LinkBack URL
About LinkBacks
موضوعك معقد وانصحك تستشير محامي ـ
اذا وقعت عقد معاه موضح فيه اكلام اللي قالك اياه ، فهذا الشي في صالحه
7 " اذا وقعت عقد معاه موضح فيه اكلام اللي قالك اياه ، فهذا الشي في صالحه
استفسار مسألة قانونية .. اتمنى منكم مساعدتي
استفسار مسألة قانونية .. اتمنى منكم مساعدتي
تنبيه: هذا الموضوع قديم. تم طرحه قبل 4118 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- عوافي اكلتها7 "
اللي بعده .....
درس ب 500 دولار - وعليكم السلام ورحمة الله وبركاته7 "
اتمنى منك اخوي تذكر اسم التاجر عشان نحذر جميع الطلاب في اوتاوا من التعامل معه
والشي الثاني يمكن اني اعرفه لاني دايم امر المعارض وعرف بعضهم ونحاول نساعدك في الموضوع
وعلى فكره في بالسفارة السعودية محامي شغلته مثل هذي الحالات وللاسف في ناس كثير ما تدري وسبق ان صاري مشكله قريبه من مشكلتك و رحت لسفارة واعطيتهم اسم الرجال ورقمه الفواتير واتصل على الرجال بعدها بكم يوم وحول لي الفلوس اللي كان ناوي يسرقها مني - انصحك تكلم الملحقيه بالموضوع7 "
راح يدبرونك بمحامي من عندهم - السلام عليكم ورحمة الله ... عزيزي لاتخاف ولا شيء الحق معك بإذن الله7 "
انا صارت لي سالفه هنا بكندا شبيهه لسالفتك .. راح اعطيك اياها بالموجز ومالك بالطويله ... كنت بستأجر غرفه عند واحد صيني في بيته وعطيته دبوزت 220 دولار .. المهم ان عطاني هو وصل من عنده ( هو مسوي له دفتر وصولات مطبوع )
المهم ان اكتشتفت الغرفه مش مفروشه وقلت له ابي استرجع الدبوزت تبعي .. قال مافيه .. قلت له ترا باشتكي عليك ... قال روح اشتكي
انا قهرني لما شفته عادي عنده .. وقلت باروح اشتكيه .. عارف ان المبلغ مايستاهل ... لكن قهرني وقلت اقلها خلني اجره للمحكمه
المهم رحت هناك وفتحت قضية شكوى وعبيت ابلكيشن ذكرت فيه تفاصيل الشكوى ... ( طبعا فيه رسوم فتح ملف للقضية قيمتها خمسين دولار ... في حال لو كسبت القضيه يرجعونها لك )
عطوني نسخه من الشكوى وقالوا لي ارسلها له وجيب لنا ورقة الارسال من البريد بعدين .. وجبت لهم ورقة الارسال بعدين
المهم مالك بالطويله .... جا موعد يوم المحاكمه المحدد وحضرنا انا وهو ... وبالاخير حكموا لي الاتي
يرجع الدبوزت
يرجع رسوم فتح الملف
يعطيني رسوم ارسال البريد .. شوف بس كيف العدل عندهم
وبالاخير يعطيني تعويض خمسين دولار زياده
لكن هنا فيه مشكله بالقانون تبعهم ... الحكم مايجبر الخصم بالدفع .. يعني هو كان عليه يدفع هذا المبلغ .. لكن لو مادفع ماراح يسجنونه
راح يحطون عليه ملاحظة بالسيستم الكندي الين يدفع ... ومثل مناقلت انت خويك راعي مشاكل وعربيد ... يعني احتمال ماراح يدفع .... لكن اهم شيء المبدأ .. لاتخليه يستغفلك ... روح اشتك والباقي على الله ... اما ان يرجع لك او تكون انك سويت اللي عليك
صح فيه كمان حاجه .. لو هو ماحضر موعد المحاكمه .. خلاص يتم اجباره بالدفع لان هو ما احترم المحكمه .. يعني مش مثل عندنا تروح العمده ويحاصرونه وثلاث مواعيد ... الخ
اتمنى اني افدتك ولو عندك اي استفسار انا بالخدمه - عودة مره أخرى لموضوعك أخي بعد التفكير فيه .... احب اقول لك ان انا رجعوا لي الديبوزت لسبب واحد فقط ... هو ان المستأجر قال ان هو قام بايجار الغرفه تبعي بعد شهر وجاب المؤجره تشهد .. ولما جات المؤجره تشهد قالت انا اجرتها بعد شهرين من تاريخي لتقديم القضيه ... شاهدنا هنا ... هو ان القاضيه قالت المفروض على المؤجر ان هو ماياخذ الدبوزت كله ... لازم يحسب كم يوم جلست الغرفه من دون ايجار .. ويخصم من الدبوزت بمجرد مايقوم بتأجيرها ويرجع الباقي ... وبما ان اقوال الصيني وشاهدته مش متطابق في التواريخ ... حكمت لي القاضيه بإرجاع المبلغ ... وكمان فيه شي ثاني بقضيتي مع الصيني ... أنا ماكان عندي معه اي اوراق رسميه ... لكن لما رحت اشتكيت عليه وخذوا اقوالي واقواله ... شافوا ان احنا متفقين على القصه ومحد فينا عنده اعتراض على تفاصيلها .7 "
