عرض للطباعة
في أول جيت لم كندا كنت مترجم كلمة الخنزير على انها بس بورق المهم دخلت مطعم حق هوتيل تابع للمعهد قلت له
ابغى بريك فاست قال اوكيه يوم جاب البريك فاست جاب معه لحم قلت له هذا وشو قال هذا ham قلت اكيد هذا مو بورق قال لا هذا هام قلت هام مو مشكلة المهم اكلته قابلت واحد من الشباب قلت له خابر لك مطعم والله ياعندهم هام هههههههههههههههههههههههه قال الله يخسك الهام خنزير ههههههههههههههههههههههههه يوم رحت فيها.
الله يسـامحك يا قـوقـل .. ^_^
وموفق ياحلو .. بس ماقلت لي كيـف طعمه .. < بينجلد
انا والله صار لي قصة طويله بس بختصرها
ومدري والله تضحك وإلا تبكي؟
هذا ياخوك مرة من المرارير اخذت باص غير اللى اخذه بالعاده
هذا الباص اللى اخذته ما يودي مباشرة على البيت بس يوديني شارع قريب موازي لشارع البيت
المهم انا قلت ابنزل لما اوصل هذا الشارع الموازي للبيت بعدين اسأل عن اقرب طريق يوصلني على البيت اسرع
المهم يوم نزلت شفت اثنين قاعدين يستنون الباص الراجع يعني الجهة الثانية
بس قلت خليني اسألهم ما في احد في الشارع غيرهم
المهم يوم قربت
وانا قاعد اقول لهم هااااى :bye1:
اكتشفت ان الشخصين ذولى مو طبيعيين ابداً
تحس كذا من طولهم وضخامتهم انهم طفرة جينية
واحد منهم طوييييييييييي الخ لا زيد كمان يييييل
واصلع
والثاني طويييييييل ودبا واكعش
والله ياناس انا ماني جبان بس والله اني رحت فيها :fear:
المشكلة اني ما لاحظت هذا كله الا في وسط قولتي هاا(هنا)ااي
لاحد يقولي كيف ما لاحذت هذا كله من بدري لاأني كنت تعبااان مره ومستعجل
المهم ماعاد يمديني اتراجع قدني متوجه جهتهم وقلت هاا
صراحة انا خفت يكونوا عنصريين
وعاد انا واضح اني مسلم ( وهذا طبعاً شي افتخر فيه و راح استمر عليه)
وزي ماقلت لكم يا احبابي الشارع فاضي
المهم انا قلت امكن انا بس موسوس
امكن يكونوا ناس كويسيين؟؟؟
المهم اكملت الهااااى النكبه :doofywave:
طبعاً امكن واحد يقول التفكير كله وانت بس قاعد تقول هاااى
اقول له انت ماتعرف الخوف اش يسوي
المهم سألت وقلت فين المحل الفلاني
لاحطوا انا قلت المحل الفلاني ما قلت الشارع الفلاني(خلوها في بالكم بعدين نرجع لها )
ياناس وانا اكلموا لازم اثني الرقبة على ورى ٩٠ درجة
آآآآآه قام رد عليه رداً اليكم تفاصيله:gun_thug:
بصوت عالي جداً وهو مركز نظروه عليه ويأشر على الأرض
ويقول المحل اللى تبغاه هنا هنا هنا
(نعم اني مازلت اتذكرتلك الكلمات.... Here Here Here Here ... )
آآآه السيستم عندي ضرب :fear::nono2::nerves:
والله ياناس درجة الحرارة ارتفعت حسيت اني في مكه مو في كندا
وحسيت اني صرت شوية مرتفع عن الأرض ما ادري كذا جسمي صار خفيف يعني كأن الجاذبيه خفت
وحسييت ان شعري وقف
والمسام تفتحت
والعرق صبصب
ونكمل القصة معكم في حلقة قادمة
لالالا امزح خليني اكمل مره وحده بس حبيت اسويها زي باب الحاره
المهم انا قلت شوف اهم شيئ انك ماتبين انك خايف
طبعاً انا عشت في مكه وتعرفون حواري مكه عندهم خبره في الحركات هذه
المهم رجعت خطوه ورى وقلت هاه اش تسوي اذا شفتهم هجموا عليك
اليكم الخيارات التي وصلت اليها
اول خيارقلت ما لك الا السلاح العربي (الحجارة)
تننن خيار فاشل لسببين
واحد -عيال الذين قاطعين عنا السلاح العربي ارضهم مافيها حجاره
اثنين -جاني احساس انه حتى لو فيه حجارة
ماراح تأثر على البغول اللى قدامي يعني امكن تسوي خمشه بس
الخيار الثاني الهروووب
خيار جيد صح ؟
لا ياحبيبي ماحزرت :no3:
لسببين
واحد-انا من الناس اللي عند الخوف ما يعرف يشرود
يعني اصير متكتف
اثنين- جاني احساس ان عشرين خطوه مني تساوي خطوه من العملاق الاصلع والا حتى بس يمد يدوه يجيبني
فعلاً وبكل جديه والله انا في هذه اللحظه يعني خلاص يعني
ما ادري كيف حسيت
والله ماني عارف كيف اعبر
ماني عارف اش اسميها هذه اللحظة
في هذه اللحظه فعلاً تتذكر الله وتدعوه دعاء صادق
قلت يالله انت تعلم اني انا جيت هنا عشان اتعلم وارجع بعلم ننفع به المسلمين
