عرض للطباعة
السلام عليكم ..
انا مقبول بجامعة البترول .. بس اريد ان ابتعث لكندا.. اريد جامعة اقوى من البترول .. جامعة معترف بها قوية بالتدرسيس .. ما بيها صعبة ومعقدة.. بمدينة مستوى المعيشه فيه مو غالي وتكفيني المكافئة فيها .. ناوي على تخصص هندسة بترول اولوية اولى .. اولوية ثانية تخصص هندسة مكيانيكية .. الثالثة هندسة كيمياء .. شكرا .. دمت بخير .. بنتظار المساعدة رحم الله والديك لك دعواتي =)
طبعا انا راح اروح ع البرنامج الملك وراح اغير تخصصي من كيمياء اللى الهندسة
upppppppppppppppppppp
عزيزي ... باعطيك اجابة مختصره عن واقع خبرتي المريرة في كندا .... جامعات كندا معقدة في انظمتها التعليمية ... صحيح ان فيه جامعات قوية ولكنها معقده .... بالإمكان انك تتوجه الى امريكا والى جامعه مرموقه وبنفس الوقت اليست معقده وصعبه .... نصيحتي لك روح امريكا وراح تدعو لي
اذا هو مجتهد وفيه همه وحماس وبإمكانه تحمل الصعوبه في انظمة الجامعات الكنديه الافضل يروح لهااقتباس:
المشاركة الأصلية كتبت بواسطة almmasy911
لان حتى في امريكا الجامعات المرموقه انظمتها التعليميه معقده وصعبه
الافضل انه يروح لكندا بوجهة نظري
في امريكا راح توجهه مشاكل كثيره
-اذا راح لجامعه مستواها عالي التعقيدات والصعوبات نفس الجامعات القويه اللي في كندا
-مشاكل المعيشه لان الجامعات القويه تكون في المدن والولايات الغاليه
والمكافأه يادوب تكفي للطلاب اللي بالجامعات والمدن العاديه
- مشاكل المشرفين لا تعد ولا تحصى من كثرة الطلاب وتجاهل المشرفين وكأننا نشتغل وندرس على حساب المشرفين
المشرف مايرد الا بعد فتره طويله او يتجاهل الامر
الهولد صار شي متوقع قبل نزول المكافآه بساعات وبعض المرات ماتنزل وتكتشف ان عندك هولد
مافيه اي تعاون الا بشكل بسييط جدا
ولسببين فقط
المشرف مسكت معه يساعدك او ان عندك واسطه وخايف انك تطيره من مكانه
اول مادخلت الجامعه قالت لي مشرفة الطلاب الاجانب المشرف حقك مايرد الا بطلعة الروح
فاذا بغيت تسوي طلب لازم تتحمل وبعد ماتسوي الطلب تعال عندي واكلم لك المشرف
شوف وهي مشرفة ومعاها شهادة دكتوراه بالجامعه قاعده تحذرني كيف
في احد المرات احتجت تعريف طالب لازم اسلمه جهة حكوميه في امريكا بأسرع وقت
قعدت الاحق المشرف اسبوعين وبعدين جت اجازة الكرسمس وبعدها باسبوع ارسلت له وقلت له اني طالب تعريف طالب
رد علي بالانقليش وقال اولاً لازم تسوي طلب عن طريق البوابه وثانياً ماوصلني منك ايميل قبل كذا
مع العلم اني سويت طلب بالبوابه وجاني الرد بأن لازم اراسل المشرف شخصياً
وقعد يسحبني لين كلمت الجهه الحكوميه وقلت لهم ان المشرف رافض يعطيني التعريف ارجو منكم التعامل معه
وبعدها اتصلوا على السفاره بكبرها علشان بس تعريف لا اقل ولا اكثر
يعني ترى فيه مشاكل كثيره في امريكا
عزيزي .... لازلت اختلف معك .... احنا بكندا جميع الجامعات نظامها التعليمي معقد ... مسألة من جد وجد ومن زرع حصد ... لاتنطبق في كندا لإنك مهما ذاكرت راح يجيك اختبار أول مره تشوفه في حياتك بالإضافة الى ان المعدل سيكون منخفض لو فرضنا انك استمررت بالدراسة بالجامعات الكندية ... أنا ما اتكلم عن جامعات مرموقه من ذات افضل 100 جامعة على مستوى العالم ... يكفي ان تكون من افضل 500 جامعة على مستوى العالم ويتخرج منها الطالب بمعدل حلو ... الجامعات الكنديه ليست بأعلى الترتيبات ومع ذلك جميعها تتحد في مسألة التعقيد ....اقتباس:
