LinkBack URL
About LinkBacks
the 4got10
يعطيك الف عافيه علنصايح
والشكر موصول ل ابو عثمان
وبلتوفيق
7 " يعطيك الف عافيه علنصايح
والشكر موصول ل ابو عثمان
وبلتوفيق
جدة - فرانكفورت - مونتريال - هاليفاكس
جدة - فرانكفورت - مونتريال - هاليفاكس
تنبيه: هذا الموضوع قديم. تم طرحه قبل 5807 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- السلام ورحمة الله وبركاته7 "
شخباركم شباب الصراحة انا بجي بعد 13يوم هل يكون لي استقبال من الملحقية والا وبخصوص السكن انشاء الله احصل سكن بسرعة والا في تعب والله يعطيكم العافية - halifax7 "
مافيها ملحقيه الملحقيه في اوتاوا ان تبى استقبال فحيكون من العائله ان كنت حتحجز عندها
لكن فيها نادي سعودي ما عندي خلفيه كبيره عن مهماته
عندك الرابط ممكن تتواصل مع النادي الي فهاليفاكس بلإميل ان حبيت
http://www.saudibureau.org/halifax.html - ياخوي7 "
إن كنت جاي لعائلة فالمفروض إنك تكلمهم يستقبلونك وإن كنت جاي كذا من غير ترتيب إحجز في فندق كم يوم لين ترتب أمورك
وإذا كنت متزوج ومحتاج مساعدة علمنا - ياجماعه كيف هاليفاكس كويسه؟لو ادرس فيها؟ انا استامنت للمدينه لان السالفه فيها عوائل انا ووالدي بنجي فقط خفت ادرس بمدينه كلها شباب ويمرمطونا انا والوالد باستهبالاتهم عاد تعرف بعض السعوديين اذا طلعوا للخارج7 "
- 7 "
يااختي والله المدينة مدينة هادئة ومدينة دراسة
والمدينة توجد بها كثير من العوائل السعودية
وانا لم انقل من تورنتو الى هاليفاكس الا عشان بإذن الله اجيب زوجتي لهاليفاكس
وماعليك الوالد راح ينبسط ويوجد نادي سعودي يجتمعون كل يوم سبت
وراح يكون هو ابونا في النادي
واي خدمه يااختي ترانا حاضرين
علي ال علي - الله يجزاء ابو عثمان عنا خير الجزاء خلك جاهز ياعمدتنا يمكن احتاجلك باذن الله اذا الله يسر امورنا لكن ادعو لنا با التوفيق ياجماعه .7 "
- يااجمااعه انا جااي كندا بعد فتره بس انتظر الفيزا بس المشكله قبولي على جاامعة سايمون فريزر ومن كلام الاخوان عن هاليفاكس الصرااحه جازت لي المدينه هل هناك مشكله اذا حولت من الجاامعه والمعهد الي بفانكوفر ارجو الرد علي والي يرحم واالديكم لني ماالقيت احد يجاوبني وبالنسبه للمعااهد في هاليفاكس مااهو الافضل فيهاا والي يجيب لي قبول بدون التوفل ودي اريح رااسي من التوفل تكفووووووووووون تكفوووووووون وماالكم الا اخلي امي تدعيلكم بس جااوبونيبليييييييييز7 "
- يعطيك الف الف عاافيه والله حمستني لدراسه فيهااا ولك تقديري7 "
May 26th, 2008, 01:22 AM
السلام عليكم ورحمة الله وبركاتهاليوم أحكيلكم قصة الرحلة المذكورة أعلاه
طبعاً اليوم هو اليوم الرابع لي منذ وصولي لهاليفاكس ، والحقيقة أنا اللي أصريت على الخط المذكور (جدة-فرانكفورت-مونتريال-هاليفاكس) وذلك بسبب كثرة ماسمعته عن مشاكل رحلة لندن والتي يكثر في التفتيش والمضايقات على حد قول الشباب ذوي الخبرة ، وما اخترت خط باريس لأن الشباب قالولي إن مطار باريس تكثر فيه سرقات الشنط والمطار ما لأمه داعي (مفقع) ... فقلت ياولد مالك إلا الذيابا الألمان ... طبعاً ما أخترتها من فراغ أنا معاي عفش واجد مشحون ومعاي عفش بيطلع الطيارة وطبعاً العفش إللي معي بالطيارة حاط فيه معجون أسنان وكريمات وعطورات و...