يالله انا من جيت هنا وانا متمسك بديني اوضح رسالة للناس اللى هنا عن الإسلام ومبادئ الإسلام العظيمة لما يشوفون كيف احنا الأسلام علمنا نتعامل مع الناس باحسن الأخلاق
المهم رجعت وقلت ما ادري اش قلت المهم قاعد اكمل الكلام معهم
طبعاً برضوا الكلام اللي فوق -الخيارت والدعاء كله في ثواني قليلة جداً يعني اقل من ثلاث ثواني هذا وفي زيادة ما ذكرتها زي اني تخيلت كيف لما يضربوني
وقلت ما عندي مشكلة انضرب بس اخاف يصير فيني مصيبة اعاقه والا شي والا اموت على يدهم
وتخيلت بعدين لما ينتشر الموضوع ويطلع في الجرايد
وحزنت على نفسي لما مت
وتذكرت امي واهلي وزوجتي والناس اللي يحبوني كيف يكون الحال
المهم يوم كملت الكلام معهم وقاعد الاحظ اش راح يسوو
طلع انهم مساكين طيبين
وسؤالى هو سبب اللخبطه
المحطه اللى واقفين فيها المحطه الراجعة تودي على مكان نفس اس الشارع اللي انا ابغاه
فالرجل كان يأشر على الأرض يقصد استنا هنا واطلع الباص وتروح للمكان اللي تبغاه
وكان رافع صوته مدرى هو الحجم له علاقه
لا الصحيح انه هو عرف اني انترناشنال فكان يبغي يسهل عليه فهم اللغة
المهم لما قلتهم ابغى الشارع دلوني ورحت
والحمد لله على السلامة
هههههههههههههههههههههههههههههاقتباس:
المشاركة الأصلية كتبت بواسطة boboo
والله روووووعة الموقف
تسلم أخوي
الموقف بتاع صاحب الموضوع .. لاعمرك تكرر الخطأ .. >>حسيت اني ابوك هع
الموقف الاعظم والاخوف بتاع خوينا الي ناوي يضربهم بالحجارهـ
هههههههههههههههههههههههههههاي الحمد لله ع السلامه ياخوي .. ولا عمرك تضيع باصك >>ايضا حسيت اني ابوك
^_*
موفقين
والله الباصات دايم توهيقه انا قدام بيت العائلة في موقف باص ولما اركب معه يصير لبيت على يساري المهم الرجعه يكون البيت على يميني ودايم بالرجعه لارجعت مع الباص التفت يسار احتري البيت يجي واضيع واخذ لي كم لفه هههههههههههههههههههههههههههههه
بس الحين الحمد لله ضبط الوضع
اقولكم سالفتي ..
سالفتي .. تخيلوا ان فيه شله تلحق شله ثانيه وانت في الشارع ؟؟
يعني يحسبونك منهم ؟؟
والله ياعيال كان طرد سيارات قدامي واطلاق نار ..
كان معي ثلاث راحوا يركضون في الشارع بينحاشون .. انا خفت اني اركض ويقولون هذولا من شلة الجماعه ويطلقون علينا !! < في ذاك الموقف واحد من العيال من قوة الركض كان يناقز هههههههههه < ميت ضحك < وقتها كنت اضحك وخايف يجيني شي من الطلق في نفس الوقت ..
والله قعدت امشي عادي زي ما أنا " بس القلب يلعب سامري " .. والله ياعيال طلق نار .. لا احد يسوي في امها رجال ههههههه
لو كان زي سالفة ابو حجارة كان والله اتكي معهم على الكرسي واطقع ماشوف .. لكن يا حبيبي اطلاق نار .. وخصوصا ان احد الشلتين يمكن يشتبهون فيك .. واحد يقول هذا من شلة ذوليك وذوليك يقولون هذا من شلة ذولي .. وانا مال ام امي دخل ههههههههههههه
والشــارع كان فااااااااااضي .. مافيه الا انا اللي امشي .. يعني اللي في اخر الشارع يسمع صوت المشي < طق طق طق < بس مع الطرد والطريد كانت خطواتي كذا >> تك تك تك < بشويش يعني هههه
زياده على كذا كان ويكنـد < شربـــانيـن .. يعني والله يطلقون عليك ولا جابوا لك اي خبر ..
والله ان يرسلوني السفارة السعوديه ميت ومطلع لساني في كرتون فيديكس محد درى عني هههههههههههههه
الله يستر على الجميع لكن تغير الحياة و الغربه يسوي ارتباك لشخص
والله يحفضنا جميع
ههههههههههههههههههههههههههـ
والله العظيم إنكم تحيفين خصوصاً في طلق النار ...
وأعجبتني جمله كتبتها أخوي Move babe Move وهي:
!! < في ذاك الموقف واحد من العيال من قوة الركض كان يناقز هههههههههه < ميت ضحك < وقتها كنت اضحك وخايف يجيني شي من الطلق في نفس الوقت ..
والله قعدت امشي عادي زي ما أنا " بس القلب يلعب سامري " .. والله ياعيال طلق نار .. لا احد يسوي في امها رجال ههههههه
قسماً بالله إنك فاصل لآخر شيء .. ههههههههههههههههههههههـ