مساعدتكم ياأهل الخبرة ؟!!

ان شاء الله توصل بسلامه وتنور هاليفاكس هذا موقع www.theweathernetwork.com الجو وتقدر تشيك عليه طبعا تحط التواريخ او قبل التاريخ بسبوع تدخل وتشوف وان شاء الله خير لانه جونا بارد مرا فا طبعا تحتاج جاكيت يكون ضد الماي والثلج وثقيل ودافي واظن جاكيت واحد كفايه لانه في بلادنا مافي خامات زيهم هنا في ملابس ثقيله اكثر تصنع خصيصا لجوهم
نبدي بالمهم اذا كنت مبتعث وخالص فا اجراءات فتح الملف الى استلام الشيك ياخذ مابين اسبوعين الى شهر هذا من الناحيه الماديه
واذا كنت على حسابك فا طبعا تحتاج كل الاوراق المهمه تكون بصوره قانونيه واضحه

الضروريات
1-بطاقت اشتراك في باص وبما انك طالب حتكون لك ب54 دولار كندي
2-افضل لك تسكن مع عائله عشان تمارس وتقوي اللغه اسرع وطبعا تتراوح مابين ال500 الى 750 دولار كندي وفي منها شامله الثلاث وجبات يوميه وفي لا
3-معهد الايست كوست يقع في داون تاون يعني لا خوف عليك وكل شي قريب منك عندك مجمعات تجاريه وعندك سوبر ماركتات عربيه طبعا
امممم اسعار وجبات السريعه من الارخص مثل مطاعم مكادونالد وغيره تتراوح مابين 6 الى 9 دولار كندي
والمطاعم الثانيه اللي تجلس وتاكل فيها زي المطاعم التركيه والعربيه والمكسيكيه امممم من 11 دولار الى كحد اقصى 18 دولار
وطبعا طول مواسم السنه في تخفضيات على كل شي وتخفيضاتهم مرا حلوه وتسوى والجوده عاليه اكثر من عندنا

واي اسئله ثانيه احنى حاضرين

* تم اخذ اغلب المعلومات من مواضيع اخرى في المنتدى مع خالص حقوق الحفظ للي كاتبين الموضوع لانه الحق واجب تحياتي

شكرا جزيلا اختي عاشقة الكويت
بالنسبة الى السكن انا محجوز سكني مع عائلة انشاء الله وراح اسكن معاهم قبل الدراسة بأسبوع
وبالنسبة الى الجاكيتات راح احمل معاي واحد فقط ومن هناك راح نشتري على حسب الجو وبالنسبة الى الى فتح ملف والشيك انا طالب مبتعث واوارقي وكل شئ جاهزة بأذن الله



وسؤالي هنا .. هل بطاقة الاشتراك الى الباص عشان اني طالب يحتاج يكون عندي اي دي وكيف يعرفوا اني طالب ؟؟

وتمنياتي لك بالتوفيق

تحياتي ..

تحتاج الاي دي حق المعهد اللي يثبت انك طالب ومافرقت عن اشتراك الباص العادي غير ب6 دولار فرق يعني تقدر تاخذ العاديه ب60 دولار وحقت الطالب ب54

حلوو ... شكرا لك لك على تواصلك معنا

بس عندي سؤال !! ادري باوجع راسك لووول؟!! بس ابي اعرف كم شغله تهمني عشان اضرب احطياتي اليها ؟!!
حبيت اسأل هل في هناك صالة رياضية ( جيم ) قريبة من المكان الا بندرس فيه او من المكان نفسه وكيف اسعارها ؟؟

لا ولو عزيز وغالي اي في صالات رياضه قريبه وحلوه واسعاره على حسب يعني في منها تتراوح في مهم كل 4 شهور مثلا 170 دولار وفي اقل وفي اكثر على حسب هذا اللي انا اعرفه فا ان شاء الله لا يت واستقريت لا تعرف اكثر واي اسئله كمان حاضرين

يسلمووووووووووووووا

ماقصرتي والله وانشاء الله اذا في شئ راح نسأل

تحياتي لك