استفسار بسيط ايش الفرق بين فكتوريا وفانكوفر ارجو المساعده
السلام عليكم
انا ناوي اجي لكندا وادرس على حسابي ومعاي خويي يبي يحول بعثته من امريكا لكندا يعني انا بدرس في معهد وهو يبي جامعه ومحتارين بين فكتوريا وفانكوفر وعندي بعض الاستفسارات لاهل الخبره:
كم تبعد المدينتين عن بعض؟
اي وحده منهم افضل للدراسه؟
اي فيهم ارخص من ناحية السكن والدراسه؟
ايش المعاهد والجامعات الي تنصحونا فيها؟
كيف تعامل الملحقيه وهل في امل للالحاق بالبعثه؟
واذا فيه نصايح زياده اكون ممنون لكم
ومشكورين مقدما وبالتوفيق للجميع
رد: استفسار بسيط ايش الفرق بين فكتوريا وفانكوفر ارجو المساعده
كم تبعد المدينتين عن بعض؟
بالفيري ( باخرة ) تقريبا ساعتين ونص الى 3 ساعات ونص حسب الميناء اللي تروح له. في فكتوريا في ميناء واحد في فانكوفر في عدة موانئ
بالطائرة او الهلكبتر 15 دقيقة
اي وحده منهم افضل للدراسه؟
هذا السؤال لابد نلغيه من عقولنا تماما. مافي شئ اسمه وين افضل للدراسة. كل انسان وله ميوله وجوه الخاص اللي يتأقلم فيه بشكل اكبر, في طلبة كثيرين في المدينتين والكل مبسوط بالمدينة اللي هو فيها.
فكتوريا اكثر هدوئا واجمل من فانكوفر في نظري. ومن وجهة نظري ارى ان فكتوريا اريح لنفسي من فانكوفر. ولكن يختلف معي الكثير.
اي فيهم ارخص من ناحية السكن والدراسه؟
فكتوريا بفارق بسيط.
ايش المعاهد والجامعات الي تنصحونا فيها؟
لو رحت فكتوريا اختار جامعة فكتوريا نفسها
ولو رحت فانكوفر فنصيحتي ان الطالب يدخل في معهد لغة تابع لجامعة . غير كذا لا والف لا. يعني لو رحت فانكوفر عندك اليو بي سي او سايمون فريزر او كوانتلن او كابيلانو او لانجارا او داجلس او دورست. لا تفكر بغيرها او رح تخسر خسارة كبيرة ( من وجهة نظري)
كيف تعامل الملحقيه وهل في امل للالحاق بالبعثه؟
اذا عندك واسطة في امل
لو ما عندك واسطة ولسانك قوي وحنكتك عالية الذكاء وترسل احد من السعودية يشيك على الوزارة ممكن يلحقوك بعد 6 اشهر
لو انسان عادي رح تظطر دراسة اللغة كاملة + 30 ساعة بالجامعة ثم تلتحق حسب القانون.
تعامل الملحقية انت وحظك. اذا كان اللي يكلمك فايق رح يكون تعاملهم زين. بس الغالب ما يصير هالشئ.
تحياتي اخ عبدالله.
رد: استفسار بسيط ايش الفرق بين فكتوريا وفانكوفر ارجو المساعده
الدراسة بفانكوفر أفضل و أحسن بس غالية و مع مصاريف العيشة تغلى أكثر .. بالنسبة لفكتوريا هذه تعتبر جزيرة و رخيصة أما تعليمها متوسط و سكانها قلة .. طبعا المسافة بعيدة جداً .. جامعة برتيش كولومبيا في فانكوفر هي الأفضل انصحك فيها بس همن غالية ..
بالتوفيق
رد: استفسار بسيط ايش الفرق بين فكتوريا وفانكوفر ارجو المساعده
مشكورييييين يا شباب والله يجزاكم خير ويوفقكم
عندي سؤال بسيط عن معهد انجليزي في فكتوريا اسمه king George اذا سمعتوا عنه
كيف هو اوكيه والا لا؟؟؟
والي عنده نصايح زياده لا يرده شي
رد: استفسار بسيط ايش الفرق بين فكتوريا وفانكوفر ارجو المساعده
ايش الجامعات الي معتمده من الوزاره بالنسبه لفانكوفر؟؟؟؟؟