استفسار Sidney Canada

على كلام الي هناك فيها يقولون فيها محطة وبقاله وجامعه بس ههههه


الديره على على سمعتها أنها حقت دراسه

وبالتوفيق

الديرة مرة هادية فيها مول واحد بمستوى المولات الي نعرفه ..وطبعاً فيه مولات غيره بس مستوى اقل وفيه وال مارت(زي بنده خخخ) وفيه كم شارع في الداون تاون فيه محلات منفصلة يبيعون ديزاينر ..يعني مدينة نايس وشعبها فرندلي ..فيه سينما وحدة فيها 10 صالات ..مدينة هادية وامنة جداً جداً ميزتها ان المهاجرين قليل فيها اغلبها 99% كنديين واغلبهم كبار سن ..المدينة تنفع للناس الدوافير اما الي يحبون السهر والطلعة والتمشية يومياً طبعاً ما راح تعجبهم المدينة وراح يسبونها وربما يسبون مستوى معاهدها وجامعاتها انا اعتقد انها مدينة جيدة خصوصاً اذا ما معك محرم لانها امنة

أجل الي قالي شكله نصاب

ع العموم انا ان شاء الله ب 1 /5 راح اجي واناظر المدينه

لاهنت ع الافادة

انا بهـالديـره وادرس بـ الجامعه بس ماني بـ الجامعه انا لفل ون < الظاهر عرفوني اليي يقرون هـ الموضوع

صراحه المدينه صغيره مرره وماتنفع دوجهـ حقت دراسه وناس عاقله فقط

وانصحك اذا تبين تدوجين ووتتمشين مانصحك فيها ، كلها كم من بقالة وماي فلور وول مارت مثل طقت بنده وجيان هههه

بس المدينه هااااديهـ مرررررهـ واهلها مررررره مرررره مرررررره طيبيـن شعب فرندلي

انصحك اذا تبين تدرسين اما اذا تبين تدوجين وسينمات مانصحك فيها مافي الا سينما وحدهـ وسوق تدخلين من البوابة الاولى تطلعين من الثانيه

راح تدبل تسبودكم بس انصحكم اذا انتم راعين دراسه وتدورون على علم


حاليا بهـ القريه 150 مسلم وهي قريه كثار العرب فيها

والجامعه موفرين لنا مسجد بالجامعه لـ الصلوات اقولك شعب ينحط على الجرح يبرى

انتبهو لاتقولون قريه ، تراهم يزعلون قولو مدينه وهي ماتجي كبـر سديـر < هههههه

ابو سدير لـ الجنه

كان معكم

شامخ ، كيب بريتون يونفررسرسرستي

نسيـت اضيف لكم شئ


{ اهلها عجزز } يمين بالله تدبل تسبودكم بالسـرى بالقهوه ،تـآيم هورتن ولا بالمطاعم من هـ العجزز


شيبان

ههههههههههههههههههههه
تيب لا والله ابي دراسة مرة عجبني الكلام
بس والبرد وش تلبس؟
احس مرة برد لكن بسالك بالاماكن دفا صح؟
وانا بجي بشهر خمسة على خير وما قصرت على الافادة

اي صحح وبسالك في جيم؟

ولوسحت ممكن تفيدني بالسكن كيف دبرت السكن؟

شوفي يالغاليـه

من ناحيه البـرد ، يمين بالله ان جنوبي ورمت من البرد هههه

انصحك نصيحه ، لو تجيبين ملابس شتويه كثيـره يكون احسن

منها ، ارخص ومنها احسن

ملابسهم غاليه شوي ترا ، تقضي ملابس شتويه جبــرهـ

وانتبهي ترا مطارنا غثـه حدك شناط 48 كيلو

وحاول تقسمين بكل شنطه 24 كيلو

علشان لو زادت كيلو راح تدفعين 300 ريال

انصحك لو تبين تجيبين ملابس زياده قسميهـآ مع اليي معك

انا جبت معي ملابس تكفيني مده 10 سنين واخوي ماجاب الا شنطه وحدهـ تشوفينا بالمطار

فتحنا شناطنا وحطيت ملابسي معه علشان لايشمون الـ 300 ريال


====


من ناحيهـ الجيـم ، { في جيـم بالجامعه مجاني لـ الطلبة واليي يقول تدفع 20 دولار بالسمستر } ،، بس انا ماهضمته

صغيـر وزحمـه

بس انصحك بـ جيم بالداون تاون حلوو بس مادخلته

على قولت الولد اليي ساكن عندهم بالهوم ستي انه بالشهر بـ 80 دولار

بس وشولهـ تدخلين جيـم { الجوع راح يذبحك راح تفقدين الكبسه وراح تخفين غصب }



====


ومن ناحيـه السكن


صراحه العوائل صعبة ولاهي صعبـه { يعني قليل اليي يستضيفون طلبه }

وفي غرف بسكن الجامعه حقت الطلبـه بس مانصحك بغرف الجامعه كلهـآ سكارا وازعاج

ومافي قسم عوائل ولا عزابيهـ

وفي منسق لـ العوائـل { اسمة نورمان } هذا منسق العوائل و المحاسبة ، المقصف ، الفرآش

اي شئ تبينهـ لو تتصلين عليه بـ نص الليـل جيب لي ببسي جايك طيرآآن ياخذ كل اليي بمخباك

انصحك تسوين كل شئ بـ نفسك من بطاقة بنك لـ iD كندي بدال ماياخذ عليك رسوم 250 دولار

علشان هـ الحاجتين



وانتي بـ أي خطوط جـآيهـ .؟




وانا تحت امر الجميـع

وأي سؤآل انا حاضـر