مرافق مع زوجتي أفيدوني

بسم الله الرحمن الرحيم
السلام عليكم ورحمة الله وبركاته

يا أخوان ويا أخوات الحمد لله جا قبول زوجي في ولاية كلفورنيا معهد أسمه GOES - COSTAMESA

ومثل ماقلت لكم انا مرافق والحمد الله هذا الفصل الدراسي اكون خلصت دراستي الجامعية

واللي ودي تعلموني عليه او تفيدوني فيه كيف موضوع I20 بنسبه لي انا كمرافق او محرم
كذلك كيف موضوع الفيزا او التأشيره هل هي F1 أول F2 وهل ادرس في معهد اللغه على طول بما أني مرافق أو محرم .
المهم أمور كثيره ودي اعرفها عن المرافق اللي يعرف اي شي عن المرافق الزوج أرجو منه أن يفيدني والله يجزاه عني خير الجزاء

الان القبول الي جا لزوجتك يمنحها الf1 ويخليها تدرس هناك بفيزة طالب من غير اي مشاكل لكن انت بما انك مرافق ففيزتك راح تكون f2 الا في حال انك غيرت القبول الي جابوه لك الوزراة وجبت لك قبول فل تايم علشان تقدم فيه للf1 وتدرس طبيعي في المعهد , ومدام انه جا لزوجتك قبول فأنت اكيد جايك قبول كمرافق لزوجتك لكن قبول مرافق مو قبول طالب , فأنا انصحك تروح لاي مكتب قبول وتقول لهم ابغى قبول فل تايم مو قبول دبيندانت علشان ابغى اطلع فيزة طالب وهما راح يجيبولك القبول من نفس المعهد الي تدرس فيه زوجتك . طبعا لازم تعطيهم اسم معهد زوجتك علشان يجيبونك قبول على نفس المعهد تصير انت وياها سوا وبالتالي في تقديم الفيزا انت وزوجتك في قبول معهد متساوي ويعطونكم فيز f1 زي بعض .انا نصحتك بهالحركه لاني اعرف ناس هناك في امريكا قالو لي اذا جا على هنا بالf2 فراح يتدمر ولا يدرس ولا يقدر يسوي شي واذا بتغير لازم ترجع وتقدم طلب فيزا جديد وتجيب قبول من هناك بانك طالب وزحمه ... علشان كذا انا اقترحو علي اقتراح القبول الي انا اجيبه وحبيت اقولك ياه واتمنى اني اكون افدتك ..

الله يجزاك الف خير يا ( حبيبة أمها ) والله توني اعرف هذي الأشياء .

يعني الوزارة ماتجيب لي قبول في المعهد مع زوجتي ( بس كذا مرافق وانتهى يعني زي الخروف ولا مؤاخذه في اللفظ )

طيب كم ياخذو المكاتب مني علشان موضوع القبول هذا ؟

الله يسعدك ياليت تفيديني

هلا فيك مره ثانيه طبعا اقدر افيدك في هالموضوع
اول شي اي مكتب تروح له علشان تجيب قبول احرص على انك تعطيه اسم المعهد الي جا لزوجتك قبول عليه علشان تصيرون انت وياها بنفس المعهد بعد ما يصير هي بمكان وانت بمكان ثاني
ثانيا تحتاج شهادة ماليه او ضمان مالي بملغ لا يقل عن 90 الف ريال , طبعا بالنسبه لهالموضوع اذا ماعندك المبلغ في حسابك اطلب من اي شخص يحوله لك على حسابك وجيب من البنك كشف حساب او ضمان مالي بانه عندك هالمبلغ , او اذا عندك شخص قريب اخ او اخت عنده هالمبلغ خليه يجيب شهادة من البنك وتسمى ضمان مالي يعني البنك يكتب ان انت فلان الفلاني عندك في الحساب هالمبلغ .. طبعا اذا بتجيب شخص ثاني يكفلك في ويجيب ضمان مالي باسمه لازم يجي للمعهد ويوقع انه يتحمل تكاليفك زي شغلة الكفاله في الشركات وكذا وصورة من جواز السفر وشهادتك الاخيره الي حصلت عليها

