استفسار عن معهد ILI

الله يوفقك يا الغالي ..،
ان شاءالله ان المعهد بيعجبك وبالنسبة للمده للـLevel الواحد في المعهد .. ما عندي علم ..،
لكن اللي لازم تسأل عنه .. هو اذا انك تقدر تدخل في اي بداية اسبوع .. والا لازم ايام دخول وخروج ..!؟
..
الله يوفقنا يا رب .. ويسهل علينا

اي ال اي ال اي زي السي ال سي كل يوم اثنين وبالنسبه للفلات انا بكرا رايحه لهم ان شاء الله بجيب لك كل المعلومات لانه معلومات قديمه يبيهلا فورمات لول

معهد ال اي ال اي عندهم نوعين من البرامج واثنينهم متصلين بعض في حال انت تبي تدخل الجامعه اول برنامج لغه انقليزيه عامه وهاذي ماتتطلب غير شهاده الثانويه بعدها عشان تكون مأهل انك تدخل الجامعه لازم تتمتحن عندهم وتعدي االختبار وبعدها تدخل برنامج عباره عن 8 اسابيع وبكذا تكون مأهل للجامعه هاذي ال طريقه او انك تجيب معاك اختبار توفل او ايلتز وبعدها تدخل برنامج 8 اسابيع وعلى طول تروح الجامعه طبعا عندهم اعتراف من اقوى جامعات نوفوسكوشيا زي دالهاوزي سانت ماريز وكثير بعد وتدخل تدخل البرنامج اللغه العام كل شهر او كل يوم اثنين

كانت معاكم مراسلتكم من معهد اي ال اي عاشقه الكويت

عاشقه والله انتي شغاله ماشاء الله عليك ..

الله يوفقك يالغاليه ..

بالنسبة لموضوعك اخوي .. ابعد عن آي ال آي .. ابيخ معهد في العالم !!

انا كنت فيه ولا تطورت ولا راح تتطور ..

فيه معهد اسمه ايست كوست افضل معهد هذا .. ودراسة شديده ويطورونك ..

غير الايست كوست كلهم نصابين ..


شف انت اذا ماتقدر تجيب قبول وانت في السعوديه على المعهد هذا .. حاول انك اذا جيت لهاليفاكس تروح لمعهد ايست كوست وتجيب بك قبول .. اذا جبت القبول ارسل اوراقك للملحقيه على القبول حق الايست كوست .. ولا تعلم الآي ال اي ..


بمعنى اخر .. اذا جيت لهاليفاكس لا ترسل اوراقك للملحقيه الا اذا جبت قبول من ايست كوست .. لانك لو ترسل اورقاك على معهد اي ال اي [ بداية انتظامك معهم ] سيتم صرف مرتبات المعهد لـ اربعة اشهر من تاريخ تسجيلك .. يعني بتضيع على نفسك 4 شهور في معهد بايخ ..


والله يالغالي مانكتبت الكلام كله الا من حرقه على السعوديين .. ولا ودي اي واحد يدخله ..


ملاحظه // افضل طريقه انك تشتغل على قبول الايست كوست من الان .. لانه معهد يقبل كل ثلاث شهور موب زي المعاهد البايخه الثانيه ..

عشان تجي على طول من اول يوم تداوم في ايست كوست ومن اول يوم ترسل اوراقك للملحقيه ..
بالتوفيق ..

ماسويت الا الواجب وكلنا اخوان في غربتنا