ياناس والله محتار وابي جواب يبرد على قلبي الله يبرد قلوبكم

السلام عليكم

صباح / مساء الخير

اذا ماعليكم امر عندي سؤال ياليت القى له جواب يريحني لاني والله محتار مدري وش اسوي وودي صراحه بكندا بس الفيزا صعبه حيل

ياناس انا بروح عن طريق مكتب 3 شهور وبياخذ مني تقريبا 25 الف ريال وقلت بعد ماتخلص الـ 3 شهور انا ادفع للعائله والمعهد عن طريقي بس المكتب قال اذا تبي 3 شهور بيطلعون لك فيزا سائح مو طالب يعني على الاقل تاخذ مده الدراسه 8 شهور عشان يطلعون لك فيزا طالب واذا اخذت عن طريقهم ثلاث شهور بياخذ علي المكتب تقريبا 70 الف

وانا ودي بكندا عشان التحق بالبعثه بس الفيزا ناشبه بحلقي ومدري وش اسوي

ياليت الي عنده حل يدلني عليه لان اذا مافيه حل بروح نيوزيلاندا وامري لله

تكفى ياللي تدخل فيدني لان مالي الله ثم انت

انا بصراحة ما فهمت منك شي

بس بقولك شي

انا ولد خالي رايح عن طريق مكتب دافعلهم للمكتب فقط 1600 ريال كل شي

وجابوله قبول معهد وجامعة بكندا !!

والحين هو ماله 3 شهور والحمدلله التحق بالبعثة

بالنسبة لفلوس المعهد والجامعة

طبعا الجامعة ما تدفع شي الى لا جيت تبدى دراسة والغالب انك بتلتحق قبل سنة فبيدفعولك الملحقية !!

بالنسبة للمعهد ادفع لشهريين تقريبا حول ال18 الف طبعا مع سكن لمدة شهرين يصير تقريبا 19 الف

وان شاء الله تلتحق

ولا التحقت يعوضونك على كل فلوس دفعتها !!

بالنسبة انصحك بعدة اشياء اسمع وانا اخوك الكلام ودخله براسك اول يوم توصل صورة صورة من الستدي بريميت الاصلية الي يعطونك


اياها في الاميرقيشن وصور صورة من ختم الدخول في كندا

وافتح حساب على طول اول ما توصل من بكره

ولا طلعت اخر شي قلهم ابغى فويد شيك !!

تقريبا ذي كل الاشياء


والله الموفق

طيب وانا اخوك ولد خالك عطوه فيزا طالب ولاسايح ؟

دام إنه جاب قبول معهد وجامعه بعطونه فيزا طالب وللعلم أنا مسافر بعد بكرى ومعاي فيزا طالب ورايح على حسابي وححول على البعثه إنشاء الله بس ترا ما دفعت للمعهد غير 5550 ريال حقت شهر واحد من غير سكن والقبول حق الجامعه والمعهد كلفني 1500 ريال
يعني 3 شهور حول ال16 ألف ريال (( أي إستفسار انا حاضر

طيب كم الفتره الي اخذتها من المعهد هل اكثر من 6 شهور عشان يعطونك فيزا طالب ..؟

لانهم قالوا لي ماتاخذ فيزا طالب الا اذا معك قبول اكثر من 6 شهور واذا كانت اقل يعطونك فيزا سايح

وماتقصر بيض الله وجهك والله يستر عليك ويوفقك

9 شهور مدة القبول حقي بس أفهمني إنت إذا معك قبول جامعه إضافتا لقبول المعهد السفاره تعطيك فيزا طالب

وإذا بتفتح ملف طالب على شان تلتحق لازم قبول جامعه

ايه ياخوك فاهمك

بس وانا اخوك انا عن طريق المكتب باخذ ثلاث شهور وبعد الثلاث شهور خلاص ماراح اتعامل مع المكتب راح ادفع للمعهد والسكن عن طريقي كل شهر

قالي المكتب اذا بتجيب قبول معهد ثلاث شهور راح يعطونك فيزا سايح مو فيزا طالب قال اذا تبي فيزا طالب لازم تجيب للسفاره الكنديه قبول لايقل عن 8 اشهر

عشان كذا انا متوووووووووهق

حبيبي لا تتعامل مع المكتب جب قبولاتك منه وإنت أدفع للمعهد بنفسك والمعهد يأمنلك سكن إسمع مني كذا أرخصلك وأضمنلك

إنت في الرياض ولا وين بالضبط أنا برسلك على مكتب تجيب من عنده قبول المعهد إلي إنت تبيه وغير كذا يجبلك قبول 9 شهور
وإنت لاتدفع إلا حق شهر واحد شامل السكن __ ويوم توصل أفتح ملف طالب وإذا خلص الشهر أدفع حق الشهر الثاني إنت بنفسك يمكن تلتحق قبل ال3 شهور وكذا إنت وفرت فلوس وما فيها توهيقا شغل مخك وأسمع نصيحتي انا طالع مثلي مثل بس بالعقل والتوفير
وأضمنلك بخصوص الفيزا __ الفيزا ترى منت ضامنها بجيبك كل ماكنت أمورك أرتب كل ما ضمنت الفيزا

ياخوي انا بجده

والله اني قاعد احوس وشكلها على نيوزيلاندا بس انا وووووودي بكندا صراحه

الاتحاق صعب في نيوزلاندا وأسهل دوله في الإلتحاق كندا

طيب خلنا نسهل الموضوع إنت خل المكتب يخاطبو المعهد وقلهم أبي قبول من عندك أكاديمي إنجلش مدته 36 أسبوع يعني 9 شهور
بس قبلها جيب قبول جامعه لأنك يوم تقدم على المعهد وتبي قبول 9 شهور بترلهم صوره من قبول الجامعه __ قبول الجامعه
يحتاج منك ( صوره من جواز السفر ويكون جديد_صوره من شهادة الثانوي وتكون مترجمه وعليها ختم التصديق من المكتب_ صوره من شهادة حسن سيره وسلوك أيضا مترجم) وقبول الجامعه ياخذ من أسبوع إلى أسبوعين على حسب تخصصك كل ماكان أصعب التخصص زادت المدته المهم أول ما يوصل قبول الجامعه من نفس مكتبك خلهم يرسلون صوره للمعهد من قبول الجامعه طبعا أتوماتيك
برسلونلك قبول مدته 36 أسبوع يعني 9 شهور بعدها قدم على الفيزا وإذا وصلتك الفيزا بعدها حول للمعهد رسوم الدراسه حقت شهر
واحد لا أكثر أسمع مني هذا أنا سويت كذا وسفري بعد بكرى وخلصت والحمدلله لا تلخبط مخك ترى الموضوع سهل

والمكاتب يقعد يصعبلك الموضوع يبغى يسحب منك الكاش تراني خبرة مكاتب جبت قبولات قد عدد شعر راسك وإذا ضيعت في شي

راسلني على الخاص وأبشر بعزك وما عليك إلا واحد يركبك كرسي الطياره