مونكتون..ضروري

أكبر سوق في موكنتون اسمه تشامبلين بليس .. وهو بالقرب من الداون تاون ..

http://www.champlainplace.ca/home/index.ch2

وفيها مطعم هندي غاية في الروعة .. اسمه تاج محل ..

http://yellowpages.ca/bus/New-Brunsw...did=14184395ae

وبجانب السوق في ملاهي صغيرة مغلقة .. تستحق الزيارة ..

لايفوتك المطعم الهندي

تحياتي

شكرا لكم
لكن ماذا عن مطاعم بحرية..هل هناك الجيد منها؟

لا لا لالا لا

لازم تجرب مطعم تاج محل الأول... غاية في الروعة
لا تنسى تطلب البرياني والكرمه والخبز الغريب حقهم... كل من يدخل المطعم يرجعله مرة ثانية
وإلي يروح موكتون وما يروح المطعم زي إلي يروح مكة وما يروح الحرم

يا حظك، بعدين داخل السوق (شامبين) في رسام كاركاتيري يرسم الوجوه بشكل مضحك بـ 10 دولارات ويرسمك 10 دقايق
على فكرة بعد المطعم بدقيقتبن في بارك حلو فيله ممشى على البحر حلو مره
وكفيهات على الطريق زي كأنك في لبنان بس ناقصها شيشة خخخ

أسويلك برنامج حلو تابع:
1- من الصباح الساعة 10 مثلا- تاخذ جولة بالسيارة داخل المدينة وشوف الطرق والمحلات على الشوارع وأفطر بأي مكان بالكوفيهات إلي على الشارع -حتى الساعة 11 ونص.
2-الساعة 12 الظهر - تروح الممشى إلي على البحر أو النهر وهاتك مشي وتصوير.
3-الساعة 2 بعد الظهر تروح السوق(شامبين مول)وهاتك فرفره في المول في ماركات مختلفة عن المدن الثانية
4-الساعة 5العصر- جا وقت الجوع - يصبح الغدى لازم لازم عند المطعم الهندي (تاج محل) أتوقع بالويك إند يفتح بعد العصر بتحصلي مواعيد العمل على الباب- بس أصحك تغلط وتقول أبغى أكل حار أو حرارة وسط(لأنه الأكل الحار أو الوسط ما راح يخليك تداوم الجامعة ثاني يوم) فأطلب أكل بارد وبتلاقيه حار خفيف . أو لاتنسي تطلب سموسك.
5-بعد الساعة 7 المساء تروح المجمع إلي جمب شامنين- مش عارف إسمه بالضبط تلعب بالملاهي وتروح للرسام.
6- الساعة 9 المساء تدخل السينما وتدخل فلم مدغشقر 2 لازم لازم - أمس رحت السينما بغيت أدخله طلع فل وما يوجد مقاعد فاضية.
7-الساعة 12 المساء تروح أي مطعم للعشاء وممكن تروح أي مطعم بحري-ماعندي علم عن احسن مطعم بحري.
8- خلاص عاد جا وقت الرجوع.على مهلكم ولاتسرعوا
اكتب البرغرام في ورقه ويعطيه العافية صدام أمامي رده يدعم ردي

رحلة موفقة وترجعوا بالسلامة.

لازم لازم - تروحوا المطعم الهندي
أخر خطوة بعد ما ترجعوا بالسلامة إن شاء الله يا ليت ترد كيف كانت الرحله وكيف رأيك عن المطعم الهندي
ويا حبذه لو ترفق بعض الصور عن المدينة

بالتوفيق
مروان119

اهلا مروان ..
للأسف ماشفت ردك إلا متأخر..
برنامجك رائع جدا جدا وراح اسوية المرة الجاية

طبعا انا رحت مونكتون ورحت للمطعم الهندي وفعلا كان رائع والحمدلله اننا رحنا قبل ماتبدأ زحمتهم لأن شكل عليه زحمة مرة

ورحت السوق الكبير لكن ماشفت اي رسام وكذلك زرنا حديقة الحيوان
والسينما مادخلناها لأن كان معنا طفل وغير كذا بعض اوقات الأفلام مانسبتنا

واخيرا كانت رحلة رائعة وان شاء الله نعيدها
وبإستخدام البرنامج اللي رسمته لنا

لكن ممكن عنوان البارك اللي تقول عليه او اسمه
لأني ما اعرف شي بهالديرة ..لكن امشي على الجي بي اس

وشكرا لكم

اهم شي انك رحت المطعم الهندي هذا اهم معلم في تاريخ المدينه الحديث