إلخ خصوصاً إني أصطحب زوجتي معاي في الرحلة ، الزبدة المهم أنا طبعاً (وكعادتنا) أعرف واحد بالمطار وكلمته على أساس إنه يمشيلنا العفش لأن العفش المسموح به لكل شخص هو قطعتان فقط لا غير ووزن كل قطعة لا يزيد عن 23 كيلو (المعسل لحاله 5 كيلو!!!!) المهم الرجال ما كذب خبر وفعلاً كان الوعد يوم السفر .. جيت المطار وطلع عندي وزن أنا وزوجتي يا طويلين الأعمار 130كيلو بس!!! طبعاً الرجال ما قصر ومشاها لنا ، وقلتله تكفى طالبك ما أبي أستلم أي شنطة إلا في هاليفاكس (عشان لا جينا في فرانكفورت وإلا مونتريال ما يحتاج يطلعنولي الشناطي مرة ثانية ويسوونلي وزن من جديد ويكفشوني وهذيلا ماعندهم واسطات ولا حب خشوم ... فعلاً العفش دخل الطيارة بإستلام هليفاكس يعني محطات الترانزيت كلها ما اشيل فيها ولا شنطة إلا نقطة الوصول ، طلعنا الطيارة محد سألنا في عندكم سوائل وإلا غازات ووصلنا ولله الحمد لفرانكفورت (رحلة 5 ساعات و 10 دقايق) وكان في ترانزيت عندنا في فرانكفورت 4 ساعات طبعاً قبل ما تنزل الطيارة يجيك شرح بالعنجليزي كيف تتصرف بمطارهم ووين تتجه ولأي بوابة تتجه وكيف تعرف رحلتك (طبعاً ما يختمون على الجواز) المهم مطارهم حلو جداً بس كل شي غالي ..زوجتي عطشانه قالت جيبلي مويه .. شريت قارورة موية أم ريال اللي عندنا في السعودية بـمايعادل 24 ريال سعودي وللحين مستحرم أرمي القارورة الفاضية !!!
طبعاً إنت لو بتحسب كل شي تشتريه في أوروبا أو أمريكا أو كندا بالسعودي بتموت جوع ولا بتشتري شي
المهم جا موعد الرحلة الثانية من (فرانكفورت-مونتريال) دخلنا الطيارة (طبعاً حنا كنا بصالة الترانزيت) ومحد سألنا والله عندكم بالشناطي (اللي شايلينها معنا داخل الطيارة) سوائل وإلا غازات .. اللهم يطالعون حجم الشنطة ماتكون كبيرة مثل شناطي أخواننا المصريين
طارت الرحلة (الخطوط الكندية واللي قبلها كانت على الألمانية) وقبل وصولها إلى مونتريال يوزعون ورقة تعبونها للسلطات الكندية طبعاً الشباب بالمنتدى ماقصروا وذكروا طريقة تعبئتها طبعاً هم يسألونكم هل معك دخان هل معك مواد غذائية هل سبق أن دخلت السجن من قبل (طبعاً الشباب اللي جايين ثلاث أرباعهم داخلين التوقيف من السرعة لا تحطون YES على السؤال) ونصيحتي يا شباب للجميع لا تكذبون أبداً ترى ماعندهم كذبة بيضة وأنا بعلمكم وش صار معاي في السطور اللي جاية ... المهم وصلت الطيارة لمونتريال .. مطارهم حلو و جوهم أحلى والنظام أحلى وأحلى ، طبعاً يسألك ضابط الجوازات ليش جاي ووين ورقة القبول وورقة الفيزا إللي أرسلوها لك من السفارة مع الجوازت (طبعاً ماهي ضرورية) وبعد ما يختملك يقولك روح للـ immigration أو بالعربي الهجرة والجوازات تروحلهم وشوية س على حبة جيم والقصة إنتهت .. المهم .. يوم إني طالع من المطار قاعد أطالع الناس المساكين يدورون عفشهم وأقول بيني وبين نفسي والله إني ضحكت عليهم وعفشي راح لهاليفاكس وأنا خلصت من الهجرة والجوازات وختمت يعني أوصل مطارهاليفاكس ما أحتاج تفتيش بيفكرون إني إتفتشت في مونتريال (طبعاً المشكلة في المواد الغذائية والمعسل لو فتشوك ممكن يصادرون شي منها لو ما عجبهم أو كان فيه دخاخين وإلا ملوخية) المهم أنا طالع وقاعد أقول والله إني طلعت أذكى منكم وطالع مستانس إني وصلت وأنا طالع ما شوف إلا شناطيي مرمية على جنب وبالصدفة!!!!!!!!
