احتاج مقارنه بين امريكا وكندا وش الافضل للدراسه ؟
السلام عليكم ورحمة الله وبركاته
شباب احتاج مقارنه بين امريكا وكندا
من نايحة غلاء المعيشه ومن ناحية التعامل والسكن
يعني السهوله بالدراسه البكالوريوس الحاسب الآلي او المحاسبه او إدارة الأعمال
واي معلومات تفيديني
ياليت لو تساعدوني
رد: احتاج مقارنه بين امريكا وكندا وش الافضل للدراسه ؟
بالنسبة للأسعار متقاربه ويمكن كندا اغلى بشيء بسيط سواء سكن او معيشه ، عموما تتفاوت الاسعار من مدينه لاخرى في كل الدولتين،
دراسة البكالوريوس بكندا وامريكا تعتبر ممتازه بس كندا افضل من الناحية الأكاديميه واصعب !
الماستر < انحش عن كندا .. قبولاتها جداا صعبه
وسلامتك
رد: احتاج مقارنه بين امريكا وكندا وش الافضل للدراسه ؟
الشي الاول ( اي واحد يقولك هذي افضل وذي افضل ( فهو نصاب بالعربي كلمه نصاب ) لانه ماجرب الثنتين < هي حلا يجرب !!
وان كانه مجرب بيكون مجرب وفشل في وحده فغير للثانيه !! فطبيعي بيسب الاولى ولو تتدخل في راس الادمي بتلقى السبب سخيف !!
اما اذا بغيت تقارن .. بتكلم في فانكوفر فالمدن فيه اختلاف قليل في المعيشه
اذا التحقت بيعطونك 2700 دولار كندي بما يعادل 9600 ريال سعودي ! < في فانكوفر كندا اتكلم
الكولا 1 دولار كندي مع الضريبه الظاهر بيكون معه كم سنت
وجبه من برجر كنق دجاج وبطاطس وكولا =6.7 دولار كندي
شورما بين 5 الى 6 دولار . .
طبعا تشتري كرتون كولا فيه 24 حبه بيطلع عليك بـ10 دولار وشوي .. واذا معك بطاقه للسوبر ماركت بيكون اقل < من سوبر ماركت طبعا يعني بيصير السعر حول السعوديه *_^
عندهم بيتزا حبه قطعه كبيره تسمى بدولار وخمسين سنت < اكثر الشباب عليها بس اذا التحقت ما تبي تكون عندك اي مشكله ان شاء الله
الشامبو بـ8 دولار 7 دولاركندي . . متفاوته طبعا .. بس جبت الشامبو نذكر شي غير الشراب والاكل
بطاقه القطار حقهم ب73 دولاركندي لمده شهر كامل مع باصاتهم بنفس البطاقه .. وفقط في نفس المدينه موب تتطلع مدينه ثانيه اذا طلعت يبغى لك زياده شوي
اما الاجهزه سوا كانت كميرات اوكمبيوترات ( هي هي مافيه اختلاف واجد واللي يقولك فيه اختلاف < تراه مايعرف للشغله بس يسمع)
والنت ترى السرعه هي هي مافيه اختلاف عن السعوديه واللي يقولك انها سريعه الخ < تراه مايعرف في السعوديه الا ام 512 ,, بس اسعارها مدري عنها السكن يوفره لك :)
السكن .. يختلف من منطقه لمنطقه وفي نفس المدينه .. يعني زي الرياض مثلا اذا بغيت تسكن في العليا اكيد اغلا شقتها من حي السويدي
بس مايضرك دام فيه القطار <ومشكلته زحمه الناس فيه ترى بالدوامات ) بس انه يوصلك خلال 15 الى25 دقيقه < وطبعا حسب مكانك اللي اخترته يعني قصدي انك تقدر تبعد عن مكان دراستك اذا كان مكان دراستك في وسط العاصمه بـمده 15 دقيقه وتاصل .. فيكون السكن مع العائله 750 .. وفيه شقق 1300 وما فوق بدون اثاث .. وفيه باثاث < انا مالي في الشقق بس ان بغيت تتدور برى مركز المدينه بتلقى بهالحدود ..
