الى المبتعثين في هاليفكس

وينكم يا شباب هاليفكس

ما فيه احد يرد

والله انا معلوماتي متواضعه جدااا . لاني درست شهر والحين راجع للسعودية بس انشاء الله راجع لهاليفاكس قريب ...
المدينة صغيرة وبالعربي مدينة دراسة يعني مافية ذااك الشي اللي يونس ..( مادري يمكن علشاني جيتها بالشتااء) لان اكثر الشباب يقولون فلة صيفهاا ...
طيب انا بنبهك على نقطتين >> شريحة الجوال >>> ابعد عن شي اسمة (( روجرز)) الله لايبارك فيهم .. امنية حياتي اشوف الابراج واصلة برجين او ثلاث .. مااافي امل .. ومافي مكالمة الا وقطعت عندي وغلب الشباب اللي يدقون علي من السعودية يقولون جوالك 24 ساعه مقفل .. وعلى فكرة اغلب اللي موظفين فيها عرب وسعوديين .. يعني بصراحة ماالوم الابراج يوم تختفي ..
طيب نجي للبنك ... افضل بنك للتعامل هنا TD.... فروعه وصرافاتة بكل مكان وحتى فتح الحساب مااخذ مني 10 دقايق والفوائد اللي ياخذها معقولة ..بصراحة هذا اللي اقدر افيدك فية عن هاليفاكس وزي ماقلتلك تجربتي اقل من شهر هنا .. يمكن احد من الشباب يفيدك اكثر من ناحية السكن والمعيشة .. وترى الديرة مليانة عرب وسعوديين يعني مانت بغريب
تحياتي لك

يعطيك العافية اخوي

بس حلو الواحد يحسب حسابة قبل السفر في كل شي

وياخذ معلومات

نتمني من باقي الاعضاء التفاعل

تحياتي

السلام عليكم
انا سكن في هاليفاكس منذ سنتين تقريبا

احسن المناطق للسكن سواء عزاب او عوائل
claton park وانا ساكن هناك طبعاً لو تبي تشتري سياره رح هناك بدون تفكير واذا منتب شاري الداون تاون
افضل بنك للتعامل معه وافضل نوع حساب؟
CIBC يبي ينزل راتبك بدري ولاكن النظام الاكتروني او الموقع ضعيف وصعب استخراج الفيزا منه
RBC وهذا بنكي المفضل بتاخر الراتبي يوم عمل واحد لاكن النظام الاكتروني جداً ممتاز تستطيع التحويل الى السعودية من بيتك تسديد جميع الفاواتير وانت ببيتك
TD بنك ممتاز ايضاُ والراتب ياخر يوم عمل والنضام الاكتروني لاباس فيه
انا اقول لا تطلع من هل بنوك انا فاتح في RBC AND TD لاكن الرسمي هو RBC وجداً مرتاح
وعلى فكره RBC اكبر بنك على مستوى كندا كلها وسهوله الحصول على الفيزا وانتشار المكاين
اما نوع الحساب افتح حساب الطالب حتى لو تبي اطلع فيزا قلهم انا طالب على شان ما يخذون فاوئد لمدة شهر ولازم اتسدد قبل شهر على شان الربا
افضل شركة للجوال وافضل اشتراك؟
انا مشترك كع روجر والله هم يشفطون بس بعد سنه عرفة صرفيتي وانا وش احتاج والحمد لله صارت المصاريف مقبوله نوعاً ما
افضل شركة للانترنت وافضل اشتراك؟
الافضل EAST LINK تشترك تلفون ثابت وانترنت 15 قيقا وكيبل تلفزيون ب 100$ مع التاكس والخرابيط توصل 130$
لاكن انا جربتهم وكانت تجي الفاتوره 150$ وحولت الى BELL ALLIENT والحمد لله الفاتوره الشعريه مع التاكس 70$
والله اعلم

ايه وين الردوود اللي زي كذا

تحياتي لك اخوي

السلام عليكم ورحمة الله وبركاته

تحيه طيبه

بالنسبه للتقرير فنحن بصدد اصدار الدليل الشامل لمدينه هاليفاكس وهو في لمساته الاخيره الان
وسوف اضعه في المنتدى قريبا جدا

تقبل بالغ تحياتي

Thanks Dr Fahad for the great help !