استفسار عن الاحوال المادية في مدينه تورنتو

اهلين ..
اذا بتكونين جايه من السعودية يعني "أردّي" مبتعثه ..
بتستنين مدة شهر كامل لين تنزل المكافأه في حسابك أو حسب الوقت اللي تجين فيه ..
المكافأه تنزل بتاريخ 20 هجري أو قبله بيومين أو بعده بنفس الفتره ..
لنفرض ان قرارك ابتعاثك و بداية الصرف في القرار من 10 من الشهر ..
راح تحسب لك من الملحقية كم تستحقين من 10 الى 20 في هالفتره وراح يتم صرفها لك .. يعني ما تصرف لك المكافأه كاملة ..
او راح تصرف لك كاملة على حسب وقت جيتك و الله ..

بالنسبة للمبلغ اللي تحتاجين تصرفينه لين تنزل المكافأه و الله على حسب يعني تبين لحجز البيت و الاكل و كذا حاجات اساسية بس ..
انا من رآيي انك تاخذين هوم ستي لين تنزل المكافأه وتتيسر أمورك ..
والهوم ستي على حسب لكن ان شاء الله ما يتعدى 800 دولار شهريا .. مع 3 وجبات يوميا و الانترنت و الماء و الكهرب و غرفة خاصه ومشترك التلفزيون و غسالة ملابس ونشافة واستخدام المطبخ يعني على حسب ..
اذا نزلت مكافأه دوروا شقة تناسبكم و تفاهموا انتم وراعيها ..
أسعار الشقق تقريبا نفس الحكاية على حسب لكن خلي في بالك انها من 900 الى 1300 دولار شهريا ..
تقريبا 90% ياخذون منك حق أول شهر وآخر شهر مره وحده ..
ثمن تصير تدفع شهريا الاجار ..

بالنسبة للاحتياجات لاخذ الشقة لازم تطلب من الملحقية طلب تعريف لحجز شقة اللي هو "Proof" يتم ايضاح فيه دخلك السنوي عشان تعطي منه صور لصاحب الشقة ..

والصرفية نضرب مثال للاكل تقريبا راح تكون لك لحالك بين الـ 300 و 800 ..

بالنسبة لكم يعطونك الملحقية كمكافأه فعلى حسب هل المرافق زوج أو محرم عادي كأخ أو زي كذا ..
اذا زوج راح يعطونكم ان شاء الله تقريبا لكم كلكم 4200 دولار شهريا ..
اذا اخ محرم راح يعطونك انتي كمبتعثه 2696 وهو تقريبا 1500 دولار شهريا ..
نفس الحكايه : ) اظن فيه فرق بسيط بس مدري وين ..

بالنسبة لشروط فتح حساب في البنك فأعتقد :
2 ID تعريفين لك كمثلا الجواز و بطاقة الكلية او شيء زي كذا ..
الستدي بيرمنت اللي هو تصريح الدراسة وعادة يكون مدبس في الجواز ..

امممم بس أظن هالاثنين ..

بالنسبة لتعويض الملحقية لأجار الشقة ما أتوقع ..
صحيح فيه تعويضات لكن مب على أجار الشقة ..
عموما أنصحك ما تحجزين الشقة من السعودية يعني تعالي هنا ودوري لك شقة زينه لأنه دايما في الانترنت يزينون لك الاشياء بينما هي في الواقع خيطي بيطي : )

الملحقية تعوض على حاجات مثلا اختبارات الايلس والتوفل و الكيل و هيك يعني تحديد مستوى اللغة ..
كمان يعطونك ان شاء الله بطاقة تأمين صحي راح تفيدك بإذن الله ..

إن شاء الله أكون أفدتك ..
أسأل الله لنا وياك التوفيق ..

مشكووووووووووووووووووووووووووووووووووووووووووووووو ر وجزاك الله خير ويعطيك العافيه ماقصرت الله يحقق لك مطالبك وامانيك ويجعلك التوفيق حليفك ياكريم ...