واما عن الدراسه .. حسب الجامعه وحسب تفكيرك .. فيه جامعات تتدرس وفيه جامعات لك عليها .. وطبعا اهم شي في النهايه (هو انت ) , , هذي وجهه نظر يعني ,,
وفيه ناس درسوا في كم جامعه < يغيرون < واذا هو غير اكيد انه شاف شي بسيط شين .. وجلس يتكلم على الجامعه بانها كلها مش ولا بد الخ .. من هالكلام . . فانت ناوي تروح لجامعه تتدرس جامعه ولغتك جيده اعتقد كل الجامعات تفيدك بكندا .. وترى كل شهاده تاخذها من هينا ممتازه .. يعني لها تقديرها . . بس اذا كنت تبي معهد جامعه للغه مع جامعه . . هينا المشكله لان اللغه توصيلها يبغى لك معهد جامعه قوي لان اللغه هي الاساس ..فاختر الجامعه بعنايه ,, هينا اسمع كلام الناس وقسها بنفسك يعني اسمع عشره بتشوف 8 يمدحون الجامعه فاعرف انها كويسه وطبعا 100000% بتلقى من يسبها < بس بحط هالملاحظه
لان بعضهم مايحبون التشدد (بموضوع الغياب) وبعضهم يقولون معقدين كل يوم واجب .. وبعضهم يشوف انه الدوام خفيف .. الخ من هالكلام , ,
اما نجي لاهميه سؤالك عن الدراسه في التخصصات هذي ( انا مادرست للحين جامعه )
بس اللي اعرفه ان مناهج الهندسه اللي تتدرس في جامعه الملك سعود
هي نفس المناهج اللي تتدرس في جامعات كندا < هذي مقارنها بنفسي مع طالبين على الماسنجر يعني
____
انا تكلمت عن فانكوفر .. انت الحين رح شف اسعار اللي بامريكا ثم قارنه ( طبعا مهمه تعرف كم ياخذون مكافاه بالدولار الامريكي )
علشان تقارنها باسعار اللي يشترونها ( بس اذا كنت بتجي على حسابك فهو مهب مهم .. والله يعينك لان هينا صراحه لازم تشوف بعينك ان العشرين دولار كندي عندك زي العشرين ريال سعودي .. يعني مهب تقول العشرين دولار =75 ريال سعودي< يؤ بدفع على عشاء لحالي بـ 75ريال !! .. ) وهينا الواحد يحمد ربه ان الوزاره موفره للواحد 2700 < وللمعلوميه ال2700 99% من الطلاب تخلص قبل نهايه الشهر بيوم بيومين *_^
فانا حطيت كل اللي اعرفه ترى لي شهر فيذا فاعذرني على القصور . .
(عادل الماجد ) ونعم بالماجد كلهم ؛ ان كانكم انتم يالماجد اللي تعرفون اهل القصب علمنا ,, علشان تكون لك عنايه (خاصه ) في الدول الاجنبيه < *_^
رد: احتاج مقارنه بين امريكا وكندا وش الافضل للدراسه ؟
نفس المقارنه بين بي ام دبليو ومرسيدس
رد: احتاج مقارنه بين امريكا وكندا وش الافضل للدراسه ؟
رد: احتاج مقارنه بين امريكا وكندا وش الافضل للدراسه ؟
انت تـقـآرن بـين أفضـل دولتـيـن و أفضلهم في المعيشة والشـع ـب و تعـآملهم والأسـع ـآر تخ ـتـلف على حسب الولآية لكن كندا أغلى حبة
نج ـي نتكلـم على التصنيف العالمي مـو وجهة نظر تنقال ولا مـع الطير ياللي , , و التصنيف :-
1 \ أمريكـآ
2 \ كندآ
3 \ بريطانيا
4 \ استراليا
رد: احتاج مقارنه بين امريكا وكندا وش الافضل للدراسه ؟
اقتباس:
المشاركة الأصلية كتبت بواسطة yummi
نفس المقارنه بين بي ام دبليو ومرسيدس
وش جاب القمر للبقر
المرسيدس افضل بكثير ولا هناك وجه مقارنه بينهما
وعقبال ماتكون على واحده منهم
رد: احتاج مقارنه بين امريكا وكندا وش الافضل للدراسه ؟
اقتباس:
المشاركة الأصلية كتبت بواسطة دونت ووري
وش جاب القمر للبقر
المرسيدس افضل بكثير ولا هناك وجه مقارنه بينهما
وعقبال ماتكون على واحده منهم
الحمدلله :smoke:
رد: احتاج مقارنه بين امريكا وكندا وش الافضل للدراسه ؟
عن تجربه
اقولك امريكا...
وابعدي عن الاشاعات اللي يقول لك كندا تدرسيهم احسن وكندا ووو...ألخ ترى كله نصب واحتيال...
وامريكا كل امورك تساهيل..ان شاء الله