عرض للطباعة
السلام عليكم ورحمه الله وبركاته..
الملحقيه معتقده انه بقطع المكافأه بتنحل المشكله !!! الملحقيه ابلشتنا بقرارتها المتجدده والغريبه !!! قسم بالله لو الملحقيه تخلي الشعب في حاله كان نصفهم متخرجين !!!
المبتعث لما تقطع دخله الوحيد في بلد الغربه وش تتوقع منه !!! انه بيجلس في شقته وبيشد حيله في الكتب وبيقطعها من المذاكره !!! الا بتشغل مخه وبتضيعه اكثر ماهو ضايع !!!
أنا ودي أسأل هل يسمح للملحقيه بقطع الراتب على المبتعث في بلد الابتعاث !!! هل هناك دستور ينص على هذا الشي ؟
انا اللي ودي اعرفه اساسا يقطعونه وبعدين ؟!!
يعني فيه أمل يرجع لك الصرف ولالا؟!!
ويوجد لديهم قوانين جديدة الآن معقدة وغريبة خصوصا بالكلآسات المقررة صباحا هذي قانونها عجيب ..
والله يستر علينا ويوفق بس إن شاء الله ..
والله يالحن المطر ... كل واحد يشتغل من راسه .. انا ماعادت تفرق معي رجعت السعوديه ولا اجلس في كندا .. انا الحمدالله ماقطعوا على الراتب .. بس انا طلبوا مني اني اغير الكليه بعد ماخلصت اللغه عندهم وكنت راح ابدى تخصصي على سبتمبر .. الحين قالوا شف لك قبول .. او ادرس بالكليه الي انت فيها سنه وبعد السنه غير على جامعه .. تخيلت كيف التحطيم
السلام عليكم
المفروض نسأل هذا السؤال للملحق صح كلامك يعني اذا قطعو من الطالب المكافأه شنو يستيفيدون بالبلعكس راح احطمه وخليه يرجع السعوديه عاطل باطل وبقل عدد الطلاب المتخرجين يمكن هذا ألي تبيه الملحقيه ؟؟!
اخوي العجمي .. فيه ناس تقطع مكافأته من ثاني يووم تنتهي المده .. في ناس كل ماخلصت مدته .. يتم فتح له ملف كأنه مبتعث جديد أو يتم تحويله لدوله اخرى ويتم فتح ملف جديد له ومكافأه بدون انقطاع ... اذكر مره واحد قال "لو لا الحياء ولا كان رسلت لهم فواتير المطاعم " يتم تعويضه تقريبا عن كل شي يصرفه تقريباً.. واكيد ماتخفى عليكم لانهم متواجدين في جميع المناطقاقتباس:
المشاركة الأصلية كتبت بواسطة فانكوفر العجمي
ياشباب الله يعينكم،
انا أبى أعرف المرشدين وش قاعدين يسوون، ليش الكلام هذا مايكون من بدرى ويكون فية توجية للطالب المتكاسل او اللى عندة مشكلة ، ويحاول المرشد يوجة الطالب بطريقة صحيحة ويعطية من الخبرة اللى تنجحة.
المشكلة ان المرشد ماتعرفة الا اذا بغيت ضمان مالى علشان الكلية
هذا اللى انا اسمع من أكثر الشباب!!!!!!!!!!
الملحقيه شغل واسطات وقلة حيا
عندكـ واسطه يمشي وضعك
غير كذا بتاكلها
اللحين بعلمك شلووون غباء الملحقيه شلون وان شغلهم واسطات وياخذون حق غيرهم
انا مرافق لاختي ومعطيني من الرياض تذاكر ذهاب وكل شي مقضين موضوعي
تخيل يوم جيت امريكا قالو المبتعثه مالها مرافق ههههههههههههه طيب كيف صرفتو لي تذكره ؟؟؟؟؟؟؟؟؟
الله يعين بس انت مقطوع راتبك وانا ساحبين علي =( ولي شهرين
حسبي الله عليهم من هنا ليوم الدين
حسبنا الله ونعم الوكيل
أولاً كلم الملحق وشف علمه قال مادري
برقية على وزير التعليم العالي
بشرط ان ماتكون مسوي لك شي يعني رافعين بك غياب او شي آخر
ما نقول غير الله المستعان
والله يا جماعة الخير الحين كملت شهر وانا كل يومين متصل بالملحقيه اترجاهم يرسلوا الصمان المالي لمعهد جامعة يورك...
لاني خايف يقفل التسجيل
وانتم عارفين جامعه يورك في اخر الدنيا ومشوار ساعه،، واضطر لو رحت اراجع المعهد باني اغيب عن معهدي الحالي الي كارهه...
وفي كل مرره اتفاجئ بان الملحقيه ما ارسلت الضمان المالي،،، يعني مو معقل الجامعه راح تصرفني او تكذب علي...
وارجع اتصل وعاد انتم عارفين الصفيف والانتظار على السماعه ويرجع ويقولي مرره ارسلت ومرره ما ارسلت ومرره يقولي الحين راح ارسله ومرره يقولي انا ما بيدي شي لازم انت من موقع الملحقيه تسوي طلب ضمان مالي،،، ولما اقوله يبن الحلال سويت ١٠٠٠ طلب ما يصدقني....
لكن الله كريم يجيب مطر ويزوج الحريم