افضل معهد في مونتريال .. مساعدتكم

السلام عليكم ورحمه الله وبركاته

الله لايهينكم ياحبايبي .. ابي الي عنده خبره في هالامور يفيدني .. ابي افضل معهد في مونتريال وتورنتو
وياليت تعطوني خلفيه عن العايله ( العجوز ) .. وين احصلها فيه ؟؟؟

احسن معاهد للي يبي يدرس بالجامعه هي المعاهد التابع للجامعه سواء بمونتريال او باي مدينه ثانيه هذا للي يبي يدرس بالجامعه

مونتريال فيها جامعتين انجليزي
كونكورديا ومجيل
اسلوب التدريس يختلف لكن بالنهايه كل الاثنين يهئيون الطلاب للدراسه الجامعيه بالانجليزي

رابط المعهد في مجيل
http://www.mcgill.ca/conted/langprg/fulltimeenglish/

رابط المعهد في كونكورديا

http://sarno.concordia.ca/conted/


وبالنسبه لترونتو
ممكن تسوي بحث بالمعاهد الي تبع الجامعه بانك تحط continuing education وجنبه اسم الجامعه
continuing education هذا المعهد او القسم الي يدرسون فيه الانجليزي

وهذا موقع فيه ليسته بالهوم ستيز المتوفره وتقدر تنزل طلب
http://www.montrealhomestaysearch.com/hosts.php?sort=photo_link&beginning=0&ascdesc=DESC


لاتنسنانا من الدعاء بان ربي يسهل ويفرج علينا امور السفر والدراسه المتعطلين

الله يعطيك العافيه ..
بس حبيت اسئلك بالنسبه للمعهدين الي عطيتني .. هي تابعه لجامعه في مونتريال ولا كيف ؟
يعني اسجل في وحده منها وبعدها اضمن الجامعه ان شاء الله .؟!

الله لايهينك ياليت تعطيني رابط مباشر الى رابط المعهد في هالمعهدين .. وياليت تشملها بالجواب على سؤالي فوق

والروابط الي فوق ايه هذي معاهد الجامعات
اول معهد هو معهد جامعه مجيل
والثاني معهد جامعه كونكورديا

مجيل وكنكورديا الجامعتين الانجليزيات في مونتريال

اقتباس:

---

المشاركة الأصلية كتبت بواسطة waleed22

الله لايهينك ياليت تعطيني رابط مباشر الى رابط المعهد في هالمعهدين .. وياليت تشملها بالجواب على سؤالي فوق

---

معليش اخوي مافهمت تقصد الروابط المباشره لبرنامج الانجليزي في المعاهد؟؟

اذا ايه هذا رابط معهد كونكورديا فيه نبذه عن برنامج الانجليزي المكثف وملخص لكل ليفيل بايش يكون التركيز عليه
http://sarno.concordia.ca/conted/departments/program.aspx?program_id=91A&DeptName=Language%20In stitute&DeptCode=ENEPFRLCSP

والتسجيل
http://sarno.concordia.ca/conted/registration/
ثالث رابط الي هو
Intensive English Language Program
عن طريق الايميل او الفاكس او الحضور

مجيل الرابط الي فوق هو الرابط المباشر لبرنامج اللغه المكثف في المعهد
وهذا رابط التسجيل
http://www.mcgill.ca/conted/applyregister/apply/
ممكن تسجل اون لاين بس اذا تبي للخريف يعني بسبتمبر وقت التسجيل الاون لاين خلص للانترناشنول ستيودينت ممكن تروح بنفسك تسجل او تكلمهم بالتلفون تسئل

وزي ماذكرت بالنسبه لتورنتو شوف جامعاتهم وبنفس الجامعه سوي بحث على continuing education الي هو المعهد الي تبع الجامعه

ان شاءالله يكون هذا هو الي تسئل عنه اتمنى انك والي يستفيد من الروابط ماينسانا بدعاء بظهر الغيب بان ربي يسهل امورنا ويفرج علينا امور السفر والدراسه ويسخرلنا خلقه دعوه المسلم للمسلم بظهر الغيب باذن الله مستجابه

الله لايهينك ويوفقك يالغالي
جهد كبير تقدمه والف شكر عليه
حبيت اسئلك .. اقرب فرصه للتسجيل متى في معهد الجامعه واياهم افضل ..؟
وهل يمديني اواصل معهم خلال الشهرين الجايه ولا لازم انتظر فتره طويله ؟؟
لاني دخلت رابط الجامعه الثانيه الي بمونتريال ولقيت المعهد يبداء بعد شهر ومايمديني عليه

مافي فرق كبير بين مواعيد الدراسه بالمعهدين تقريبا اسبوع او 10 ايام الفرق بينهم

الخريف يبدء بسبتمبر شهر 9
الشتاء بجانيوري شهر 1
الربيع مارتش شهر 3
والصيف جون شهر 6

والتاريخ بالايام يختلف من معهد للثاني وحتى الدراسه الجامعيه تبدء بنفس الشهور بس الفرق ان الجامعه مافيها سميستر ربيع يعني خريف شتاء صيف وتقدر تتاكد من الروابط لكل معهد

اذا بتروح تسجل بنفسك كل المعهدين يمديك الين مايبدء الكلاس مع ان مجيل شوي معقدين بمواضيع التسجيل دايما ملتزمين بالمواعيد حقتهم فتاكد متى بالضبط اخر فرصه تسجيل عندهم
اما كونكورديا فزي ماذكرت التسجيل المتاخر ينتهى ببدايه السميستر

