خطوات للنجاح الاكاديمي والحصول على اعلى الشهادات من كندا او غيرها - من خبرتي

السلام عليكم ورحمة الله وبركاته

حبيت الخص خبرتي كطالبة دراسات عليا في كندا في نقاط ارجو منها الاستفادة للطلاب الجدد او الذين مازالوا في مقاعد الدراسة او الذين يخططون للدراسة في المستقبل ان شاء الله
وحتكون عبارة عن نقاط شاملة الحياة الدراسية والغير الدراسية تصب في النهاية لمصلحة الطالب

1. اولا اذا رغبت وباختيارك السفر الى خارج المملكة الى كندا او دولة اخرى, واشدد على كلمة باختيارك, ان تكون مستعدا لتقبل الاخر بمختلف اشكاله واحترام الاخر مهما كان طريقة تفكيره. فكما الاشخاص حواليك تقبلوك كما انت (مسلم - سعودي - عربي) عليك ان تتقبل الاخر كما هو. للاسف المجتمعات العربية وليس فقط المجتمع السعودي يركز على انتقاد الاخر (شوف هذا ايش لابس - شوف استغفر الله هاذي كيف عبايتها) وفي الغالب انتقاد هدام او انه لايقدم او يؤخر. لو كل انسان انتقد نفسه ليحسن نفسه للافضل, كان مجتمعنا مختلف عما عليه الان. اذا سألك احد رأيك اعطيه انتقاد بناء محترم constructive criticism

2. من اكثر اسباب عدم توفق الكثير من الطلاب والطالبات في اكمال الدراسة وهي ظنهم انهم في اجازة وليس مهمة دراسة. ليس المعنى انه فيه مكافأة معناته كل شوية والثاني نازل السوق واتمشى واتعشى واهمل الدراسة اللي ابتعثت من اجلها. ليكتشف الطالب يوما ما ان المكافاة وقفت عليه اما لسبب عدم التزامه بالحضور او اخذ الفرصة في التمديد حتى انتهاء المدة المحددة من غير الحصول على اي قبول او او
خليني اقولها بالعامي احسن: انسى دراسة السعودية, انسى انك ماتفتح الكتاب الا ليلة الاختبار, انسى انك تسوي بحث نسخ ولصق من النت وانتيهنا وتسلمه كأنك كاتبه بيديك الكريمتان
ذاكر مو لانه غصب عليك لانك اخترت البعثة عشان تدرس وترجع باحسن الشهادات وللاسف الكثير نسي هذا الشيء
اغلب الطلاب اللي حواليك يشتغلوا ويدرسوا عشان يقدروا يسددوا حق الدراسة, قليل جدا اللي اهلم يعطوهم فلوس. انت في نعمة انك ماتحتاج تشتغل, لكن مو معناته تهمل دراستك وتخليها اخر شيء تفكر فيه

3. هناك الكثير من المعوقات تواجه الطالب, وهنا انا لااتحدث عن الملحقية (لانه هذا موضوع لوحده). انما اقصد هنا الناس اللي حواليك الطلبة, الزملاء, المعلمين
في ناس راح يحبطوا من معنوياتك وحيقولك مستحيل تنجح, مستحيل تعدي. لا تنهار لاي كلام من هذا. كله تحبيط مقصود. راح تلاقي ناس ماتحبلك الخير بسبب او غير سبب
المهم انك تاخذ المواقف هاذي وتخدمها لصالحك, تاخذها كتحدي انك تجيب احسن العلامات وتنجح احسن نجاح, وهذا بيكون اقوى رد في وجه اللي اسألك من البداية

4. لا تنسى تذكر الله وان تلجأ لله, لانه هو في النهاية اللي بيكون معاك في كل مكان وزمان. لاتنسى ذكر الله لانك في مكان لايذكر فيه اسمه
ربنا اعطاك الافضلية انك ولدت مسلم وعرفت الله من يوم وانت صغير, غيرك تايه وضائع لايعرف الله حق معرفته نسئل الله الهداية للجميع

