بسم الله الرحمن الرحيم
ما ادري ايش اكتب و ايش اترك
لكن بقولكم الي عندي .. واتمنى نناقش القضية بود واحترام
انا أسكن مع عائلة ( ولا أحب شي اسمه طلعة تغيير جو ) .. يا TV يا كمبيوتر
وعندي بالسكن بنت من روسيا في عمر المراهقة
(الحمدلله (الحمدلله يا رب ) أول ما جت البنت للسكن .. ما خلتني انام .. تسمع اغاني والصوت عالي وفاتحه باب غرفتها .. رحت لغرفتها الساعه 2 بنص الليل وقلت لها احاول انام بليز .. ومن بكرى كلمت العائلة عن الي صار وكلموها )
ومن بعد السالفة والعلاقة ((ثقل)) الحمدلله والشكر لك يا ربي
على العموم
انا عند العائلة من 7 أشهر .. وجاء 3 سعوديين (( بالتناوب)).. كل واحد شهر ويغير
على العموم .. تصدقون !!
اي واحد يجي يحاول يلتصق في البنت هذي ويعزمها واسمع بليييز ومن الخرابيط
والله ما أكذب عليكم .. لا لا .. ما أحد قالي .. انا الي سمعته
غرفتها قريبة لغرفتي .. وانا 24 ساعة بغرفتي
ومرة .. جاء واحد وجايب صديقه .. واسمع صديقه يقول يالله وينها !!! .. يتعازمون على شوفتها ويتفاخرون فيها
اللهم أسألك شوفتك وشوفت رسولك محمد صلى الله عليه وسلم
استغفر الله .. استغفر الله ..
لا تحسبونني أتجسس .. انتم تعرفون البيوت .. خشب والصوت يكون واضح
والي قهرني قبل شوي .. طلعت للبقالة عند البيت واشوف واحد (سعودي) مو ساكن عندنا .. لا لا .. أول مرة اشوفه
يوم شافني .. ياخذ الجوال ويحطه بإذنه وكأنه ما انتبه لي ويغطي وجهه
وقلت يمكن مضيع الرجال .. انا دخلت البيت ودخلت غرفتي وما دريت انه مواعد الروسية
دخل عندها وتكلموا وطلعوا برااا .. يعني أكيد ما راحوا لمنتزة يجلسون او ما راحوا يتعشوا والوقت منتصف الليل
ياخي هذا مو عيب .. لا لا .. هذا لا يجــوز .... لا يجوووز .. هل ترضاه لأأختك لأمك .. او نسيت ان هذا دين
انا ما كتبت الموضوع الا من القهر الي فيني والله
استغفر الله .. ياخي استر على نفسك .. تزوج والملحفية راح تصرف عليك
مو تروح تدور الحرام .. وتدفع على حرام .. واخر الشهر تقول المكافاة ما تكفي
او يجيك واحد .. يقول بغير معهدي لأن كله سعوديين ..
ما أحد ضربك وقال صاحبهم
الاسبوع الماضي .. كان فيه اجتماع بمعهدنا ومسابقات و و
مر أحد الطلبة السعوديين من عندي وقال .. (عطهم جوهم يا رجال) .. كلمتين فقط
ما أحد قالك اجلس .. ليه ما نمت وأخذت جوك .. احنا جايين نتعلم والملحقية تدفع .. وتقول عطهم جوهم !!!
هذا خطأ .. قل خيرا او اصمت ...
بكل بساطة انا مشيت وتركته .. الصديق الصالح وصديق السوء تعرفه من كلامه
او يجي واحد جديد باللغة ويجلس مع احد الطلبة من الغرب ويدرسه أحد أقبح واوصخ الكلمات بالعربي
اول ,, تعلم تنطق اسمك بالإنجليزي صح وبعدين درس
انت جاي باسم .. مسلم .. عربي .. سعودي .. ما أحد يشوف اسمك هنا .. هنا يناظرون ايش دينك ومن وين !!
او يجيك واحد (والله ما يعرف يقول كم الساعه ومستواه 1 ) ويحاول يتعرف على احدى بنات المكسيك من المستوى الثالث
وبالصدفة اسمع صديقه يقول .. هاه وافقت !!!!
((البعض)) اذا سمع بعثة .. يفكر بالوناسة والإنفتااح فقط ..
ما همه ايش مستقبله .. ولا همه ايش مستوى جامعته على العالم
اترك لكم التعلييييييييق
ما عليش على الاسلوب .. لكن والله من القهر الي حاصل
ببساطة إجمع الملحقية ما تدفعه لك في سنة واحد وشوف كم .. ببساطة كم سعودي يريد البعثة ولكن توفرت لك
اسف .. واسف .. واسف
على الاسلوووب والأخطاء الإملائية
ولا تحسبونيي مطوع و و (وهم على راسي) .. لكن اعرف لما أتيت لأجله وأعرف الخطأ من الصح
محبكم دوما وأبدا .. محمد فانكوفر
