معاي 15 ساعه مهله بس: احد يعرف اسم البنك اللي نحول له الشيك
السلام عليكم ورحمة الله وبركاته :
احد يقدر يفيدني بالمعلومات هاذي لاني ماني عارفه عن البنك اي شي اللي احول له الرصيد
ابي اسم البنك اللي نحول له مبلغ الشيك وعنوانه ورقم الفاكس والبريد وكل المعلومات عنه
وكم المبلغ اللي نحوله لهم انا وزوجي بس عددنا اثنين
طبعاً الدولة كندا
الله يوفق كل من يعرف معلومه ويعطيني اياها
رد: معاي 15 ساعه مهله بس: احد يعرف اسم البنك اللي نحول له الشيك
السلام عليكم ورحمة الله وبركآته
أختي أللي فهمته منك أنو أنتي تسألين عن أسم اللي تودعين المبلغ حق الفيزه عليه ؟
وأذا كآن كذلك فالأسم كالتالي :
و هو عبارة عن 125 دولار كندي للشخص المفرد .. لفيزا دراسية
يتم استصدار الشيك عن طريق أي بنك .. ويفضّل الأهلي و يسجّل بإسم
THE RECEIVER GENERAL FOR CANADA
وهذا رابط الموضوع , يبي ينفعك كثير http://www.mbt3th.us/vb/forum108/thread150164.html
رد: معاي 15 ساعه مهله بس: احد يعرف اسم البنك اللي نحول له الشيك
ياعزيزتي زي ما اتفضل الاخ وقالك.. المبلغ هوه 125 دولار كندي للفرد يعني مايعادل 470 ريال تقريبا مع عمولة اصدار الشيك..
وبالنسبه للبنك لازم تسويها من البنك الاهلي.. ولازم يكون في لك حساب عندهم عشان تودعي المبلغ فيه وتاخذيه على شكل شيك.. لانهم ما يقبلوا ايداع مباشر من دون حساب سابق.. ولو ماعندك حساب شوفيلك احد عنده حساب في الاهلي وحولي المبلغ عليه وخليه يطلعلك هوه شيك مسحوب على بنك في كندا اسمه
( imperial canadian bank)
عموما الاخوة في البنك الاهلي عارفين كل شيء لانه على ما اعتقد هذا هوه البنك الي بيتعاملوا معاه في كندا.. وكل الاخوة المبتعثين سووا شيكتهم من عندهم.. انتي بس قوليلها ابغى شيك ينسحب على بنك في كندا .. وهيه راح تعطيكي اسم هذا البنك.. واطلبي منها العنوان رغم انه محد سالنا عن العنوان..
الشيك يكون لصالح المستفيد الي ذكره لك الاخ في الرد السابق
واحتفظي بكعب الشيك الي راح تعطيكي هوه مع الشيك وكمان خلي معاكي صورة من الشيك نفسه..
وربي يوفقكم..
رد: معاي 15 ساعه مهله بس: احد يعرف اسم البنك اللي نحول له الشيك
الله يسسسسسسسسسسسسسسعدكم بس زوجي ماراح يدرس هو مرافق يبي يدرس لغه بس اطلبه فيزا طالب مثلي انا ولا فيزا سياحه
رد: معاي 15 ساعه مهله بس: احد يعرف اسم البنك اللي نحول له الشيك
يعتمد على مدة كورس اللغة الي راح يدرسه والقبول حق المعهد. يعن لو هوه حصل على قبول من معهد لغة في كندا.. زي القبول الي عندك.. شوفوا مدة الدراسه قد ايش.. لو كانت 6 اشهر او اقل ماراح يقدر يقدم على فيزة طالب لازم فيزة سائح او انه يطلب المعهد انه يمددله الدراسه كمان 6 اشهر.. لان فيزة الطالب لازم تكون اكثر من 6 اشهر.. ولو ما حصل على القبول لسه (يعني حيجيب القبول لمن هوه يروح كندا) صار لازم يقدم على فيزة سائح لانه مايقدر يقدم على فيزة طالب من دون القبول اصلا.. هذا الي اعرفه واعتقد الاخوة راح يفيدوكي كثير في هذي النقطه..
عموما .. حتى بالنسبه لك انتي .. الفيزة هذي تقريبا عن فترة دراسة المعهد وراح تضطري تجدديها لدراسة الجامعه لان مدتها سنه فقط حسب ما لاحظت في تاريخ انتهاء فيزتي..
ربنا يوفق الجميع