تجمع-القادمين إلى جامعة أكاديا بمدينة ولف فيلي

هلا والله اخوي
حيااك الله في ولف فيل واعتذر لك عن تأخيري بالرد
- ما رآيكم بمعهد جامعة آكاديا سلبياته وإيجابياته آتنمى التفصيل بهذه النقطة ...؟
انا ادرس بمعهد اكاديا لي الحين ثلاث شهور من تاريخ سبتمبر ,,, بصراحه معهد ممتاز وانا استفدت منه كثير ,, بس يبي لك تشد على نفسك وتضط على عمرك لأنهم يركزن على الحضور ,,, الشيء السلبي اللي انا شايفه في المعهد انه مادي بدرجه كبيره
2-ما وجهة نظركم بمدينة ولف فيلي ..؟
ولف فيل شاهدتي فيها مجروحه وانا اخوك ,,, الداون تاون حقها شارع واحد بس وصغيره مره والمحلات تنعد بلأصابع يعني بيجي لك ايام تطفش فيها ,,,, بس احسن شيء انها ديرة دراسه
3- أفضل سكن للطلاب بهذه المدينة ..سكن الجامعة - شقق- مع عائلة وكيف تكون عملية البحث ...؟
عائله نااااادر جدا اما بالنسبه لسكن الجامعه انصحك تبعد عنه لأن اعرف كثيرين يشتكون منه وغير هذا غالي
اما تسكن في سكن برا الجامعه اشوف انه افضل بكثير
4-من مطار هالي فاكس طريقة الذهاب من وإلى ولف فيلي.. قطار- حافلة ..؟
انا والله يوم جيت استقبلني المعهد ,,,, ولا اخبر فيه قطار بس ماني متأكد من هالمعلومه


اكرر اعتذاري لك اخوي عن تأخيري بالرد ,,, واحب انوه ان ماذكر اعلاه وجهة نظر لي ولا هي شرط تكون صحيحه 100%

اخوك ريان

عن وجد والله محتاجين لإجابات أكثر من أهل الخبرة

البراء ان شاء الله الاخوان ما يقصرون

ياهلا بكم بولفيل .. بتنورونا ... صبحك الله بالخير ياريان << يالبى قلبك يابو وحيد هههه << كني قاعد في مجلس مو منتدى

اخواني ولفيل قرية دراسه بكل ماتحمله الكلمه من معنى ..

بالنسبه للسكن مثل ماقال اخوي ريان صعب تلقى سكن مع عايله وسكن الجامعه غاااالي وغير كذا غير مرغوب فيه فالافضل السكن برا في في شقه رغم ندره الشقق ..

بالنسبه للمواصلات من هاليفاكس الى وليفل وهي 120 كيلو تقريبا لايوجد قطار .. فقط تاكسي او باص ..

الجامعه مثل ماذكر اخوي ريان .. لازم تشد حيلك والحضور مهم ..

فيه 5 ليفلات .. كل ليفل شهرين ثلاثه حسب التوقيت الشتوي والصيفي وتكون بينهم اجازه من اسبوعين الى اربع اسابيع

وليفيل قريه صغيره جميله فيها من الطبيعه مايجعلك تسبح لله ليل ونهار اراضي خضراء وبحيرات واشجار التفاح والكمثرى و و و في كل مكان .. .. لكن مشكلتكم بتجون في الشتاء الله يعينكم على بردها .. كثرو من اللبس الثقيل لان الحين ثلوج

في قريه بجنب ولفيل تقريبا 4 كيلو اسمها نيو ماينوس .. فيها الكثير من المجمعات الصغيره اللي بتلقون فيها كل ماتحتاجونه ..



بالنسبه للمهارات .. في ماده اضافيه اسمها مهارات .. مكمن تختار او هم يختارون لك احد المهارات اللي تحتاجها .. مثل الرايتنغ او الجرمر او حتى الايلتس

وبالنسبه للسعوديين بالكثير يكون عددهم 50 - 60 لكننا موعودين بالكثير منهم في السمستر الجاي

واي اسئله ثانيه انا حاضر .. بس ادعولي القى نص مليار على الاقل لاني بجد محتاجه هاليومين ..

مع التحيه

فآآآآآآآآآآآلك المليار دولار لي لا .... مشكور يا الغالي ...وبيض الله وجهك انت واخوي ريان

فآآآآلك المليار
حقيقة قراءة عن سكن الجامعة ووجدتها اكثر من بناء...
تقريبا 6 مساكن ولا ادري ما هو الافضل من هذي المباني فآرجو ان كانت هناك اي معلومات أو خلفية عن المساكن ان توضحها لنا
واشكرك جزيل الشكر وفآآآآآآآآآآآآلك المليار يآآآرب