خطوات الابتعاث.. خطوة خطوة

شباب ردو
زي ماطلعتم وانتم ماتعرفو شي
حنا زيكم
نبغى نفهم
ساعدونا
من باب حب لأخيك ماتحب لنفسك

هلا بك هتلر عسير


انا راح اعطيك الطرق كامله :


أنت قلت معاك دبلوم نادرا تكون الجامعات في كندا تعادل لك الساعات اللي درستها بالدبلوم انا واحد في كندا ودورت ثلاث شهور على جامعه تعادل لي الدبلوم ماحصلت يقولون فيه بس ماحصلتها يعني صعبه شبه مستحيل ..

اذا تبي تقدم بالثانويه تحصل القبول في اي جامعه وتكون معتمده الجامعه ادخل على موقع الوزاره للتعليم العالي تلقى جميع الجامعات المعتمده ..

بالنسبه لاامريكا تحصل لك قبول جامعات كثير تعادل لك الدبلوم ا ... بس كندا صعبه جدا ..

المهم :

اول شي تاخذ قبول معهد عشان تدرس فيه لغه انقليزيه والافضل انك تختار جامعه بمعهدها عشان تدرس واذا وصلت مستوى معين تقدر تنزل مواد اكاديميه من الجامعه يعني تقدر تدخل الجامعه بدون مايشرطون التوفل عليك ..

مثال :

بعض الجامعات ثمان مستويات

كل مستوى شهرين تدرسه باللغه الانقليزيه واخر كل مستوى اختبار اذا عديت من المستوى ترقى للي بعده

اذا خلصت المستوى الخامس بديت بالمستوى السادس تنزل مواد اكاديمه .

تخلص كل المستويات تدخل الجامعه .

تخاطب احد تعرفه يجيب لك قبول أو تروح لمكتب ويطلع لك قبول واشرط عليه ان الجامعه تكون معتمده وتبي تدرس بمعهدها .. يعني قبول مشروط

القبول نوعين

قبول مشروط : وهو اللي يكون تدرس بالمعهد حق الجامعه لغه انقليزيه وبعد ماتخلص المستويات تدخل الجامعه مثل الكلام اللي قلته لك سابقا

قبول غير مشروط : وهو اللي تجيب قبول من اي معهد مو شرط تابع للجامعه وتاخذ قبول جامعه يعني يكون المعهد منفصل عن الجامعه
لكن اذا جيت تبي تدخل الجامعه يطلبون منك شهادة التوفل ... شهادة التوفل ماتقدر تعديها الا وانت عندك لغه انقليزيه ..

وكلها تقدر تاخذها سواء قبول مشروط او غير مشروط وتقدر تدخل بمعهد مو شرط حق الجامعه تجلس فيه ثلاث شهور وبعدها تدخل معهد الجامعه لان بعض الطلاب يقولون معاهد الجامعه تاهلك اكاديميا والمعاهد التجاريه تفك لسانك شوي يعني تتكلم انقليزي ..

يعني شوف الانسب لك ..

بعد ماتجيب القبول تروح لاي مكتب بالسعوديه يستخرج الفيزا وراح يقولون لك ويش هي شروط الفيزاء ..

بعد ماتجي هنا البعض يقول ان الملحقيه مشغله اشخاص يستقبلون الطلاب ويفتحون لهم ملف << هاذي ماشفتها ولا احد استقبلني ..

مو شرط احد يستقبلك اذا ماحصلت احد تقدر تطبع اوراقك كلها سكنر وترسلها للملحقيه عن طريق هالرابط

Saudi Cultural Bureau in Canada-- الملحقية الثقافية السعودية في كندا

وتروح لفتح ملف طالب دارس على حسابه وبعدها راح تجيك انقليزي ضغط عليها اللين تلقى في الخيارات بالعربي طالب دارس على حسابه

وراح تجيك مربعات فيها تحميل اوراقك حملها كل ورقه بالاسم المجاور لها

مثال :

الجواز .. تحط في مربع التحميل جوازك وتحملها طبعن راح يكون مطبوع سكنر بجهازك

بس راح تجيك بالانجليزي يعني مكتوب الباسبورت بالانجليزي اذا ماتعرف انسخ كل كلمه وترجمها ..

الاوراق :

الفيزه اذا جات معاك اول ماتوصل المطار راح يعطونك ورقه يدبسونها في الجواز اسمها الستدي بيرمت .. لاتنساها لان البعض مايعطونهم او ينسون مايعطونهم .. وحتى لو نسيتها تقدر ترجع للمطار وتاخذها ..

المهم :

اللي راح ينطلب منك ترسله للملحقيه شهادة الثانويه .
البطاقه الوطنيه
الجواز
الستدي بيرمنت << اللي قلتها لك قبل شوي وانت جاي هنا يعطونك الجوازت الكنديه وقول لهم انك طالب اذا نسو مايعطونك لان الفيزاء مكتوب فيها ستيودنت يعني طالب .

صورة من ختم الدخول لكندا اللي راح يختمونها على جوازك صور الورقه اللي في الجواز المختم عليها دخولك

وصورة الفيزاء حقتك .

وصوره من القبول المعهد والجامعه .

وصوره من المباشره بالمعهد يعني اذا رحت للمعهد اطلب منهم ورقة بتاريخ مباشرتك بالمعهد يعني بداية دراستك عندهم مراح تاخذها الا اذا بديت بالدراسه .

ملاحظه :
ترجم شهادتك الثانويه .
وترجم الدبلوم << اللي اعرفه انها مترجمه عربي وانقليزي اذا هي مترجه عندك اوك مايحتاج بس لاتنسى كشف الدرجات حق الدبلوم بالانقليزي ..

لانك اذا تبي تقدم على قبول جامعه ومعهد يطلبونه منك ...


هذا بالنسبه لكندا ...بس معادلة الدبلوم صعب

بالنسبه لاامريكا .. ماعرف فيها خطوات الابتعاث .. تقدر تبحث في قوقل يطلع لك كل شي

أي شي مافهمته او تبي تسئل عن شي ثاني انا حاظر

بالتوفيق ياهتلر ..

مشكور عزيزي كفيت ووفيت
اذا ما بيعادلو الدبلوم حرام ارجع ادرس من اول وجديد
والوزارة ماتعطي غير 3 سنوات
يعني اذا بدات من الثانوية ما حينفع
عموما انا باراسلهم واشوف
شكرا جزيلا لك