طبعاً بغيت أبكي ... 130 كيلو بتتفتش وتنوزن مرة ثانية ويمكن أتغرم وطبعاً كل شي إنت اللي تنزله وتطلعه ما عندهم صديق شيل صديق ودي!!
رحت سألت ضابط من الجوازات قال يا حبيبي إنت الآن تعتبر دخلت كندا وبتطلع على رحلة داخلية لهاليفاكس فلازم تعامل إنت وعفشك معاملة الداخل لكندا بغض النظر عن وجهتك التالية!!
قلت أمري لله .. وقعدت أقرا وجعلنا من بين أيديهم سداً وأقول يارب ... المهم جيت يالله يالله أدف العربية وزوجتيتدف الثانية والعربية يالله يالله تتحرك .. يوم شافتها الموظفة كان تقول يا حبيبي مليون في المية معك وزن زايد
شيل شناطيك وحطها وحدة وحدة على الميزان .. ترى حنا القانون عندنا يقول الوزن للشنطة الواحدة 25 كيلو فقط لا غير (قلت ول ول والله رحنا وطي) وكان أحط الشنطة الأولى وتطلع مدري 27 أو 28 والثانية 32 والثالثة 30 والرابعة 42 يعني ولا وحدة مطابقة للوزن المثالي .. قالتلي إنت أول مرة تجي كندا قلت إيه وعلى وجهي علاماتالإعياء والتعب والخوف .. يوم شافتني كذا قالت نزل شوي من عفش ووزعة بين الشنط ليت تخلي كل شنطة ما تزيد عن 32 كيلو قلت الله يفرجها واشيل منا واحط منا لين مشي الحال وشلت شوي بيديني .. حتى الشنط إللي طلعتها معي للطيارة أنا وزوجتي وزنتها وقالت مايزيد وزنها على 10 كيلو !!! المهم إني مشيت الأمور بفضل الله ثم ببركة دعاء والديني الله يحفظهم ، طبعاً كان عمي ناطرني بمطار مونتريال أسلم عليه وقعدنا معه الـ 4 ساعات الترانزيت وشربنا أميريكان كوفي وكلينا بطاط وسرينا لرحلتنا الثانية من مطار مونتريال لمطار هاليفاكس .. طبعاً يوم جيت داخل لقيت واحد من الظباط يسألني معك سوائل .. قلت والله معي سجنال تو قال معليش أنا آسف ممنوع بنشيله عليك قلت ما يخالف .. قال معك شي ثاني قلت عطر قام غطاه بكيس بلاستيك وقال إدخل طبعاً أنا قلت والله إني عديت دخلنا على الأشعة كان يلقون فيها بلاوي (هذي الكذبة اللي قلتلكم عليها من أول) لقوا مقص ولقوا معي كريمات وسوائل والله يعز السامعين شطافة حق الحمام للطهارة (طبعاً هم أوصاخ ماعندهم عشان كذا جبتها معي) وتعال عاد أشرحلهم!!!!!!
