اخي الكريم عذرا على التأخر في الرد و انت من حقك علينا اننا نجاوب على سؤالك
طبعا سؤالك ينقسم قسمين مختلفين تماما
استئجار سيارة
و
شراء سيارة
قبل لا اعطيك رأيي، فيه ملف كامل عن هاليفاكس اتمنى تقرأه لانه في معلومات كاملة عن السيارات و كل شيء موجود في الرابط التالي
http://www.mbt3th.us/vb/forum93/thread145757.html
بالنسبة لسيارات الايجار فهي زي في السعودية و في كل مكان في العالم و طبعا من اشهر الشركات شركة بدجت لتأجير السيارات و لهم فرع قريب من الداون تاون على هوليس سترييت و انا شخصيا جربتهم تعاملهم كويس
https://www.budget.com/budgetWeb/loc...checkPulStatus
طبعا السيارات فئات و غالبا راح تستأجر اصغر فئة اذا كنت لوحدك و سياراتها تشمل الفورد فوكس و الهيونداي ايلينترا و غيرها و ايجارها اليومي مع التأمين (وانا انصحك بيه) تقريبا 60 - 70 دولار كندي
ممكن تدخل موقع الانترنت و تعمل حجز مسبق بنوع السيارة و موعد استلامها (و هذي افضل طريقة) و طبعا تحتاج رخصتك السعودية او رخصة كندية و ايضا تحتاج بطاقة كريديت كارد و بس، و كمان ممكن تتصل بالفرع و يجوك هم ياخذوك من بيتك لو كنت تحتاج
و طبعا بقية الشركات تقريبا بنفس الطريقة
www.alamo.ca www.avis.ca www.hertz.ca www.enterpriserentacar.ca
و كلها لها فروع قريبة من الداون تاون، ادخل مواقعهم و شوف العروض و السيارات و الاسعار و اختار الي يناسبك
بالنسبة لشراء سيارة فالموضوع يختلف، طبعا من كلامك واضح انك تبغى سيارة مستعملة مش جديدة
و افضل طريقة تعرف اذا كان فيه سعودي يبغى يبيع سيارته هو عن طريق النادي السعودي في هاليفاكس و رئيسه المهندس عبدالله الثقفي تتصل به و تسأله مباشرة او تشترك في المجموعة البريدية و تجيك الاخبار و الاعلانات اول بأول
المهندس/ عبدالله الثقفي مدير النادي السعودي في هاليفاكس
Cell Phone (902) 220 - 4473
(تم حذف الإيميل لأن عرضه مخالف لشروط المنتدى)
Website:
www.saudihalifax.com
Club Address: 6380 Lady Hammond Rd.
B3K 2S3 Halifax N.S.
للاشتراك في المجموعة البريدية ارسل ايميل الى
nadihalifax @ gmail.com
بدون الفراغات
و الخيار الثاني انك تبحث عن سيارات مستعملة في مواقع الانترنت و افضل موقعين
www.autotrader.ca
او
Halifax cars for sale, buy used cars - Kijiji Halifax
و على فكرة لو تبغى سيارة مستعملة تمشية حال و رخيصة ممكن تلاقي في الموقعين خصوصا الموقع الثاني الى 2000 دولار كندي سيارات صغيرة امريكية و طبعا راح تحتاج تأمين عليها
اتمنى اكون افدتك و لو عندك سؤال لا تتردد
May 27th, 2010, 03:41 AM
السلام عليكماخواني المبتعثين احتاج سياره للبيع او للايجار ضروري
اللي عنده سياره للبيع او يعرف احد من الاخوان المسلمين يبي يبيع سيارته او يأجر سيارات ياليت مايبخل علي بمساعدته
اخوكم دال