لطلاب الزماله الطبيه في كندا

السلام عليكم

بعثة الملك عبدالله ما تشترط شي من ناحية المعدل
قدمي أوراقك ، و بتشوفين كيف بـ تمشي بإذن الله الأمور ميسرة

،

حاولي تدورين لك وظيفة كونتراكت بمستشفى ، أفضل
لأن الإجراءات راح تطول

،

إذا ما لقيتي كونتراكت ، إنتظري حتى يظهر اسمك من المقبولين إن شاءالله
وغالبا ً بعد العيد ، قدمي على وزارة الصحة واشتغلي ،، لين تستلمين الفيزا بعدين قدمي استقالة
و روحي على وزارة التعليم العالي خلصي أوراقك و تكونين مبتعثة

ضريبة الاستقالة :
ما تقدرين تقدمين على أي وظيفة بالخدمة المدنية لمدة 6 أشهر من تاريخ الاستقالة
إذا رجعتي على ما أتوقع تشتغلين شهرين بدون راتب

،

إذا وصلتي كندا أو أمريكا بـ تروحين دايركت على كابلان :
فيه ناس تختبار الكنديان إقزام و هي بالسعودية
وأنا أفضل تختبرين بعد ما تخلصين كابلان
لأن بـ إذن الله لو شديتي حيلك في المذاكرة بـ تجيبين سكور عالي
والسكور العالي راح يغطي على الجي بي أيه

طبعا ً إذا خلصتي كابلان و عديتي اليو اس ام لي و الكندي أنتي تدورين قبول بنفسك
و لها تفاصيل ثانية ، ركزي الحين كيف تعدي

،

حاولي تجين كابلان قبل مارش القادم
السبب المحاضرات الحية أو المباشرة بتكون في هالشهر
يصير تبدأين ستيب - 2 بقوة
أما لو تأخرتي بعد مارش بـ تدخلين مثلي في معمعة الحيرة ، تاخذين ستيب 1 - و الا 2

هذا اللي يحضرني الحين
من شخص ما له 3 أسابيع واصل كابلان

أي سؤال تفضلي

لك التحية