طبعا تكاليف الحصول على القبول غالبا ما تكون الف ريال او 950 ريال فيه عندك في جده مكاتب قبول كثير زي مكتب ايجيك ومكتب اي ال اس وكلها في شارع الستين مبنى العبداللطيف بلازا وياخذ القبول اسبوع بالكثير وهو عندك انشالله اتمنى اكون افدتك وذا فيه اي اسئله ثانيه حنا حاضرين وبالتوفيق للجميع

يا الله شغله عريضه طويلة قد طول اللسان هذا هذا وأنا اظن ان الوزارة تتكفل بكل شي ، الشاهد في الموضوع
أني انا كمرافق لزوجتي راح تتكفل الوزارة بإعطائي فيزا f2 وزي ماتقولي بإن هذي الفيزا ماتنفعني في الدراسة

مع العلم أن فيه كذا واحد يقول بما أنك زوج تعتبر امورك سهله ماهي زي الأخ أو الأب .

والمشكلة الأكبر أن الوزارة مبهمة في جيمع تعاملاتها لا تاخذ منها لا حق ولا باطل ؟

والله العظيم مع هذا الكلام كأني بديت أشيل الفكره من راسي

الله يعطيك العافية , وإذا فيه معلومات بعد غيرها افيديني الله يجزاك خير

السلام عليكم ورحمة الله وبركاته ...أختي (حبيبة امها ) الله يجزيكي ألف خير بصراحة والله مرة أفديتني أنا كمان لإنه زوجي مرافق طالع معايا على أمريكا إن شاالله وكل إلي أعرفه إن المرافق يمديه يدرس لغة على حساب البعثة حقتي وبعدين أذا كان يبغى ينضم للبعثة يطلب من الملحقية لكن غير كده ماكان عندي أي معلومة بس بعد ماافدتينا اتنورنا لانها بصراحه مخاطرة ومغامرة جدا كبيرة إنه بعد دا كله نوصل هناك وزوجي يوصل هناك ومايقدر يسوي اي شي حتى مو بس مايقدر يدرس ولاحتى يشتغل يعني احسن نعمل كل شي من هنا المشكلة محد بينورنا ويقلنا الاشياء المهمة يعني مجازفه كبيرة وبالذات لو الواحد عنده اطفال على العموم الله يجزيكي الف خير وسؤالي هو : هل بعد مايجيب زوجي (المرافق) الفيزا f1 الوزارة ماتتكفل بتكاليف دراسته في المعهد ؟
واذا كان لازم على حسابه البنكي (زوجي المرافق) وانضم للبعثة بعد فترة هل من الممكن الملحقية تعوضنا عن التكاليف الي دفعها مسبقاً ؟لانه في طلبه سار معاهم نفس الشي بس حابين نتاكد وشكرا

ياجماعه المرافق فيزته f2 ومايقدر يدرس فيها فل تايم في المعهد او احتمال انه ما يقدر يدرس نهائي على حسب المعهد يوافق يقبله ولا لا ؟ لان الاولوية للطلاب مش للمرافقين
هذي نقطه
النقطه الثانيه انو انا نصحتكم تجيبون القبول الثاني علشان تصير لكم احقيه بفيزة f1 علشان حتى المرافق يدرس فل تايم في المعهد والوزارة بتتكفل بكل التكاليف طبعا
وبعدين ميزة f1 انك لو اخذتها من هنا بتقدر تقدم على اي جامعه هناك وتقبلك فورا لان فيزتك فيزة طالب مو مرافق يعني ما يبقى عليك الا تراسل الملحقيه ويضمونك للبعثه وتصير زيك زي اي طالب مبتعث
بعدين لا تشيلو هم الوزارة بتدفع تكاليف المعهد والدراسه سواء اخذت قبول الوزارة الي جابوه لك f2 ولا سواء انت جبت قبول بنفسك f1 يعني في الحالتين هما دافعين دافعين انت بس الي عليك هنا تجيب ضمان بنكي للمكتب الي يجيب لك القبول وهناك الوازرة تتكفل بكل شي من دراستك في المعهد وحتى اذا بتكمل دراسه في اي جامعه قبولك الي جبته بيخولك الحصول على قبول في الجامعه بكل سهوله لان فيزتك طالب وبالتالي اذا جاك القبول راسل الملحقيه في طلب الحاق بالبعثه وتصير مبتعث حتى مكافأتك تزيد من 1300 الى 1800 $