5. استخدام اللغة الاستخدام الصحيح. هناك قواعد في اي لغة يلزمها المجتمع على المتحدث, فمن واجبك كمتعلم اللغة انك تستخدمها في محلها مع اي شخص حتى تمثل نفسك باحسن مايكون
ماتبغى تروح عند معلمك وتقول (hey dud, whattsup) او استخدام بعض slang مع المدرسين او الاشخاص اللي اكبر منك في السن
حاول تتعلم من الطلاب اللي حواليك وخاصة اذا انت في مرحلة الجامعة, هذا الشيء راح يفيدك تتكلم زي الكل مو مرة formal او مرة informal

6. لازم يكون عندك حسن استماع والقدرة على المناقشة باحترام. من الاشياء اللي موجودة في مجتمعنا الجدال او حتى المضاربة بالكلام لو كان في اوجه اختلاف
هنا في كندا الموضوع مختلف. انت كطالب حتلاقي نفسك في نقاش مع مدرس اللغة, مع الطلاب , مع ناس تقابلهم بره الجامعة , مع مشرفينك في الجامعة لو انت طالب دراسات عليا
ادي فرصة للشخص او الاشخاص اللي حواليك يتكلموا وحلل ايش بيقولوا وجاوب على قد محور الحديث. اذا اختلفت في الاراء مع احد تقدر تقول ببساطة عبارات زي
I kind disagree with you - I am not sure about this - So, what do you think about this
عادة في مرحلة اللغة يعلموك هاذي المهارات و العبارات واذا مااعطوكم هي مافي احسن من جوجل

7. هاذي النقطة اكثر شيء لطلاب الدراسات العليا. المشرفين يحبوا الطالب المجتهد اللي يحط وقت وجهد في بحثه. يبغوا الطالب يجيب افكار جديدة, يبغوا يشوفوا الطالب يطلب يطرح افكاره في برزنتاشن على الكل. يبغوا الطالب يبادر ويسألهم ويراسلهم مو هما اللي يجروا وراك. حاول كمان تكون في نفس مودهم, يعني لو يبغوك هاذي الاسبوع تركز على الكتابة اكتب, لو يبغوك في المعمل تشتغل روح المعمل وخليهم يشوفوك تشتغل

8. اطلب المساعدة اذا مافهمت شيء. المدرس و الدكتور المشرف ياخذ راتب عشان يساعدك طول فترة دراستك. اذا عندك سؤال ابحث في البداية بنفسك واذا مالقيت الاجابة روح اسألهم وقلهم انك بحثت ومالقيت الاجابة. في بعض الاحيان تحتاج تسأل زميل المكتب او زميل المعمل , لاتتردد تاخذ موعد وتسأل (الموعد علشان هم كذا نظامهم يقدسوا وقتهم)

9. زي مامهم تحافظ على لغتك وسلوكك كطالب, مهم انك تهتم بنظافتك الشخصية ومظهرك العام. اعتبر نفسك في مهمة وهاذي الحقيقة انك بتمثل شخص مسلم ثم سعودي

10. روح وعيش في المكتبة نص يومك. مو شرط بالضبط هاذي المدة, انما القصد انه المكتبة فيها مصادر كثيرة وهاذي فرصتك تستثمر فيها
في مرحلة اللغة راح يساعدك كثير انك تروح لقسم الصوتيات وتسمع لافلام وثائقية (انا شخصيا استفدت كثير منها)
غير كم الكتب اللي تقدر تقرأ فيها, في الابحاث العلمية المنشورة. اذا منت طالب في الجامعة لازم تدفع رسوم حتى تقدر تشوف البحث العلمي على النت او يرسل على بريدك
لكن طول منت مسجل منتظم في الجامعة, من حقك تقرأ الابحاث العلمية قد ماتقدر مجانا وتنزلها على جهازك
في مجال دراستك, مهم انك تكون مطلع على اخر الابحاث حتى تناقش وتجادل غيرك في نفس المجال