الله لا يوريكم
الله طيحني بيد ظابط عنصري كان يقوللي متأكد ماعندك شي قلت يا خوي والله تدري انتم لخبطتوني مع تغيير العفش وكذا المهم هذا ولا كأني أكلمه طنشني ورايح يكلم واحد ظابط أسود (ألأولي أبيض) بالفرنسي وتدري حنا يالله عنجليزي .. الظابط الأسود قاللي تعال وراي .. (قلت شكلي رايح جوانتانامو) المهم الظابط الأسود قاللي ما عليك منه تراه مجنون هذا (قلت أشوا) وبكل ثقة قلت لا لا عادي بس تراني جاي من رحلة طويلة وتعبان .. وبكل إحترام يقول إفتح هذي الشنطة وإيش هذا وإيش هذي ووالله يا جماعة هو بنفسه يقفللي الشنطة ويتعذر أيام سوري أيام سوري قلت ما عليك ودخلت الطيارة
طبعاً تنفست الصعداء وخذت الرحلة من مونتريال لاليفاكس ساعة و15 دقيقة تقر يباً ويوم وصلنا المطار (مطارهم صغير) وطلعنا على طول من دون جوازات ولا تفتيش وما كان عندي غير دولار أمريكي فقلت أصرف من البنك وفعلاً صرفت 100 دولار أمريكي بـ 86 دولار كندي (طبعاً نصابين بس المضطر يركب الصعب) ورحت لشركة التكاسي وقلت أبي تكسي يودني المكان الفلاني (الفندق قريب من الداون تاون) قالت موب مشكلة 53 دولار التاكسي .. قلت أنا معي أغراض واجد قالت معناها تاخذلك فان كبير بزيادة 5 دولار .. قلت أحسن وخذيت الفان وطلعت للأويتيل وتغسلت طبعاً ودخلت الحمام (تكرمون ماعندهم شطافات) وبعدين طلعت أدور شي يؤكل لقيت جمبي مطعم لبناني قلت زين .. عطني بيتزا بيبروني .. قعد يطالع فينا مستغرب .. قلت خير؟
قال it's pork قلت وش عليه وين المشكلة .. بعدين أنتبهت قلتله do you mean pig? قال يس .. قلت أوف أشوا .. كنت بأطب بلحم خنزير وأنتم بكرامة!!! أناأعرف أن الخنزير إسمه بيج .. طلع يسمونه بعد بورك .. المهم تنبهوا يا شباب .. ورجعت الأوتيل وحطيت راسي بنومه ما بعدها نومه من التعب.
طبعاً زبدة القول الرحلة هذي كانت أول وآخر مرة وذلك لأني ما كنت أبمر من لندن عشان ما يصادرون السوائل اللي معي وقلت أحسن من عوار راسي من تفتيشهم بس المرة الجاية إنشالله بجي عن طريق لندن لأن أغراضي بتكون أخف وأسهل خصوصاً إن أغراضي المهمة خلاص وصلت هاليفاكس.
طبعاً اليوم هو اليوم الرابع والحمدلله لقيتلي شقة .. واللي حاب أي مساعدة تراني حاضر وبدون مقابل ..
والحق يقال أن اللي ساعدني على موضوع الشقة هو الأخ أبو عثمان من المنتدي الله يجزاه خير نزل ولف معاي لين لقينا مع إني لا أعرفه ولا يعرفني فجزاه الله ألف خير وما قصر وإحقاقاً للحق وإعمالاً بالجميل ذكرت إسمه هنا وأنا على إستعداد لمساعدة أي أحد يريد الحصول على سكن وخصوصاً العوئل لأني أعرف وضع المتزوجين و العوائل غير الشباب .. الشباب يدبرون أنفسهم أم العوائل يكونو في قلق
والله يوفق الجميع وآسفين على الأطالة وأتمنى إن الموضوع يفيد كل اللي جايين هاليفاكس .. وأي إستفسار حنا حاضرين.
أخوكم the 4got10