المشاركة الأصلية كتبت بواسطة hayway
بعدين كيف حكمت ان الجامعات الجيده توجد فقط بالمدن الغاليه ؟؟
على حسب بحثي الحالي بأمريكا ... ان يوجد بها جامعات في المدن الصغيرة ايضا
من ناحية مشاكل الملحقية ... قد تكون هنالك مشاكل ولكن الغاية أهم من الوسيلة .... أهم شي ان الواحد يحصل على شهادة وبمعدل حلو ... مش ان المهم ان هم يردون عليه ويخدمونه بسرعه وبالأخير جايب العيد في المواد
السلام عليكم ورحمة الله وبركاته
انا لي وجهة نظر في التعليم الكندي
النظام التعليمي في كندا مختلف اختلاف كلي عن التعليم في السعودية . ولي موقادر يتأقلم مع نظام التعليم في كندا يشوف الموضوع صعب ومعقد
احنا والفين في السعودية اعطوك كتاب يعني الاسئلة محصورة في الكتاب احفظ الكتاب تجيب علامات عالية .. في كندا يختلف الموضوع الكتاب مجرد مساعد لازم تبحث لازم تقراء كثير .
الاختبار في كندا يختبر فهمك للموضوع وفي السعودية يختبرمدى حفظك للموضوع وهذا الفرق .. الدراسة في كندا ماهي صعبة ومعقدة .
الدراسة في كندا شديدة يبغالها قرأة كثيرة وبعث عن المعلومة من كل المصادر سواء كتب او النت ..
في النهاية في راسك دراسة روح كندا .. واذا في راسك دراسة مع شوية وناسة وسلا روح امريكا ..
كثير اتخرجو من كندا بمعدلات ممتازة .. التعليم قوي في كندا
وربنا يختار لك الطيب
السلام عليكماقتباس:
المشاركة الأصلية كتبت بواسطة almmasy911
اقنعني او اقنعك،، اقتنعت او ما اقنعتك..
ما تفرق اهم شي لا يكون بالقلوب زعل اوك؟
المهم انا من طلاب امريكا ومن الناس القديمه والصراحه اللي مكرهني فيها تعامل الملحقيه معنا سيء جداً
وزرت تقريباً اغلب المدن الامريكيه
فيه جامعات مثل جامعه في متشقن من الترتيبات العالميه العاليه لكن المدينه جامعيه بحته اقرب سوبر ماركت يبعد عنها 45 دقيقه بالسياره
الناس اللي تنقل لامريكا تنقل تبحث عن الجامعات السهله واللي فيها القبول سهل
انا في جامعه متوسطه وتخصصي طبي ومجبور عليها علشان الجهه اللي بعثتني ولا انا نفسي انقل لجامعه ثانيه
جامعتي في نيويورك وتعتبر من افضل الجامعات من ناحية الكادر الوظيفي
ترتيبها في ال100 الأوله في امريكا
ومع كذا تجيني ايام ابغى ارجع للسعودية واصير كداد من المشاكل اللي تواجهني
فيه مشاكل كثيره لكن ابقول لك كم مشكله سواء من الجامعه او من الملحقيه
-جاني دكتور نظامه يختبر كل طالب باختبار مختلف علشان الطلاب مايغشون
تصدق تجيني اسئله خارج المنهج اساساً وحجته انه يبغى يعودنا على المناهج العاليه
والمشكله الاكبر انه مسؤول القسم اللي يدرسني فيه
-دكتور ثاني اعطانا خطه دراسيه علشان نمشي عليها
تنزل لنا اختبارات ماندري كيف نحلها ونكتشف انها من خارج الخطه ويقول لنا المشكله منكم ماراجعتوا باقي المنهج
-دكتور ثالث درسني رياضيات يجيب لنا مسائل لا يمكن تحلها في ثلاث ساعات من كثر الارقام اللي موجوده في الورقه
والوقت حق الاختبار ساعه ونصف
طبعاً الدكاتره الثلاث اللي فوق ولا واحد منهم يعتمد على نظام الافرج
ولا طالب واحد كان معنا جاب درجه كامله افضل الطلاب خرج B
دكتور خامس اعطانا ورقه مراجعه للاختبار قبل الاختبار
ويوم جاء الاختبار اغلب الطلاب حلو كويس
وسوا لنا نظام الافرج ولكن المشكله اللي كان ماخذ A نزل لB
