ساعدوني الله يخليكم ،، بخصوص الإلتحاق بالبعثه في كندا [ عدة استفسارات ]

السلام عليكم ورحمة الله وبركاتة

أنا شخص أريد الدراسة بالخارج وبالتحديد كندا << للأسف بريطانيا مستــحييله ...!

عندي عدة استفسارات أرجو منكم الاجابه عليها /

× أصحاب الحاله المادية الصعبة هل يستطيعون الخروج على حساب الابتعاث مباشرة ؟
حتى ولو كان يتملك شهادة الايلتس بدرجة ممتازة واللتي تعفيه من دراسة سنة اللغه ؟
هـل الواسطة تمشي في الأمور هذي ،
يعني تعرفون ناس بالواسطه قدر يطلع مباشرة على حساب الحكومة ؟ << لأن حالتي لا تسمح لي وعندي طموح وأنا قدها ان شاء الله .

× يا ليت تعطوني رابط يشررح لي - من الصفر - جميييع الخطوات التي أتبعها لأكون طالب مبتعث في كندا مثلي مثلكم ؟

× يا ليت بعض النصائح من المجربـين ـ تفيدوني فيها ..! ولكم جزيل الشكر والعرفان

منتظر ردودكم .....

ردوا علي يا ناااااس :(

ماني متاكد من قصة الالحاق الحين وانت بكندا كم تطول لكن اسمع انها ما بين اسابيع قليلة لشهرين او ثلاث ،، عموما عندك خيار انك تمر على الوزارة وتكلم العطية نائب الوزير وتثبت له انك جاد وانك مخلص ما تحتاج اللغه ولو جبت قبول نهائي من جامعه كنديه هذا بيخلي امورك اتوقع سهله ... لانك بتكون بوقتها من جد خالص بالتوفيق .... < القبول عن طريق المكاتب التعليمية .... اسآل الطلاب عنها الله يوفقك

السلام عليكم ورحمة الله وبركاته

الاخ الفاضل (( very sad )) اسأل الله لك التوفيق والنجاح

بخصوص استفسارك بارك الله فيك ،، وضعك مميز والسبب

ان اغلب الطلبة على حسابهم الخاص يتكبد الكثير من الخسائر

خلال دراستة اللغة واحراز الدرجه المطلوبة ،، بينما انت لديك

هذا الشرط والذي يسهل لك قبول الجامعات !! فلما السؤال ؟؟

ولما انت الى الان تقراء هذا الرد ،، عجل في التقدم للجامعات

الكندية بارك الله فيك وعند توفير جميع المتطلبات واهمها الدرجة

المطلوب في احد اختبارات المعيارية للغة الانجليزية ستجد القبول

سهل جدا وخاصه لمرحلة الـ(( Bachelor )) ومن ثم عليك مراجعة

الوزارة في العاصمة والتقدم بطلب الالتحاق بالبعثة ،، فما رأيك بهذه الخطوات

والتي من الممكن ان تيسر لك القبول والانضمام قبل السفر وتكبد الكثير من الخسائر

وان لم تتضح معك اي نتيجه ستجدني هنا في انتظارك وتوجيهك للخطوات المتعددة

لكي تصل لمبتغاك ،،، بالتوفيق والنجاح

أخوي الشمري كلامك عسل وفرحتني صراحه

دكتور تورنتو قل آمين ، الله يوفقك ويغفر ذنبك ويفتح لك باب الخيرات

والله نوعية الناس اللي مثلك يستاهلون العيون وما فيها

كلامك أثلج صدري جدا جدا ،، يعني المطلوب أجيب القبول وأجهز أوراقي مع درجة الايلتس وأتوجه على الوزارة ، وان شاء الله يضموني قبل السفر

يا بعد حيي انت ،، يا ليت ترسل لي إيميلك على الخاص احتاجك والله

ربي يفرج عليك همك وغمك ويوفقك وين ما كنت

انتظرك على احر من الجمر

أسأل الله لك التوفيق

انا عندي نفس المشكله

طموحي الابتعاث ولكن

لما قرأت الشروط حصلت واحد مومنطبق علي

درجتي في الثانويه 98

وفي القدرات 72

والتحصيلي 72 ...... وهنا انا انصدمت لانه حصلت المطلوب 77 هل هذا معناته خلال مافيه بعثه ؟؟؟


بلييييز اخواني الي عنده خلفيه او معلومه يساعدني

^^^^^^^^^

اخوي هذي شروط الابتعاث بالمعايير الجديدة ( وليس الالحاق )

اول كانوا يبتعثون الطالب مباشره من هنا على حسابهم ( لكل التخصصات )

الحين لا .. اذا تبي على حسابهم لازم تدرس سنة انجليزي على حسابك وبعدها يضمونك ((( أو ))) تطلع بهذه الشروط في التخصصات الطبية بس ....! يعني لو تبي تخصص طبي يطلعونك لكن بهذه الشروط ،، لكن الالتحاق لا شرطه انك تجتاز السنه وبعدها يضمونك بدون مشاكل ان شاء الله

أخي العزيز بأعطيك طريقة الألحاق في البعثة عسى أن ينفع ربي
تجيب قبول لغة وجامعة أول شي
تاخذ الفيزا
تجي لبلد الدراسة وتفتح ملف وبعدها تنتظر تقريبا 3 شهور
وأن شاء الله راح يوفقك وتلحق

اقتباس:

---

المشاركة الأصلية كتبت بواسطة very sad

^^^^^^^^^

اخوي هذي شروط الابتعاث بالمعايير الجديدة ( وليس الالحاق )

اول كانوا يبتعثون الطالب مباشره من هنا على حسابهم ( لكل التخصصات )

الحين لا .. اذا تبي على حسابهم لازم تدرس سنة انجليزي على حسابك وبعدها يضمونك ((( أو ))) تطلع بهذه الشروط في التخصصات الطبية بس ....! يعني لو تبي تخصص طبي يطلعونك لكن بهذه الشروط ،، لكن الالتحاق لا شرطه انك تجتاز السنه وبعدها يضمونك بدون مشاكل ان شاء الله

---

اخوي مين قال سنه
ألانضمام مابين شهرين الي ثلاث اشهر وهو مضموم بالبعثه بأذن الله
والمجال مفتوح في أمريكا وكندا
بالتوفيق