلة مكونة من زوج وزوجه و بنتين ..
الاب مهندس كمبيوتر و فيه غرفة الجلوس اللي في البيت مشتركة لو تبين تجلسين معهم فيها شاشة تلفزيون كبيرة ..
القيمة الشهرية 700 دولار مع وجبتين متضمنة في المبلغ الشهري ..
يوجد غرفتين للطلاب مفروشة يمكنك اختيار احدها ..
انترنت و تدفئه وكيبل تلفزيون و غسالة ملابس و ومويه حاره ههههه و الكهرباء متضمنه من المبلغ الشهري ..
اللغات المُتقنة من العائلة هي الانجليزية و الفرنسية ..
لو جيتي في المطار يجون يستقبلونك و يودونك معهم ..

بالنسبة للمراسلة مع صاحبة الهوم ستي من هالصفحة : HomestayFinder - Rachel's homestay in montreal, Quebec, Canada

موفقة إن شاء الله

السلام عليكم ... مشكووور اخوي على هالخدمه .. الله يكتب لك الاجر اخوي...

انا دراستي بعد شهر بأذن الله في تورنتو في كورنر ستون شارع بلور ستريت

حبيت اشوف لي شقه تتكون من غرفة ودورة مياه -وانت بلكرامه- ومطبخ.. وبنفس الوقت ابيها تكون مفروشه ..

ابي اعرف عن اسعار الشقق الي تكون مفروشه.. او شخص يكون يبي اكمل الاجار واشتري الاثاث منه ..

اتمنى تكون سعر معقول لان بدايتي بدرس على حسابي بعدها نقدم على الملحقيه..

جزاك الله خير اخوي...ويعطيك الف عافيه..

شكرا اخويا ماقصرت جزاك الله خير والله يجعلو فميزان حسناتك ..
حاليا قدمت ع الهوم ستي التاني الي زوج وزوجة وبنتين بس يارب يوافقو ويكونو طيبين معانا وماتسرلنا اي مشاكل ولا يخلو بالمواصفات الي كاتبينها عشان لانروح وننصدم ويارب يراعو انو احنا طلاب جدد ومانعرف البلد وخايفين كتيييييير