استفسار مساعدة في اختيار مواد السنة الأولى في جامعة Saint mary's قسم هندسة

اول شي مبروك اخوي و ان شاءالله تحصل درجة التفوق

انا لست من مبتعثي كندا بس حبيت اقولك توكل على الله و ابعد كل البعد عن المواد النظرية اي فيها حفظ خليك على الفهم رياضيات حلوة وفيزياء و مواد رفع معدل الي سبقوك فيها اسئل الطلاب

يعطيك العافيه على الدعم المعنوي

لكن انا بحاجه الى اسماء للمواد الي ينصح بها للسنة الاولى كــ مبتدئ

طيب نزل روابط المواد خلينا نطلع عليها ونشوفها ان شاءالله نفيدك وشكراً

كيف اقدر اعرض المواد المتوفره ؟

ممكن مساعدة يا شباب

عزام شوف ياحبيبي .. انا طالب ف الدال : ومواد الدال والسانت السنه الاولى اظن نفس الشيء انت عندك اول ترم .. ٥ مواد " فيزياء + رياضيات + ديزاين + كمبيوتر بروقرامنق + كيمياء "
الفيزياء .. مادة يبي لها مذاكرة اول ب اول .. لاتخلي يتراكم عليك شيء لانه شيء صعب تخلصه ف يوم او حتى ب اسبوع اول ب اول وراح ترتاح ..
الرياضيات .. ف نظري مره سهل بس على حسب اذا انت تذكر الماث حق الثانوية حقنا لانه نفس الشيء بس ب الانجليزي فيه حجات مختلفة طبعاً بس مو كثير اهم شيء حاول تستعيد نظام جا وجتا وظا وظتا بيفيدك كثير
الديزاين .. هالماده عباره عن رسم باليد يعني يعطونك شكل ويقولون ارسمه ثلاثي ابعاد مايغير فيها مذاكرتك .. تعتمد على قدرتك ف التخيل .. وان شاء الله سهله فيها شوي اعمال ع الكمبيوتر
كيمياء .. يقولون عندكم صعبة .. اصعب من الدال كثير ناس يشتكون منها
كمبيوتر بروقرامنق .. تصمم برامج وتسوي حجات كذا بس اللي درسوه يقولون سهـل مافيه مشاكل .. بس ذاكر

عزام .. بخلي عندك معلومه ممكن تفيدك انت راح تدرس ب السانت سنتين .. عبارة عن هندسه عامة : بعدها عندك خيار بين ٣ جامعات .. دالهوسي + جامعة ف مونتريال + جامعه ثالثه ناسي اسمها تروح ويعادلون لك ع انك خلصت دبلوم .. وتكمل السنتين الباقيه
بس الجامعات الباقيه ف امريكا .. وباقي كندا يعادلون لك ب الساعات يعني ممكن .. لو تحول بعد سنتين يقولون مانعتبره دبلوم لازم تخلص مادتين زياده وكذا
وبخصوص انك تبي تخلص سنتين ف السانت وتجي ع الدال .. بعد سنتين انا مااحطمك بس يبي لك يوم تجي الدال يكون فاهم كل شيء فهم كامل .. لان الدال ماتمزح مع طلابها اللي بدوا فيها فما بالك مع طلاب السانت اللي مو مضغوطين ومدلعينهم شوي .. وفجأه يدخل ف الدال؟؟ مره فرق كبير
يبي لك وانت داخل الدال عندك فهم كبير ف كل المواد ..

انا من رايي لك .. الحين نزل ٣ مواد لانه اول سمستر لك لين ماتتعود ع نظام الجامعه ووتفهم بالامور اكثر .. نزل الرياضيات + فيزياء + ديزاين .. وشد حيلك فيهم .. الفصل الثاني نزل ٤ مواد .. وبكذا يظل معاك الصيف نزل فيه ٣ مواد .. اذا تقدر وبكذا خلصت السنه الاولى لانه ماتروح ل السنه الثانيه الا لما تخلص ١٠ مواد : اتمنى لك التوفيق وشد حيلك : ولاتحاول تعتمد ع احد ف الجامعه .. ذاكر بنفسك اول ب اول واذا شفت ان مذاكرتك ع شكل قروب ماتفيد اتركهم وذاكر مع نفسك كثير .. ناس يستفيدون اكثر وهم لوحدهم : اهم شيء انت جيت ل الدراسه وتبي شهاده ف لاتتوقع انك بتواجه شيء سهــل

الله يوفقك

بارك الله فيك يالغالي على كل كلمه أخذت منك وقت وكتبتها

أفدتني بصراحه بشكل جدا كبير

لكن المشكله الان إني ما اعرف كيف انزل المواد أو اختارها فــ ممكن انك تضيفني على الاميل وتساعدني بهالشي

وراح أكون شاكر ومقدر لك مساعدتك

Gucci.7@hotmail.com


يعطيك العافيه حبيبي

هلا اخوي , انا نسخت لك الجدول عن طريق موقع الجامعة

بمجرد دخولك على موقع الجامعة وتكتب بمحرك البحث اللي على يمين الشاشة هندسة بالانقليزي طبعا راح يطلع لك الرابط وتشوف المواد

انا برأيي دامة اول ترم لك حاول تاخذ ثلاث مواد وما اتوقع ان المشرف بيوافق وبيقولك لازم اربعة

بالنسبة للسانت ماريز ماهي صعبة مرة والجامعة حلوة وجوها حلو وحتى المكتبة فيها ممتاز للي يبي يدرس , لكن يبيلها تشد حيلك ومع الوقت ان دخلت ان شاء الله بتلاقي مدرسين خصوصين كثير وبيساعدونك باللي ما تفهمة ان شاء الله

طبعا المواد للهندسة مستوى الصعوبة فيها مو بيعد عن بعض

انا انصحك يا عزيزي انك تاخذ
1- Computer Methods for Engineers مع مدرس اسمة ديفيد فنداير , هدا البروفسيور كويس ويمشي حيل يعني ان شاء الله A+ ولو ما تفتح الكتاب
2- Math I - Intro to Calculus I رياضيات 1 , طبعا راح تسوي اختبار لها ادا تعديته بتدخلها وان لا سمح الله ما عديتة راح تدخل مادة اسمها PRE CALCULUS PREVIEW سهلة واساسيات الثانوي بس ولها مدرسين خصوصين كويسين عرب و كنديين موجودين بالجامعة
3- University Physics I فيزياء 1 , يبيلها شغل واجتهاد شوي واول باول ان شاء الله تمشي امورك حلاوة , ولها مدرسين واجد خصوصيين

طبعا ما انصحك بالديزاين بسبتمبر لان البروفيسور دفيد فنداير راح يدرسها بيناير فانصحك تدخل معة وان شاء الله فالك A+
الكيمياء انصحك تسال عنها الطلاب لان يقولون صعبة بالسانت ماريز شوي وبالدال ارحم

طبعا انت اكيد لمى تدخل بتشوف الكالندر واللي فيه المواد المطلوبة عليك وبعدها راخ تتعرف على طلاب وتقدر تشوف المشرف الدراسي بالجامعة وهو يعطيك خطة حسب رغبتك

انا ماني طالب هندسة لكن عندي اخوياي بالهندسة ويمدحون ديفيد فنداير , وما قصر اخوي محمد عطاك شرح كويس وان شاء الله اكون وفقت انا بشرحي
بس ياليت تتاكد من الكالندر عن طريق موقع الجامعة وتتاكد عن المواد اللي يدرسها ديفيد فنداير

اتمنى لك التوفيق وعقبال التخرج ان شاء الله