أتمنى منكم يأخواني مساعدتي بالفيزا

السلام عليكم ورحمة الله وبركاتة

أخواني الله لا يهينكم ماودي أطيل عليكم الكلام

أبي نصيحتكم
أنا ناوي أروح لكندا ومعي قبول جامعة ومعهد ولله الحمد
وانا موظف في شركة
جيت لمكتب الفيفا وقالو لي جيب لنا تعريف بالراتب (أقدر عليها) وكشف حساب ( أقدر عليها وفيها مبلغ وافي ولله الحمد) و على الأقل أجازه سنة من الشركة (هذي أبطي عظم فيها أنتف شنبي ههه )
===
فأنا متحير يأخواني وأبي فزعتكم ومشورتكم ومساعدتكم
وبقول لكم الأفكار اللي فكرت فيها وابيكم تنصحوني ..:
-أقدم عليهم بقبول المعهد و قبول الجامعه معي ولا أعلمهم أني موظف وأخلي أبوي يكفلني .. واطلع كشف حساب من حسابه في البنك .. (لكن الوالد لا يشغل وظيفه لانه متقاعد والراتب مره ضعيف لكن عنده مبلغ وافي في البنك ولله الحمد لان على نصيحة الوالد يقول ادا بعطيهم تعريف بالراتب حق المتقاعد ماراح يقبلونه لانه ضعيييف )
-أقدم عليهم بقبول المعهد وأقول لهم أني موظف وأني راح أدرس شهرين هناك مع ان قبول المعهد مكتوب فيه 4 شهور ..
- في حالة اني سويت فيزا اقل من ست شهور وبعدها مشيت وضبطت اوضاعي وبإذن الله انقبلنا في الملحقيه هل أقدر أجدد الفيزا وانا هناك واخليها لخمس سنوات ..؟؟
لأني سمعت واحد من الشباب يقول لا بالعكس راح (تنكب) يقول لازم ترجع للسعوديه وتجددها هنا لان فيزتك اقل من ست شهور ومأدري والله وش اسوي

وكل شي جاهز بس وقفت على هالسفارة :(:(

وش تنصحوني الله يعافيكم
ويوفقكم دنيا وآخره وأتمنى ألي له تجربة أو خبره بالموضوع يفيدنا ..!!!!!!

وآسفين على الأطاله يأخواني
تحياتي لكم
حمود

ونسيت أقول لكم هل بيدرون أني موظف أو زي كذا ..
لأن اذا كان الوصع مشتدد زي كذا راح أظطر أني أستقيل
:(

تحياتي لكم

الله يوفقك وسهل امورك ..

بحاول اساعدك قدر مستطاع وان شاء الله الشباب بعد ماراح يقصرون ..

شوف اخي مدام عندك قبول جامعة ومعهد فهذا خطوة كبير .. وباقي الامور تتسهل ان شاء الله

شوف مدام انك موظف فالاجازة سنة (( شبة مستحيلة )) فانت عندك راتب ثابت وكشف حسابك ستة شهور ممتاز ... وتقول ابوك عندة مبلغ وافي ))

افضل خطوة هي ان ابوك يتكفل بك مع وجود كشف حسابك الخاص يعني (( قدم انه ابوك يتكفل بك مع كشف حاسب بنكه وكشف بحساب بنك حقك يفيد بوجود مال كافي وهذا ماراح يأثر براتب ابوك ان شاء الله ))

وان شاء الله امورك تتسهل اما الوظيفه في نهاية بستقبل .... قدم اوراقك يعني تعريف بمدة التي كنت تشتغل فيها ...

الله لا يهينك ياغلاهم
وماقصرت
بس اللي فهمته من كلامك

أني قدم عليهم :
- قبول المعهد
-قبول الجامعة
-حساب الوالد
- تعريف براتب الوالد
-كشف حسابي
- والغرض من دراستي في كندا

ويعطيك العافيه واخر نقطه مافهمتها :

وان شاء الله امورك تتسهل اما الوظيفه في نهاية بستقبل .... قدم اوراقك يعني تعريف بمدة التي كنت تشتغل فيها ...

الله يسر امرك ويوفقك لكل خير

اسف على االتأخير ...


أني قدم عليهم :
- قبول المعهد .. نعم
-قبول الجامعة.. نعم
-حساب الوالد .. نعم .. لمدة ستة شهور
- تعريف براتب الوالد .. نعم
-كشف حسابي .... نعم مع راتب ..لمدة ستة شهور
- والغرض من دراستي في كندا ... مايحتاج ... فقط ارسل شهادة ثانوية ( مترجمة ) وشهادة السيرة ولسلوك ( مترجمة ) مأذري يقولون مش مهمة بس انا ارسلتها .. للاحتياط فقط .

_ وفي النقطة الاخيرة تعريف من الشركة انك كنت تشتغل فيها من تاريخ كذا إلي كذا ... بللغة الانجليزية ^_^ وذا كنت درسة في جامعة او كلية فكتب لهم دراسة غير مكتملة في جامعة كذا مع العنوان الجامعة فقط ..

وامورك في التمـــــــام ان شاء الله .... بالتوفيق

((( نقطة مهمة لا تستقيل من الشركة حتى تجيك الفيزا ))