ايهم احسن
اسلوب التدريس نفسه يختلف
بمجيل يعتمدون على دراسه القرمر وحفظ الvacablory يشبه طريقه الدراسه بالسعوديه
كونكورديا يقولون القرمر هذا شي انت تدرسه او تسجل بكورس قرمر ويركزون على ان الطالب يتقن القراءه والكتابه ويرفع قدرته بالليسينينق
هي عباره عن منهجين في تعليم الانجليزي ومعاهد تتبع هذا ومعاهد تتبع الثاني وحسب كل طالب وين يلقى المنهج الي يحتاجه ويساعده على تعلم الانجليزي بطريقه افضل

شخصيا افضل طريقه كونكورديا اشوفها فعلا تهئي الشخص للدراسه الجامعيه كيف ياخذ نوتس بطريقه صحيحه وكيف يقدر يكتب الابحاث الجامعيه
وحتى شهادتهم مكتوب عليها ان هالشهاده تثبت ان الشخص الي حاملها مؤهل لدراسه الجامعه باللغه الانجليزيه اما شهاده مجيل فكاتبين فيها انه وصل لمرحله كويسه من اتقان اللغه الانجليزيه

هذا الكلام قبل سنتين ثلاثه الحين ما ادري عنهم لان مجيل كان عندهم بس 5 ليفيلز والحين صارت 8 فاكيد غيرو بطريقتهم او زادو عليها اشياء فما اقدر اقول ايهم افضل بعد هالتجديد الي ما اعرف عنه شي

بس معهد مجيل ولا كونكورديا مايهم .. الاهم وين الشخص بيدرس الجامعه علشان يدرس بمعهدها لان كل الجامعتين الي يخلص اخر ليفيل بمستوى معين يدخل الجامعه من غير اختبار اثبات اللغه او يسقط منه متطلب اللغه

بس في نقطه مهمه قبل التسجيل كونكورديا كلها عرب .. الفصل الواحد عادي جدا تلقى فيه 8 طلاب سعودين وعرب اذا مو اكثر
فهالشي يلهي عن الدراسه ويشجعون بعض على الغياب اذا الشخص ماكان صارم مع نفسه وحاط هدف انه يخلص الانجليزي باسرع وقت .. ممكن تروح عليه البعثه اذا هو طالع بعثه وتضيع فلوسه وفلوس اهله اذا هو على حسابه

كونكورديا فصولهم كبيره ممكن يصير بالفصل 21 طالب اما مجيل فعدد الطلاب بالفصل اقل ممكن حدود ال13 او 16

وارجع اقول حسب الراحه واسلوب الشخص بالدراسه ..

الله لايهينك يالغالي
والله وضحت لي اشياء كثيره ماكنت اعلم بها والله يعطيك العافيه
بالنسبه لجامعه كونكورديا متى تبدا دراسته ..؟
لاني ودي اكمل اللغه هالسنه عشان مايضيع علي شي .. وكانها بدال السنه التحضيريه << اتمنى فهمت علي
طيب طريقه التسجيل كيف يالغالي واذا سجلت ارسلهم ..؟
ياليت ايميلك يالغالي والله يجزاك خير
..

بالنسبه للتسجيل .. اذا سجلت في كونكورديا ابدء متى بالضبط اذا كان عندك علم يالغالي ؟

تسجيل بالجامعه ولا المعهد
عموما اذا الجامعه شوف هذا الموقع بالعربي حطه الاخ عيون الفيروز الله يجزاه خير
في نبذه عن الجامعه وابلكيشن التسجيل والاقسام الموجوده
http://edu-guide-canada.com/concordia.html

اما اذا المعهد
حطيتلك الابلكيشن فوق ممكن تعبيه وترسله بالفاكس على هالرقم
Fax: 514-848-2806

او بالايميل على هالعنوان بس شيل المسافه الي قبل وبعد ال@
celi @ alcor.concordia.ca

ومتى تبدء الدراسه زي ماحطيتلك الجدول فوق سواء باللغه او الجامعه مع الفرق ان الجامعه مافي سميستر ربيع
اما التسجيل ومواعيده فشوف هذا اللينك
http://www.concordia.ca/info/futurestudents/undergraduate/programs/deadlines/

تقدر تسجل الحين علشان تبدء في جانيوري شهر 1 واخر يوم للتسجيل اذا انت برا كندا علشان تدرس في جانيوري الي هو سميستر الشتاء حيكون ب1 سبتمبر يعني مره مافي وقت اذا اوراقك مو جاهزه

احس تكلمت كثير بس لاني ما ادري اي تسجيل تقصده وقلت احط الاثنين يمكن احد ثاني يشوفه ويستفيد
ومعليش اخوي ما ابي شكر ابي بس دعوه محتاجها بظهر الغيب بان ربي يسهل امور سفرنا ورداستنا المتعطلين ويفرج همومنا المتعلقه فيهم ويسخرلنا خلقه

الله يجزاك خير والله يوفقك ويسعدك يالغالي
ماقصرت .. لكن بوجهت نظرك الدراسه بمونتريال افضل من الدراسه بالضواحي مثل بريتش كولمبيا مثلاً ؟