أخت آسيا انا طالب بالثالث ثانوي اعصابي تاااااالفة لأبعد حد. ماعاد فيني حيل أشيل هموم، من وزارة التربية اللي مطبقه علينا نظام تراكمي يبدا من الثاني ثانوي و تجريبي،، و تصوري لين الحين ما جانا خبر الاختبار من المدرسة ولا الوزارة و الحالة صعبة، نجي لمركز القدرات اللي مقدم اختبار القدرات اللي عليه نسبة كبيرة مرة من العلامة النهائية يقدم لك الاختبار يحطه بنص الفصل الثاني بدل ماهو بالصيف عشان يخلصون علينا، و الحين يجينا التعليم العالي يقول بنحصر لكم البعثات ب 5 دول. يا عالم صلوا على النبي بالله وش مسوين لكم؟ أنا الشي الوحيد اللي كان يساعدني و يسحبني من فراشي للكتب عشان انحت فيها نحت هو طموحي بإني القى لي بعثة لأمريكا ارفع فيها راس أهلي، بس السالفة شكلها كيف نهلك الطالب. مادام قاعد اشوف انه طموحي راح، قاعد اسال نفسي ليش ادرس؟ المشكلة اني شفت لك مشاركتين، وحدة مضى عليها اسبوع تقول انه البعثات لخمس دول، و بعدها بيومين وحدة تقول انه البعثات مستحيل تكون على 5 دول فقط. و انا قاري بالاقتصادية بتاريخ 19 \ 3 \ 2008 اللي هو امس الاربعاء انه الوزير قال الابتعاث محصور لبعض الدول. ابي اعرف وش جاك من خبر؟ بالله عطونا امل يا ناااس. طالب منتهي 11:53 PM
أستراليا