اتمنى اكون وصلت الفكره وافدتكم واذا فيه اي استفسار انا حااااضره

يعني دحين انا اخويا للي حيجي مرافق الافضل اني اجبلو قبول معهد من هنا علشان تسير فيزتو طالب
وماتروح عليه سنه من عمروو وينقبل بسهوله

طيب ياجماعة اذا المرافق جاب ضمان بنكي وجاب قبول معهد وقدم على تأشيرة طالب

هل هذا مايأثر على مكافأته من الوزارة او يسبب اي تعقيدات ؟

ايوه الافضل انكم تجيبون له فيزة طالب من هنا علشان تختصرون عليكم الكثير من المشاوير سواء في التقديم على الجامعات هناك في امريكا او في الدراسه في المعهد

المهم :
اللي عرفته بالنسبة للمرافق

المرافق : تعطيه الوزارة أو المعهد اللي راح يدرس فيه ( فيزا F2 ) وهذي الفيزا لا تعطي المرافق الاحقيه في الاتحاق بالجامعات الأمريكية مثل ماقالت الأخت حبيبة امها والبطبع راح يتعب كثير على بال مايغير تأشيرته إلى F1 ولابد يرجع على السعودية علشان يغيرها . ، كذلك ( وهو شي مهم جداً ) المرافق اللي معاه فيزا F2
لا يستطيع أن يدرس في معهد اللغة كوررس كامل ، فقط أربع مواد في اليوم . بينما زوجته أو اخته تاخذ كوررس كامل من الساعة تسعة صباحاً إلى الساعة الثالثة عصراً . يتبع

الحل: ( 2 - 1 يتبع )
على المرافق مراسلة المعهد اللي جاب القبول لزوجته أو اخته او ابنته ، مع العلم ان المعلومات المطلوبه من المرافق ( أفضل مافي الموضوع ) للمعهد متوفرة لدى المعهد بحكم أنه مرافق وقد تم إرسال معلوماته مع أوراق زوجته أو أو .. سابقاً . .
وعليه يطلب من المعهد أن يرسلوا له I20 جديد غير اللي وصله حالياً . I20 فل تايم .

طبعاً يحدد المرافق موعد في السفارة مع زوجته أو أخته ويعطي I20 الجديد للسفارة وبهذا يكون أدى اللي عليه وراح تعطيه السفارة فيزا F1 . ولا تنسوا تراسلوا المعهد عن طريق نفس المكتب اللي جاب القبول لزوجتك أو أو ..
وإن شاء الله راح اجلس مع زميلي اللي توه جا من امريكا وراح افهم منه أمور كثييره وعلى طول راح اعلمكم عن أي معلومة جديدة
.... انتهى

شكرا اخ فريد على المعلومات
بس سؤالي هل يقدر يجيب I20 من المعهد بدون ضمان بنكي ؟

السلام عليكم,..
انا راسلتهم شووفو ايش ردووولي :


المملكة العربية السعودية

وزارة التعليم العالي

إدارة البعثات

القسم النسائي

= = = = = = = = = = =

عزيزتي:
الضمان الجامعة للمرافق في البداية على حسابكم الشخصي ومن ثم اذا وصل الى الملحقية يطلب إلحاق بالبعثة ومن ثم الملحقية سوف تغطي كل سنوات دراسته مع اللغة

ضمان المرافق للجامعة على حسابه الشخصي اذا أراد الان للحصول على فيزا طالب
والاجراء الطبيعي هو ان يحصل الطالب معك على فيزا سائح ومن ثم يطلب كل شيء من الملحقية (ضمان دراسة لغة أو جامعة)
كما في الرد التالي:
إلحاق مرافق مبتعثة
عزيزتي:
السلام عليكم ورحمة الله وبركاته
بالنسبة للطالبة المبتعثة على برنامج خادم الحرمين الشريفين فبعد أن تتم أوراق إبتعاثك وسفرك بإذن الله، تراجعين الملحق الثقافي السعودي في دولة الإبتعاث في البداية لكي تتمي إجراءات إبتعاثك حال وصولك هناك.

