قبول ماستر مشروط والقيمة 5000 ريال وزد !!! معقول

اخوي المبلغ جدا مبالغ فيه انا اجيب قبولات في امريكا والدعوه ماتحتاج كل هالمبلغ
ومدير الجامعه يسوي شي برى اخوي ماعندهم واسطه في ظروف ممكن تخدمك وماتخدم غيرك بس وانت معدلك يعتبر جيد للقبول من غير مشاكل
ممكن نص ها المبلغ او اقل وافق بس المده طويله جدا
عموما الله ييسر امورك

تحياتي

وعليكم السلام اخوي :

اول شئ المبلغ كبير جدا اذا كان المقصود القبول فقط ، اذا كان فيه اشياء اخري فهذا لا اعلمه. بالنسبة للقبول فى جامعة UNB فهنالك فرعين للجامعة الاول فى فريدكتون و يعتبر الفرع الاساسي و هذا القبول يتطلب اجتياز الجيمات لمن معدلاتهم اقل من 86% تفريبا ( معدلك تقريبا 67%) ، بالنسبة لمعدلك اتوقع انه فية مشكلة بس هذا ما يمنع انك تحاول تراسلهم و تشوف.

الفرع الثاني فس سانت جون و هذا برضوا يطلبوا منك اختبار الجيمات ، المعدل لازم يكون اقل شي 75% لكن بامكانك انك تقدم ، احتمال انهم يطلبوا منك انك تدرس بر ام بي ايه عندهم لكن حتي لو طلبوا منك هذا الشئ و درست عندهم و نجحت بتفوق ما راح يغني عن شرط الجيمات و الللغة

كلا الجامعتين يطلبوا الجيمات كشرط اساسي ولا يسقط عنك الا اذا كنت من اصحاب المعدلات المرتعة جدا (4 و فوق). مع ملاحظة ان الفرعين ما فية تسويق. فرع فريدكتون البرنامج عبارة عن سنتين عكس سانت جون وفي السنة الثانية عندك مجموعة من المواد الاختياريه اتوقع انك تقدر تنزل كم مادة تسويق (بس مش متاكد)

علي العموم اللي يقولك لك انه بيشيل عنك الجيمات اتوقع انه يبالغ شوي. ما اقدر اقول لك تعامل مع المكتب هذا الشئ راجع لك بس لو فرضنا ان كلامه صحيح (مع اعتقادي 100% غير ذلك) وانه يجيب لك قبول نهائي او مشروط باللغة فقط ادفع له وانت مغمض، غير كذا ما اتوقع ان الشغلة مستاهله.

من جهة التقديم اذا حبيت فانت تستطيع ان تقدم عن طريق الويب سايت تبعهم ، كل ما عليك انك تطبع الابليكشن و تعبيه و ترفق الاوراق الرسمية و تسوي شيك مصدق بقيمة 100 دولار كندي و ترسل جميع الاوراق علي عنوانهم البريدي كل الشغلة هذي ماتاخذ منك علي الكثير 500 ريال

اذا حبيت انك تراسل منسقة البرنامج فى سانت جون فهذا بريدها الاكتروني مع مراعاة الفواصل

mscott @ unbsj . ca

بالتوفيق

الله يعطيكم العافيه , على المعلومات القيمة
سؤال:
يعني جامعة نيو برونزويك ما فيه تخصص ماستر تسويق ؟؟
هل كل جامعات كندا المتعرف بها تطلب جميات , وخاصة بالنسبه لمثل معدلي؟؟

شف يآخووي من نآحية القبول ماستر في كندا صعب شووي .

بس ها المكتب هذا يبي يضحك عليك . وثآني شي . اذا قدمة ع ماستر يبآخذ منك تقريبآ شهر الى شهرين
عشآن يردون لك خبر . وانـا انصحك انك تسجل ألحين في معهد ألغه لمدة ثلاث شهور وذا جيت الى كندا
تبي تعرف كل شي . وطبعآ المعهد يسآعدك على قبول . ولا تبي تحصل نآس تجيب قبولات .

والله يوفقك ان شالله .

مثل ما ذكرت لك عزيزي لا يوجد تخصص تسويق فى الجامعة بامكانك زيارة هذا الرابط http://www.mbt3th.us/vb/forum93/thread144028.html

علي حسب علمي لا يوجد ماجستير بمسماه (ماجستير تسويق) فى كندا ، التخصص هذا و باقي التخصصات الادارية (محاسبة ، تمويل ، تسويق ) يندرج تحت ماجستير ادراة الاعمال MBA وعلية يجب دراسة الام بي ايه اولا و فى السنة الثانية بامكانك التخصص ( وهذا برضوا مو في كل الجامعات ممكن تلاقاه فى الجامعات اللي برنامجهم مدته سنتين) المهم من ضمن اهم الشروط لجميع الجامعات هو اجتياز اختبار الجيمات بحد ادني 550 ، الي جانب اجتياز اختبارات اللغة الانجليزية

باختبار الجيمات اختبار قياس لمهاراتك اللغوية و التحليلية ، ينقسم الي قسمين جانب كمي و جانب لغوي. فى الحقيقة ما احب اني احبطك لكن الاختبار هذا يبغي له شغل جامد ، علي كل حال انت عندك مشكلة فى المعدل فاذا لقيت لك جامعة تقبلك بالمعدل هذا كويس و يبغي لك بعد كذا تركز علي الجيمات

فى موضوع "اقائمة النقية" للاخ عبدالله بسيوني ، يستعرض فيه الجامعات اللي ما يطلبوا منك الجيمات ، و كنصيحة عامة انت تركز اولا علي الحصول علي قبول فى احد الجامعات اللي ما تطلب جيمات ( بغض النظر اذا كان فيها تسويق او لا ) اذا حصلت علي قبول مشروط باللغة فهذا شي طيب ، بعد كذا و اذا كان عندك وقت و جبت الدرجة المطلوبة قدم علي الجامعات المعروفة

ملاحظة : لا يعني استيفائك لجميع شروط القبول انك تحصل علي قبول فالمنافسة جدا قوية و الحصول علي قبول جدا صعب

اتمني انك كونت فكرة عن العقبات اللي قدامك ، و مرحبا بك في عالمنا

كذاب ودجال من الدرجة الأولى... ولا يستطيع فعل ذلك ...

5000 SAR !!!!!!!!!!!!!!!!!!!!!!!!

The total will cost you around 100 CAD $ + SAR 365 and 3 weeks of time.

Regarding the GMAT, no waiver for you due to your lower GPA !