11. الغش العلمي او plagiarism: زي ماذكرت في نقطة سابقة على طريقة النسخ واللصق, هنا مافي هاذي الكلام لا في اللغة او الجامعة
طالما انك بتكتب بحث, او بتسوي برزنتاشن او او واقتبست شيء او استخدمات صورة او او كله لازم تكتب المصدر
في مرحلة اللغة يعلموك كيف تكتب المراجع وطريقتها
ولو ننظرلها من ناحية ثانية: احنا مسلمين والاولى اننا مانغش من غير المسلمين

12. لاتنسى انه في كل جامعة يوجد مركز يساعد الطالب من جميع النواحي (اللغة - النفسية - الاكاديمية) يعني لو واجهتك مشكلة او احتجت احد يساعدك في الكتابة وانت في مرحلة الجامعة تروح لهذا المركز وان شاء الله راح تلاقي احد يساعدك. المركز كمان يوفر دورات مثل time management workshop وغيرها لتساعد الطالب


هذا مافي بالي الان. لو نسيت شيء راح ارجع اضيفه هنا. واذا احد عنده اضافة ممكن يضيفها
وبالتوفيق للجميع لما يحبه ويرضاه

بكل امانه لايسعني الا اقول لك ياسيدتي واستاذتي شكرا.. كلام من ذهب وجميل جدا ونصصايح ولا اروع.. وبالعكس صراحه عندي حب لذيذ للاستماع للغير. واستفدت من كل كلامك بكل امانه. الشكر موصول لك مع كل الاحترام الله يعطيك العافيه.. اوافقك الراي بكل كلمه.

ثلاثة اشياء اساسية .. ١- التوكل على الله.
٢- تحديد هدف معين.
٣- السعي في تحقيق هذا الهدف.

تحياتي ...

LIKES+

واود ان اضيف نقطة مهمة عن دراسة اللغة
- للاسف البعض يظن بان التحاقة بمعهد وحظوره للحصص كاف لتعلمه اللغة ويأتي بعد عام ويشتكي ويتباكى بانه لم يحصل على الدرجة المطلوبة في اختبار اللغة , تعلم اي لغة هو مجهود شخصي في الدرجة الاولى والالتحاق بالمعد ماهو الا عامل مساعد . تعلمك للغة يجب ان لا يقتصر على حظورك للحصص وادائك للواجبات فقط واستغل وجودك في دولة لغتها الاولى هي الانجليزية . اقرأ الصحف المحلية شاهد البرامج التلفزيونية حاول التحدث مع الاخرين حاول ان تتعلم بنفسك حاول عزل نفسك عن لغتك الام قدر المستطاع .

مشكوره ويعطيك العافيه

مشكوره وربنا يوفقك

جزاك الله الف خير موضوع جداً رائع وجزاك الله الف خير ’’ وهذا هو الصحيح ’’التوكل على الله واهم شي اهم شي(( الصبـــر)) مفتاح الفرج ’’آصبر على الدراسة وتعب الدوام وتعب الدروس والكتابة ...... ربك ماينسآك يسهلها لكـ ويوفقك ويزيدك آيماناً وتعليماً,’’
لكل **هدف** لازم اول شي توكل على الله. ثم تعب +عمل + صبر كما ذكرت+ اجتهاد = الوصول له + السعادة النفسيه...وآخر شي وليس أخراً (** أحمد الله واشكره على كل شي**)) صابك خير احمد الله . صابتك مصيبه احمد الله وادعه يفرج همكـ....,’’ وآسف على الإطالة’,’’’ تحيآآآآآتي لكم ْْْْ ^_^

الله يجعل التوفيق حليفك و أحبابك

جزاك الله خير والله يسهلها لنا يااااارب ونرجع بشهاداتنا في التخصص اللي نحبه ونطمح له

والله نصائح وكلمات من ذهب .. لو إتبعناها لأصحبنا أفضل أمة .. نحياتي لك أختي الفاضلة