1) كم المبلغ اللي احتاجه عشان اصرف على نفسي في الفترة اللي بقضيها بتورنتو قبل نزول المكافاءة ؟؟

على حسب صرفيتك، اعتقد 1000$ مناسبه لشهر كامل كـ مصروف جيب، اذا كانت قليل مره ، ممكن تنزل لـ 800$

2) المكافاءة كم تبلغ لمبتعثة ومرافقها وكم تحتاج وقت على ماتنزل بحساب المبتعثه ؟؟

المكافأة للمبتعثين في كندا 2700$ وللمرافق ماعندي خلفية ، لكن اعتقد من 1500-1700$

3) وش هي شروط فتح حساب في بنك كندي ( هل احتاج مبلغ محدد عشان افتح فيه حساب ) ؟؟

شروط فتح الحساب في بنك CIBC ماعتقد فوق طاقة أي شخص، مثلها مثل السعودية، وبما انك راح تجين بمصروف شهر، راح يفتحون لك حساب حتى لو معك 100$ لانه بدون فوائد على ما اعتقد
* لو كان فيه فوائد ماراح تتعدى 2.50$ بالشهر

4) وش الافضل هل احجز شقة من هنا (السعوديه) ولا لمن اوصل هناك على خير ؟؟

الأفضل تسكنين مع عائلة بحكم انك على حسابك، راح يكلفك هالشي من 700-850$ بالشهر شامل الوجبات اليوميه والإنترنت
* وقتها تبحثين عن شقه مكانها مميز وحلو، ويكون بدأ الصرف من الملحقيه وتتسهل أمورك

5) كم المقدم اللي يندفع تبع الشقق السكنية هناك بالعادة .(يعني مثلا ياخذون مقدم شهر ولا سنه ) ؟؟ وكم يتراوح المبلغ ؟؟ وهل المبتعث هو اللي يدفعه؟؟

نظام التأجير في تورنتو عقود سنويّة، بمعنى تدفعين قيمة أول شهر وآخر شهر، ولنفترض قيمة الشهر 1000$، فيكون أول مبلغ تدفعينه 2000$، وقيمة اخر شهر ماتدفعينه ( اذا كملتي عقدك وكنتي بتطلعين )
* قيمة الأجار على حسب المكان، الغرفه مع صاله وحمام ومطبخ اسعارها 1200-1500$

6) انا لمن بدفع اجار الشقه السكنيه من فلوسي لمن بوصل عللا خير هل الملحقيه تعوضني بعدين ؟

التعويض مايشمل السكن او المصاريف الشخصية.




ان شاء الله افدتك، وبالتوفيق

مشكورين الاسئلة كانت حلوة والاجوبة وافية يعطيكم العافية
بس عندي سؤال اذا ممكن سمعت عن شيك ملغي نقدمة للملحقية اذا مو غلطانة اذا احد عنده فكرة ايش هو بالضبط يفيدني وشكرا ماقصرتم

شيك ملغي عشان يكون عنوان حسابك والفرع موجود فيه
وينزل عليه راتبك، طبعا شيك ملغي يعني بدون رصيد وماله فايده

مشكووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ر وجزاك الله خير افدتني الله يكتب لنا التوفيق ...........

يعطيك العافية ماقصرت الله يكتب لك ولنا التوفيق يااااااارب

جزاكم الله خير
معلومات طيبة و مفيدة
شكرا لكم
عندي سؤال
شقة مكونة من غرفتين نوم و صالة و حمام ، كم تكلفة إيجارها الشهري في مدينة تورنتو ؟ و إذا أطراف تورنتو أو ضواحيها كم ؟
وفقكم الله

في المدينة لا يقل عن 2200
االبعيد عن الداون تاون أرخص (حسب البعد والقرب من الستيشن) لكن عموما حسب ماشفت الشقق قديمة (باستثناء منطقة النورث يورك وشبرد)