وكذلك بالنسبة لطالبة الإلحاق، فبعد إلحاقك وإتمام أمورك وأصبحت مبتعثة (خاص بفئة الدارسين على حسابهم الخاص) ، فيجب مراجعة الملحقية الثقافية السعودية والتأكد من إتمام أمورك معهم.

يتبع :

بعد التأكد من أمور المبتعثة أو الملحقة بالبعثة، يستطيع المرافق لها الحصول على ما يريد من الدراسة سواءا كان دراسة لغة فقط أو دراسة أكاديمية مع لغة ومن الملحقية فقط.
بالنسبة لطلب دراسة اللغة فقط يستطيع المرافق الحصول عليها من الملحقية هناك بعد إتمام إجراءات إبتعاثك.
أما من ناحية إلحاق المرافق للدراسة الأكاديمية (أي للبكالوريوس والدراسات العليا) فيتم أيضا في الملحقية لكن بإجراءات أخرى خاصة لإلحاق المرافق بالبعثة لدراسة البكالوريوس والدراسات العليا، ففي الملحقية وبعد إتمام إبتعاثك يتم بعدها إلحاق المرافق.
ولا توجد أوراق أو مستندات تأخذينها من الوزارة بالرياض لكي تلحقي المرافق من الرياض، فالطالب يرتب أموره هنا فقط قبل السفر من جمع توصيات وترجمة وتصديق شهادات، والمرافق تكون الفيزا الخاصة به (فيزا سائح) وليست (طالب) وبعد إلحاقه هناك سيتم تحويلها إلى (فيزا طالب).

يتبع:
وهناك بعد الوصول وبعد إتمام إجراءاتك يطلب إلحاقه بالبعثة في الملحقية "كمرافق مبتعثة"، ومن هناك الملحقية سوف ترسل طلبه للرياض، ولن ينظر إلا للطلب المرسل من الملحقية بالنسبة لإلحاق المرافق.
وبعد رفع الملحقية طلب الإلحاق للرياض ستزودكم برقم صادر للمعاملة وتاريخها تتابعون بالإيميل مع الوزارة بالرياض بهذا الرقم والتاريخ (إيميل القسم النسائي: questions@mohe.gov.sa)، وبعد موافقة الوزارة بالرياض، ستزودكم الملحقية بالضمان المالي وسوف تتم الملحقية الإجراءات كلها معكم.
ولا يهم اختلاف الدرجة التي يريد دراستها مع درجة بعثتك أنت، (مثلا كأن تكوني ماجستير وهو بكالوريوس) لا يهم الفرق.
في حالة حصل ظرف على المبتعثة وانتهت دراستها ، أو أنها أنهت مدة دراستها المقررة و دراسة المرافق لم تنتهي، يستطيع المرافق طلب فصل بعثته عنها ، يتم الأمر في الملحقية بأن يتم رفع الطلب قبل نهاية بعثة المبتعثة بحوالي 3 أشهر.

يتبع:
والمرافق الغير سعودي لا يعامل معاملة المرافق السعودي بالنسبة لما ذكر أعلاه.
بالنسبة للمرافق (الأخ) في السفارة الكندية والأمريكية فإنها تصعّب حصول المرافق (الأخ) على فيزا إلا إذا كان طالب، أي يثبت أنه سوف يدرس هناك ولديه قبول مفعّل - يتم تقديم الضمان المالي للقبول المشروط - لذا يقدم الطالب على معهد ويحصل على القبول النهائي ثم يقدم على السفارة الكندية للحصول على الفيزا طالب، مع ملاحظة ان الضمان المالي للمعهد الخاص بالمرافق على حسابكم الشخصي، وسوف يسافر في هذه الحالة كطالب سوف يدرس على حسابه، وهناك في الملحقية يطلب ضمه بالبعثة، ويتم تعويضه بعد إلحاقه.