عرض للطباعة
مرحبا
وصلتني رسالة من مكتب تجسير تقول: نبارك لكم حصولكم على قبول في كندا سيتم لاحقا تحديد المكان والزمان لاستلام القبولات, ونعتذر لن نتمكن الان عن الاجابة عن اسم المعهد والمدينة لحين استلام القبولات.
السؤال: لماذا لا يتم اخبارنا عن مكان المعهد و المدينة؟ عشان نعرف رأسنا من رجلنا ونعرف الجامعات الموجودة بالمدينة؟؟؟
ثانياً: هل هناك موقع لمكتب التجسير أو موقع لنتمكن من الاتصال بهم؟
شاكرة لكم تعاونكم
مرحببا اختي
فيه موقع لهم tajseerksa.com وفي الموقع بتلقين (اتصل بنا) وتحتها ارقامهم ..
انا اتصلت على واحد من الارقام واستفسرت .. (رقم جوال)
قالت لي المسئولة انهم بسوون اجتماع في كل منطقه .. الوسطى الشرقية والغربيه.. عشان يسلمون القبول .. وراح يطلبون مننا نروح الوزاره في الرياض نجيب ورقه نطلع منها الفيزا . اعتقد انها الضمان المالي والله أعلم.. الله يعين
المهم انتي ادخلي الموقع وبتلقين كل شي
بالتوفيق
miss shosho
Thank YOU dear
لاحظي انه قال في الرساله نعتذر عن الاجابه عن اسم المعهد والمكان وكذا لحين استلام القبولات
لانه لو عرفتي اسم المعهد او الجامعه اللي تم قبولك فيه ماراح تكونين بحاجه للمكتب وبالتالي ماراح تدفعين له بقية المبلغ
فهم يحتفظون باسم المعهد والجامعه لين يسلمونك القبول وتدفعين لهم بقية المبلغ
يعني مثلا لو رحنا مكتب عشان نجيب قبول من جامعه وقلنا مثلا بياخذ عمولة الف ريال
500 قبل و500 بعد ما يجيب لنا القبول
ونفرض انه عطانا اسم الجامعه اللي انقبلنا فيها واحنا ما اعطيناه باقي المبلغ
بمجرد اننا عرفنا اسم الجامعه اللي انقبلنا فيها نقدر نوصلها بسهوله وناخذ منها القبول
وبالتالي المكتب بيخسر
فهم ما يعطونك اسم الجامعه والقبول الا بعد ما تدفع المبلغ كامل
طبعا جميع ما سبق كله مجرد تحليل يمكن يطلع كلامي صحيح او يمكن يكون خاطئ
واسف على الاطاله
Ice Tea ,, you are most welcome
Humood هذا قبول معهد مو جامعه .. انا الصراحه مافهمت قصدك كويس.
حنا ماراح دفع لهم .. الوزاره تدفع .. كيف يخسرون ؟
Good Luck to you all
miss shosho
الوزاره تدفع تكاليف الدراسه بالمعهد
لكن تكاليف الحصول على القبول مين يدفعها؟ على حسب معلوماتي اللي يدفعها الطالب
لا اخوي حمود قبول المعهد وتكاليف الدراسه كلها على حساب الوزاره ولا تدفع ريال واحد طبعا هذا اذا كنت مبتعث على حساب الوزاره.اقتباس:
المشاركة الأصلية كتبت بواسطة humood
اذا انت مرافق وتبغا تدخل في معهد لغه هنا تدفع للمكتب فلوس انهم يجيبون لك قبول في المعهد وبعد ما تسافر الي بلد الابتعاث هناك تخاطب الملحقيه ويدفعون لك فلوس دراسة معهد اللغه اذا انت مرافق.
اما بخصوص ان المكتب ما يخبرك في اي معهد الا لما تجي ورقة القبول بإختصار لأن المعهد يرسل اوراقك على كذا معهد في كندا وينتظر اول معهد يوافق على دراستك عندهم طبعا هذا عشان الوقت
وبالتوفيق للجميع ان شاء الله
يعطيك العافيه اخوي بولندي
اخوي انت قلت ان المكتب ما يخبر في اي معهد الا لما تجي ورقة القبول
بس مثل ما تشوف بالرساله اللي وصلت للاخت مكتوب ( نبارك لكم حصولكم على قبول في كندا )
القبول واصل وخالص فليش ما يخبرونها بالمعهد ؟
ــــــــــــــــــــــــــــــ
طيب اخوي الحين قبول الجامعة نفس طريقة المعهد؟؟اقتباس:
المشاركة الأصلية كتبت بواسطة بولندي سدير
يعني الوزاره تتكفل بتكاليف المكتب اللي تعامل معه عشان يجيب لك القبول؟
لان اللي حاصل معي غير وهو اني اول شي رحت لاحد المكاتب ودفعت له مبلغ من حسابي الخاص عشان القبول
وجاب القبول الحمدلله وبعدها رحت الوزارة وعطوني الضمان المالي عشان الفيزه
فهل طريقتي هذي صحيحه؟؟ او اني اكلتها ههههههههه ودفعت من حسابي بينما المفروض الوزاره تدفع؟
الشي الثاني بسألك عن طريقة استرجاع الفلوس من الملحقيه كيف اثبت لهم اني دافع هالمبلغ الفلاني للمكتب؟
ياليت تجاوبني لاني محتاج الاجابه بتفيدني كثير
واسف عالاطاله
القبولات وصلت خصوصا مكتب التجسير وانا مكلمهم شخصيا ومكلم الاخت فرح
كل القبولات تققول وصلت وتختمت من الوزاره
هم ما يبو يقولو المعاهد علشان ما يطيحو في موضوع نبي نغير
نصيحه كل احد حاط عينه على جامعه او معهد يجيب قبول بنفسه ويقدمه في الملتقى او يرسله للوزاره لاعتماده من الحين
ترى لو حطوك بمعهد خايس انت الخسران هم مو خسرانين شي بعد سنه ونص الملحقيه بتقول لك خذ عفشك وارجع بيتك
حاولو من الحين تزبطو القبولات لو قدرتم ولا احد يقول بجي كندا وبعدين اغير تروها حوسه تكون مستاجر وماثث عفش
الكل يحاول انه ما يطلع الا بقبول مشروط من الجامعه لو قدر وعندكم وقت كفايه
اما بالنسبه لدفع فلوس للمكتب فالمكتب ما يحق له ياخذ مبلغ على اي طالب القبولات مجانا
وكمان المكتب ممكن ياخذ نسبه 20 بالميه من المعهد اللي انتم جايينه في كندا علشان كذا شغل البزنس فوق مصلحة الطالب
نقطه اخيره ما تحتاج ورقة الضمان المالي علشان تقدم عالفيزا الكنديه
اسمك عندهم بالسفاره كل اللي عليك تكتب رقم الترشيح عالابلكشن في الصفحه الاولى فوق
للمعلوميه انا شخص مجرب والاجوبه من واقع عشت وليس افتراض او سماع
بالتوفيق للجميع