لأهل الخبره في كندا .. جاوبوني ولكم دعوه بظهر الغيب

السلام عليكم ورحمة الله

طلاب كندا أرجو منكم مساعدتي وتفهموني وش الصح ؟؟؟؟

انا ادرس على حسابي في بريطانيا وخلصت اللغه + خلصت الفاونديشن ( السنه التحضيريه ) بمعدل +B ولله الحمد

وفي هذا المعهد تقريبا جايب بالآيلس 6.5 وبعد اسبوعين راح اختبر آيلس واتوقع درجتي ماراح تقل عن 5.5 ولا راح تزيد عن 6 .. أسأل الله التوفيق .

نسبتي بالثانويه نازله جدا : ( .. المهم جتني فرصه للالتحاق بالبعثه كمحرم . لكن في كندا .

سؤالي هو : انا ابي اجيب قبول جامعه بكندا بأسرع وقت للبكالويوس .. ف هل القبولات بالجامعات الكنديه لمرحله البكالوريوس صعبه ؟ تخصص محاسبه .

والسنه التحضيريه اللي اخذتها من بريطانيا هل راح يعادلونها بكندا ولا اعيد الفاونديشن من جديد ؟

في كندا فيه سنه تحضيريه اصلا ولا مافيه ؟

اللي يقدر يقول لي اسماء الجامعات اللي فيها بكالوريوس + ماستر محاسبه سوا .


جزاكم الله خير مقدما .

سؤال آخر : لو حصلت قبول بكالوريوس في جامعه .. هل بالامكان اني انقل من جامعه لأخرى بدون مشاكل ؟ لو على السنه الثانيه او الثالثه ؟


أتمنى ان اي احد عنده معلومه او اجابه على اي سؤال انه يجاوبني بأسرع وقت عشان يمديني اضبط اموري

القبول الاداري بكندا انشاءالله ما ياخذ وقت طويل من اسبوع الى ثلاثه

والمعادله ما أتوقع بيعادلون انت جرب ما أنت خاسر شئ

التحويل من الجامعات الكنديه سهل مايبيله


والله يكتب لنا التوفيق

مافي سنه تحضيريه بس للي نسبته مو كويسه بالنسبه للتخصص الي مقدم عليه يطلبون منه دراسه مواد اضافيه ويجيب فيها درجات معينه .. وبالنسبه لك الصراحه ما ادري ايش المواد التحضيريه ببريطانيا لكن اتوقع انها تشبه المواد الي بيطلبونها منك علشان النسبه فجيب معاك شرح المواد او ارسلها للجامعه الي تبيها علشان يعلمونك برقم الكورسات المقابله لها بجامعتهم وان شاءالله يعادلون لك شي منها

بكيبيك في شي اسمه سيجيب وهي كوليج يدخلونها الطلاب بعد الثانويه لمده سنتين يدرسون فيها تخصصات تحضيريه للي يبون يدرسونه بالجامعه وينحسب لهم بالجامعه على انه مواد اختياريه وبعض التخصصات بالجامعه تكون الاولويه للي دارس نفس التخصص بالسيجيب زي تخصص early childhood education او internal design

فاتوقع الي درسته ببريطانيا يعتبرونه لك زي السيجيب ويعادلونه وطبعا مو شرط جامعات كيبيك كل جامعات كندا تعادل السيجيب
والقبول اذا خلصت موضوع المواد الاضافيه بالدرجات المطلوبه ماعليه مشكله ان شاءالله

اما موضوع انك تغير من جامعه لجامعه .. اغلب الجامعات الكنديه عندها عدد محدود من الكريديتس الي يتعادل .. الموضوع يعتمد على الجامعه الي بتنقل لها وكم كريديت يعادلون لك وكم كريديت من الي يدرستهم بالجامعه الاولى مطلوبه بالجامعه الثانيه

ممكن تلقى جامعه تقبل تعادلك جزء كبيير من الكريديتس بس البرنامج حقهم كورساته تختلف عن الجامعه الي درست فيها فماراح تستفيد كثير
فالافضل انك تختار الجامعه من البدايه او اقلها اذا بتحول تحول بدري

محاسبه في كثير جامعات اذا ماكنت اغلب الجامعات الكنديه تدرسها
عموما شوف المواقع هذي تفيدك بالبحث بشكل ادق
http://www.canadian-universities.net/Universities/Programs/Accounting_and_Accountancy.html

اخر الصفحه بتلقى المقاطعات الكنديه الي فيها جامعات تدرس محاسبه ولما تختار المقاطعه بتطلعلك لسته الجامعات ونوع التخصص لكل جامعه واي مرحله

وهذا اللينك الثاني طبعا ماطلع الا بس البكالوريوس بتخصص المحاسبه لان مافي تخصص محاسبه بالماستر لازم يكون التخصص ادق من كذا اذا تعرف اسم تخصص الماحسبه الي تبي تكمل عليه ماستر بس دخله بالبحث وبيطلعلك الجامعات
http://www.studyincanada.com/english/schools/programresults.asp

لاتحرمنا من الدعوه الي بظهر الغيب بان ربي يسهل امورنا ويفرجها علينا ويسخرلنا خلقه

الأخوان اللي ردوا علي

جزاكم الله خير .. والله يسعدكم ويرزقكم من حيث لاتحتسبون .

اهلا
انا اللي اعرفو في جامعات مثل جامعة كارلتون في اوتاوا ممكن الواحد يدرس بكالوريوس واذا جاب في الايلتس 5 فما فوق يمدي يبدأ دراسة جامعية بس ياخد مادة او مادتين وطبعا جنبها كورس لغة انقليزية مكثفة
بالنسبة للمعادلات مااعرف والله
راسلو المشرف على القبولات بالنسبة للانترناشيونال ستديودنتز في جامعة كارلتون وهوة حيفيدكم بالزبدة
واذا تبغو الايميل او رقم التلفون انا حاضر
طبعا على حسب علمي ماجستير المحاسبة في كندا يحتاج جيمات وهوة خاص للتخصصات الادارية لأنو يندرج تحت ام بي اي
الله يوفق جميع المبتعثين وييسرها لهم

جزاك الله خير اخ مصطفى

شكرا لكم جميعا طمنتوني .. الله يطمنكم ويسخر لكم خلقه .