قصيده من والدي الى الملحق الثقافي بكندا

السلام عليكم ورحمه الله وبركاته

بأختصار شديد هذه قصيده كتبها والدي عندما زارني في كندا وهي تتحدث عني بالآخص ومشكلتي أني أريد تحويل تخصصي من حاسب ألى إلى بزنس فطرح الوالد فكره كتابه قصيده بعد الرفض المتعدد من الملحقيه الثقافيه الكنديه وقال لعلها تنفع وتحرك الموضوع قليلآ...ولكن للأسف تم الرفض للمره الثالثه وقال ألآخ أبا الخيل أنها ليست بيدي ودبرو لكم واسطه""وكالعاده لازم تتعب نفسك وتجيب واسطه عشان تغير للي تبي"" وابشركم غيرت للتخصص الي أبغاه من وزاره التعليم العالي بالرياض...ماطول عليكم هذه القصيده بخط والدي:

بسم الله الرحمن الرحيم

الحمد لله وحده والصلاة على من لا نبي بعده وبعد:

السلام عليكم ورحمة الله وبركاته

كم كان شرف لي واسعد بهذا الشرف بقية حياتي أن قمت بزيارة إلى مكتب الملحق الثقافي السعودي في أوتاوا كندا

حيث قابلت الملحق الثقافي الدكتور فيصل بن محمد أبا الخيل"أبو عبدا لله" ذالك الرجل وأنت تقابله للمرة الأولى وكأنه

يعرفك لسنين طويلة وما ذلك بغريب من رحابه الصدر,بشاشه اللقاء,الكرم وطيب الاستقبال. المكتب بكل العاملين فيه

بالرغم من المسئوليات الكبيره جوُ متكامل من التعاون والتفاني في خدمة المبتعثين كيف لا وأبا عبد الله هو ربان هذه

السفينة السعودية الموجهة بتوجيهات حكيمة من ولاة الأمر رعاهم الله وعلى رأسهم خادم الحرمين الشريفين الملك

عبد الله بن عبد العزيز أل سعود حفظه الله وولي عهده الأمين
.
أرجو قبول التماسي هذا لدى سعادة الدكتور فيصل حفظه الله ولهذا أقول:

ســلام الـله لآبا الـــخــــيـــل *** سلام مني لنجم سهــيــــل

للثـقافـــه نــجــم ســـاطــــع *** يـبدد بــــه ظـــلام الــلــيــــل

ديـــنـــه خــلاه إمــتــواضــع *** هذا فيصل ذا با الخـــيــل

مــــــن جــذوره هــذا نـــابــع *** ثوب فصل لـه تـفصـيـل

يــا أبو عــبـد الـله افـزع لــي *** تـكفـى يا شهـم الرجـاجـيل

أبــني تــكـفــى لا تــنــســـاه *** ســهــل عــليــه التــسـجـيـل

كــمــبــيوتـر سـاينـس مـايــبغـاه *** صـعـب علــيه بالتحـصـيل

الــبــزنــس هــي مبــتــغــاه *** هــذي القــصــه بـالــتفـصــيــل

القصيده مع اللحن الي لحنها والدي أحلى بكثير من انك تقراها قرأه عاديه

أخيرا أتمنى أنها نالت على اعجابكم ولكم مني احلى الأمنيات وييوفقكم يارب بالدراستكم:thumbsupup:

رائعه الله يوفقك وتقدر تحول

طيب ليش كان الرفض بالتحويل ؟؟؟
انا حاليا قدمت طلب تغيير التخصص من هندسة ماجستير الى علوم ماجستير
هل تعتقد انهم راح يرفضو ؟؟ لا قدر الله بس
مع اني رسلت قبولي الجامعي عشان اوريهم التخصص و مالقيت اي قبول غيرو في امريكا و كمان خطاب من الجامعه يبين الخطة الدراسيه لتخصصي الماستر
كم شهر اخد معاك الين ما استلمت الرد بالرفض ؟
بالله قولي بالتفصيل لاني شايل هم انهم يرفضو !!!
ربنا يعين بس
ايش سويت بعدين مع الوزارة عشان قبلو التغيير ؟

هههههههه مسخرة القصيدة تضحك شوي , بس الله يعينك ان شاء الله

اهلين اخوي dondy بالنسبه للتغيير عندهم زي ماتقول سلم تنازلي للتخصصات فمثلا يعتبرون الحاسب الألي افضل من البزنس فأكيد يبي يرفضون بالتغيير ولا يبي لك الا واسطه اوكي

اما اذا كنت تبي تغير من بزنس الى حاسب الي يقولون ياهلا فيك حياك وتغير من الملحقيه ولا يحتاج الرجوع للوزاره


اما الرفض على حسب الموضف الي تبعك وبصراحه كل مووووووظفين الملحقيه ماعندهم ماعند جدتي الا كم واحد

كلهم دمرو حياتنا الله يهديهم بتأخير كل شي
يعني الله يوفقك وتطيح بيد واحد حبيب ولا وحده حبيبه


اما انا بصراحه غيرتها من الوزاره بواسطه بعد عنا طويل

اقتباس:

---

المشاركة الأصلية كتبت بواسطة Emeralda~

هههههههه مسخرة القصيدة تضحك شوي , بس الله يعينك ان شاء الله

---

ياليتك ما رديتدي
ربما كلمه تقول لصاحبها دعني

الله يوفقك اخوي
وجزله القصيده ولحنها معروف
سلم على الوالد ونبيه يفزعلنا بقصيده ثانيه
نبي نغير الدوله

سلم ع الوالد وقله صح لسانك

يعافيكم ربي على الردود وان شا الله تبشر بالقصيده الثانيه

والله يوفق كل مبتعث يواجه مشاكل وييسر اموره يارب العالمين

صحّ الله لسان الوالد

و الله يطول لك بعمره و ترفع راسه بالشهاده

موفق خير اخوي~

الله يعافيكم على الردود ويوفقكم يارب