ما قصرتي ...والله يعينك ويعينااا انا مخططه على الإعاده لان نظام كليتنا ان اذا تخرجت وان شاء الله رشحوني اعاده وانقبلت مو ضروري اني اكمل سنه اعاده بعدين يبعثوني لا.. متى ما انقبلت اعاده اروح لو انشاء الله اول اسبوع .. او بعثت الملك عبدالله ان الله قدرنا ... بس انا حابه لندن اكثر من امريكااا واقرب واامن انا ناويه اكمل هندسه حاسب انشاء الله يمكن تقولين بدري على كلامي بس انا احب يكون عندي خلفيه بكل حاجه والواحد اذا حط له هدف من الحين افضل واسفه على الاطاله وفرصه سعيده يا كوثر ^^ joony 10:43 PM
اهلين جووني كيف الحال انا بخير والحمدالله.. لا ازعاج ولا حاجه خوذي راحتك دردشي واسئلي وانا بجاوبك باللي اعرفه الله يوفقك وقدامك مشواار وانا مافهمت كيف راح تبتعثين لانه اللي على حسابه الخاص يدرس حتى لو كان تكدس هذا حسب مافهمت اما بعثت الملك عبدالله موقفه لبريطانيا ويمكن يكون حسب ماسمعت من بعض الاعضاء انه راح يفتح بعد سنتين والله اعلم.. وبالنسبه للشي الثاني العيشه والسكن بشكل عام غالي وخصوصا لندن والكل يعرف هالنقطه يعني ممكن تشوفين دوله ثانيه تكون ارخص وقويه بعد في الدراسه وطبعا هذا يرجعلك اما الامان انا توني جايه مالي شهر وكم يوم ومابديت دراسه لكن ان شاء الله امان وحسب ماسمعت حسب المناطق لكن اختي على حسب مافهمت منك باقيلك مشوار وراح يتضح طريقك وانا مثل ماقلت لك توني جايه ماعندي معلومات وافيه زي اللي مستقرين من مده.. اما المحرم مادري على حسب انتي يعني غير انه محرم يمكن افضل وجوده لانها غربه والواحد تتعب نفسيته يكون لوحده انا اشوف كذا وانتي ادرى على حسب ظروفك مع اني سمعت فيه بنات نزلوهم اهلهم ورجعو.. والله يوفقك ويكتب لك الخيره كوثر 09:14 PM
مرحبا كوثر كيف حالك عذرا على الازعاج بس حبيت استفسر منك كم حاجه انا توني طالبه سنه اولى -_-"" باقي لي 3 سنوات واتخرج تتوقعين يمدي يروح التكدس ؟ وثاني حاجه بسألك بالنسه للعيشه هناك والسكن والامان ... وهل لازم المحرم يوديني ويجلس معاي كل سنوات الدراسه ولا عادي اذا وداني ورجع ؟ joony 01:47 AM
أهلين عزيزتي توني اقرأ الرساله الحقيقه انا مثلك ماكنت عارفه كيف البس النقاب والحجاب ولكن لما وصلت وشفت ناس كثير تعلمت منهم وعلى فكره راح تشوفين ليبيات وافغانيات لابسات العبايه والنقاب اسود هذا غير السعوديات بالنسبه لي انا ماجبت نقاب غير الاسود لاني زي ماقلت لك ماكنت فاهمه زين ولو ارجع للسعوديه بجيب نقابات غير الاسود عشان يكون لابق مع لون الطرحه مثلا لكن الحين بما ان اللي عندي نقاب اسود فقط فأنا البسه على بالطو بني بأسود طويل خصوصا لما يكون برد مع طرحه بنيه ونقاب اسود وطبعا كل مره اغير حسب الموجود عندي الحين زي بلوزه طويله هذا مثال من اللي البسه الحين واحيانا تصدقين اروح بعبايتي الكتف العاديه مع النقاب ومره شفت وحده لابسه عبايه سودا مع طرحه ونقاب زهري وبلندن شفت كثير بنقاباتهم وعباياتهم الراس السودا وانا مازرت مانشستر ولا شفتها بس اتوقع انك بتلاقين سعوديين مع اهلهم واكيد فيه ناس لابسين نقابات... سوري ع التأخير بالرد وسوري ع الاطاله بس حبيت اوضح لك ع قدر مااقدر وصدقيني الوضع اسهل مما تتوقعين كوثر 05:52 PM
هلا عزيزتي قريت ردك بالنسبه لحجاب المبتعثه كيف النقاب هل اسود او لون ثاني والحجاب كيف.. وهل هذا في مدن معينه او غالبيه المدن مثلا انا رايحه لجامعه مانشستر وشكرا كثير طموح معيدة 03:10 PM
المملكة المتحدة