لانه سوا قاعده مدري كيف وخلا الطلاب اللي جايبين درجه عاليه ينزلون واللي جايبين درجه واطيه يرتفعون
دكتور سادس صيني ويدرسني كيمياء ما اقدر افهم عليه لكن مجبور عليه علشان اعدي الماده واخذ كل الشروحات من الانترنت
-نجي الحين للملحقيه
-مثل ماذكرت يجيك هولد بشكل مفاجأ ولا يجي الا بوقت نزول الراتب
وهذا شي اعتدنا عليه
-عندي مشكله بتسديد الرسوم وتسجيل المواد
المشرف مستقعد لي بشكل غريب
علشان اسجل المواد الدراسيه لازم اجيب موافقة المشرف الاكاديمي بالجامعه ومشرف التخصص ومشرف الطلاب الاجانب علشان طال عمره يوافق
-الطلبات لايمكن انها تتم في فتره تقل عن اسبوع ابداً مهما كان الامر طارئ
-ببداية كل فصل دراسي لازم يجيني انذار بتسديد الرسوم فاقوم ادفع من جيبي الرسوم واطلب تعويضات من الملحقيه بعد مد وجزر
لان المشرف طال عمره ماوافق
-مكافأة التميز محروم منها لان المشرف يقول ان المواد اللي تعطيك عليها المكافأ عددها 30 ساعه تقريباً والبكالوريوس كامل يطلب اكثر من 120 ساعه
فلو احب السماء ماراح تنزل لي المكافأه
-طلبت تذكرة سفر وكنت استحقها والمشكله جاني الرفض من المشرف مو من الملحقيه وعندي اجازه ثلاث شهور وانا ابرجع شهرين
وقال لي اذا بتطلب تذكره من الملحقيه راح احطك على الهولد ومشيت السالفه
-يرفع طلب من نفسه عن طريق البوابه ويرفضه بنفس الوقت بدون اسباب
يعني مره رفع طلب تسجيل مواد دراسيه ورفضه بنفس الوقت بحجة اني ما رفعت الاوراق المطلوبه للطلب
وانا ماقدمت على الطلب اساساً
-يوافق على بعض الطلبات وبعد فتره يجيني رفض
سجلت في ماده بالصيف وتم الموافقه
طبعاً بعد ماصار فيه اتصال بينه وبين مشرفة الطلاب الاجانب
ويوم انتهيت من الكلاس واستلمت الدرجه جاني ايميل من البوابه ان الطلب تم رفضه والسبب اني ما اخذت الموافقه منه شخصياً
ويوم راسلته يقول انا وافقت لطالب ثاني ماوافقت لك والمشكله ان الجامعه كلها مافيه احد بتخصصي بالسنه اللي انا فيها سعودي كلهم تحتي و الباقين متخرجين
والكلاس اصلا ماكان فيه طلاب سعوديين لان كلهم كانوا مسافرين بالاجازه للسعوديه وانا اخذت لي كلاس صيفي
وفيه اشياء ثانيه بعد تصير بس حاولت اجمع لك اكثر شي اقدر عليه صارلي شخصياً
طبعاً اذا عندك واسطه والمشرف عرف عنها لا يمكن يتعرض لك ابدا
فيه وحده من المشرفات اتصل عليها واحد من ربعي يعرض عليه مشكله
الشخص اعرفه معرفه شخصيه مو سالفه واحد قال لي عنها
قالت له عندك واسطه قال لا قفلت السماعه بوجهه
لسلام عليكم ....الدراسة في كندا عجبتني و علمتني الكثير...... انا قاعد ادرس Double major in (Human Resources ) and ( Psychology ) d في جامعة يورك .... اول سمستر كان صعب علي لان المنهج كان جديد و شوي كنت متكاسل، الGPAكان 1.1 .... بعد ما تعودت على المنهج في السمستر الثاني رفعت الGPA الى3.4 ..... و الحين حمدالله الامور ماشية..... لو تبا اعدلك المشاكل معى الملحقية الي انا واجهتها كانت كثيرة، بس لكن المشرف ما قصر ساعدني..... بعد ما سمعت شو الي صار مع هايواي، المشاكل اللي واجهته تنعد تافها خخخخخخخخ...... الله يكون بعونك اخوي،..... نفس ما شرح الاخ اسامة الدراسة في كندا ينعد على معدل فهمك و ليس حفظك..... و انا في الفهم رقم واحد، عشان كذا يالس اجيب معدل، اجتهد و ابدا بنية صافية والله بيسر الطريق لك.