أنت هنا بسالفتك ... كلامك يدل انك تراجعت عن الشراء لكنك قلت ان هو قالك عادي لما عرف ان رخصتك سعوديه .... ففيه احتمال ان هو يجحد ان هو قال لك عادي من الاساس ... فلو تقدر انك تسوي فلم هندي
وتاخذ له تسجيل صوتي بمكالمه هاتفيه وتذكر موضوع الرخصه السعوديه وان هو قال عادي ... ساعتها ان شاءالله ميه بالميه بيكون الحق معك ... لان ما ادري بصراحه ايش راح يصير لو جحد ... وبرض شي ثاني مدري عنه هنا .... لو فرضنا ان هو طلع براءة ... هل يقدر يطالبك بتعويض او لا ؟
مدري برض ... فيبي لك تستفسر .... عموما أفضل مكان برأيي تستفسر منه ... هو من الطلاب اللي على وشك التخرج من كلية الحقوق بالجامعه ... بامكانك تشرح قصتك في ورقه وتلصقها كاعلان عند كلية الحقوق ... لان فيه طلاب على وشك التخرج ويلزمهم تطبيق ... فراح تاخذ استشاره قانونيه بالمجان .... اهم شي لاتسكت له .... لان مثل هالاشكال راح تستمر في غش وخداع الاخرين الا اذا تم ايقافها. - انا عندي عليه شهود، و هو يقولي لليوم انه راح يدفع لي بس اذا انباعت السيارة، و انا متأكد انه جذوب و انه باعها بس يبي يلعب علي، و صاحبه اللي عرفني عليه هو اللي نصحني اشتكي عليه في المحكمة، و هو كان شاهد على القصة كلها. أنا ماعمري دخلت محكمة حتى في السعودية، و متردد، و في نفس الوقت منقهر انه انقص علي، و حاس ان جبدي بتنبط، انا ابغاه يرجع الفلوس و مستعد اوزعها بسس برضاي مو بغصب عني.7 "
- و العقد اللي بيني و بينه مو موثق رسميا، يعني ورقة هو كاتبها على نفسه و موقعها، و عندي اثنين شهود عليه، صاحبي (سعودي) و خويه الكندي7 "
- ارجو تثبت هذا الموضع لان راح يفيد كل طالب راح يشتري سياره او بيتعامل مع اجنبي7 "
January 15th, 2013, 10:10 PM
السلام عليكم و رحمة اللهاود الاستفسار عن مسألة ذات طبع قانوني هنا في اونتاريو
نويت شراء سيارة قبل 4 اشهر، و كنت اعتقد انه بإمكاني شراء سيارة في اونتاريو بالرخصة السعودية، و بعد ان اتفقت مع الديلر بشأن السيارة دفعت له ديبوزيت 500 دولار، و اعطاني وصلة على الدفع، طبعا انا قلت له من قبل انا ماعندي الا رخصة سعودية ماعندي كندية.. المهم بعد ما رحت استفسر في اونتاريو ليسن عن قلب الملكية قالوا لي لازم يكون عندك رخصة كندية G2 او G يعني حتى G1 ماينفع. المهم انا قلت للديلر الكلام هذا فقال لي مو مشكلة اذا بعت السيارة رجعت لك الديبوزيت، صار على هذا الكلام 4 اشهور، انا طلعت الرخصة الشهر الماضي و اتصلت له مارد علي، و قمت شريت سيارة ثانية، انا حاولت اكلمه مايرد من فترة بعدين قدرت احصل رقم بيته عن طريق كندي هو اللي عرفني عليه و قال لي هذا الكندا عادة هذا الرجل انه يتسلف فلوس و الرجال مديووون كثير
المهم انا كلمته مرة ثانية و قام يماطل يوم يقول الاثنين و يوم يقول الثلاثاء و يوم يقول الجمعة و هكذا و ماشفنا شي
كلمته اخر مرة و هددت اني بروح المحكمة اشتكي، قال لي اشتك مش فارقة معاي، و قال لي اصلا في القانون الديبوزيت مايرجع بس انا متعاون معاك اشان كذا برجعه بس تنباع السيارة
ابغا اعرف، اذا شكيت عليه في الكورت القانون معاي لو معاه