أفيدوني ،، ربي يفرج همومكم ( شهادة الخبرة من المؤسسات والشركات الخاصة)،، ؟؟؟

السلام عليكم

اتمنى من ذوي الخبرة يفيدوني الله يجزاكم الجنه بأسرع وقت ،، لان الموضوع مايتحمل التأخير



انا بعد تخرجي،، اشتغلت بمؤسسة خاصه غير حكوميه (كمترجمه ومدربه لغه انجليزيه لطاقم العمل بالمؤسسة تقريبا لسنه)

وبعدها انشغلت بالبعثه،، ونسيت أخذ شهاده الخبرة

والحين ابغي ألحق التقديم اللي بسبتمبر واقدم للجامعات كل أوراقي


راسلت المؤسسة ،،
ووافقوا طبعا يخلصوا لي أوراقي بأسرع وقت ،، وكان صاحب المؤسسه مرن لأبعد الحدود الله يجزاه خير


سؤالي :

عن صيغه شهادة الخبرة خصوصا للمؤسسات والشركات ،، هل الأفضل تكون على شكل نقاط وموضح فيها كم ساعه اشتغلت وووو


ولا الأفضل انها تكون على شكل باراقراف


ابغي الافضل عشان اشترط عليهم << تمون الأخت ^__^



<< تكفون ماأبغى نماذج من النت ،، أبغى الافضل من تجاربكم




وسمعت انو بعد مايكفي ختم المؤسسة لانها خاصه مؤ حكوميه لازم اختمها من الغرفه التجاريه ووزارة الخارجيه
<< أبغى كلام أكيد الله يجزاكم خير ،، ماأبغى اخوي يضرب مشوار ع الفاضي


وبالنسبه للترجمه
هل أترجمها من مكتب معتمد بكندا ،، ولا الافضل أترجمها من مكتب معتمد بالسعوديه
عشان ترجع المؤسسة تختم المترجمه بعد



بليز أفيدوني
عشان لو تفلسف صاحب المؤسسة على راسي،، ابغي اكون فاهمه شوي




ربي يسعدكم