ماشاء الله على ارتفاع المعدل ويعينك ياخوياقتباس:
المشاركة الأصلية كتبت بواسطة صقر العالي
المشرفين مشاكلهم كثيره عندنا والسبب ارتفاع عدد الطلاب والشكاوى والمشاكل بينهم
المشرفين تقريباً ماعندهم رقابه عندنا ومعطينهم الحريه الكامله
اللي ماعنده مشاكل هذا محظوظ جدا ومثل ما قلت يا ان المشرف مسكت معه يعاونك بكل شي او ان عندك واسطه
رجعت للسعوديه واشتكيت المشرف عند التعليم العالي والمستشار انهبل
طبعاً عندي انذار من الجامعه لان فيه الكلاس الصيفي مثل ماذكرت وانا راجع للسعوديه مو في امريكا
وقبل شوي جاني رد من المشرف ولا حتى اعتذر فيها ولا اعترف بالخطأ
بالعاده الردود تكون بالعربي من المشرف لكن اذا كان غلطان يكتب بالانقليزي
وكتب لي تراني قبلت طلب الدراسه بالمواد الصيفيه فقط
طريقة الفهم حتى في امريكا نفس الشيء
اغلب المواد اللي اخذتها تعتمد على الفهم الدكتور يدخل علينا يشرح ويطلع
حتى مادة التاريخ الدكتور ماطلب مننا الكتاب يقول لنا تعالوا سووا لكم نوت والفاينل يعتمد عليك بشكل كامل
الجامعات السهله هي اللي تعتمد على الكتاب او على المذكرات بشكل كلي
ولو تلاحظ هي اللي عليها التكدس والجامعات اللي ممتازه مافيها طلاب سعوديين الا بعد الاصابع
اغلب الطلاب اللي يحولون من كندا لامريكا يبغون جامعات سهله او انهم ماحصلوا قبول جامعي في كندا
المواد الاساسيه مثل الاحياء والكيمياء لازم تكتب معادلات وارقام بالحرف والنقطه علشان كذا تعتمد على الكتب
لكن المواد الثانيه مثل الرياضيات مسموح لنا نجيب نوت بحجم كف اليد باختبار الفاينل والباقي على فهمك للماده
ومثل مادة الصحه يطرح علينا امراض فرضيه ولا فيه عليها كتاب تعتمد على تقييمك الشخصي كطبيب او مشخص
مثلاً قلت لك شخص اصابه ارتفاع بضغط الدم هل تعطيه اشياء مالحه ام اشياء مخفضه لنسبة الملح
او شخص اصيب بشد عضلي وهو يسبح وش المفروض تسوي له
حنا درسنا ان الشد العضلي يحدث كثيرا في المسبح وله عدة اسباب
نقص فيتامينات نفص سوائل عدم الاحماء او اجهاد العضلات بشكل كبير
لكن السؤال عن طريقة التدليك للشد العضلي لكل حالة فيه تدليك افضل مع طرق مختلفه
الشخص اللي باين انه غير رياضي ببديهه تعامله معاملة شخص اجهد العضلات
الشخص الرياضي تعامله معاملة شخص ما سواء تمارين الاحماء
الشخص اللي تحس انه عنده مشكله بالتغذيه تعامله معاملة نقص فيتامينات او سوائل
هذا غير مذكور بالكتاب لكن جانا سؤال باختبار عنه