يأهل الخبره جاوبوني ..........بليز والله محتاره وأبي مين يدلني

السلام عليكم ورحمـه الله وبركـآته ...
اتمنى تساعدوني باللي تعرفونه
بليز اي احد يعرف معلومات او النادي السعودي بمدينه كيلونا في مقاطعه بريتش كولومبيا<< على فكره اهي قريبه من فانكوفر>> يدلني عليهم وبسئل كذا سؤال الله يجزاه الجنه اللي يجاوبني ويفك حيرتي
الاسئله كالتالي:
س1/ معهد اللغه التابع لجامعه UBC فرع كيلونا كيف مستواه يعني قوي جدا او يعني بمعنى يأهلني كويس للتوفل او لا وكم لفل وكم مدته وهل هو مغلق للتكدس او لا ؟
س2/متى المفروض اسجل في المعهد ؟ وماهو افضل وقت للسفر ؟
س3/هل المدينه فله ووناسه وسعه صدر او كئيبه ؟ وكيف بردها مره قوي والا عادي ؟
س4/هل يوجد عندهم قبول مشروط للماستر تخصص احصاء؟
س5/كم نسبه العرب والسعوديين فيها؟وهل هي مناسبه للعوايل ؟
س6/هل يوجد فيها حضانه للاطفال؟ وتقريبا بكم رسوم الحضانه؟ومتى المفروض اسجل ؟قبل اوصل او بعد ما اوصل؟
س7/هل تعتبر المدينه غاليه او معقول الاسعار فيها ؟وتقريبا كم الايجارفيها لشقه متوسطه وفي مكان كويس ؟
بليز جاوبوني الله يجزاكم خير
ادري طولتها بس وش اسوي والله محتاره ومالي غيركم بس انتم كريمين وانا استاهل
بليز اي احد يعرف لو جواب بسيط ممكن يفيدني والله ادعي له من كل قلبي <<<<تكفون يالربع فكوا أزمتي
وسلامتكم

افاااااا ماهي الهقوه من مبتعث 18 مشاهده ولا رد واحد حتى لو جبر خاطر
بليز لاتطنشوني........

وعليكم السلام ورحمة الله وبركاته ،، هلا بك يالاخت .

بالنسبة للمدينة :
http://www.mbt3th.us/vb/forum90/thread105323.html
Kelowna, British Columbia - Population, Age characteristics, Dwellings, Houses, Language, Education, Work, Industry, Earnings, Income, Immigration, Citizenship, Labor
City of Kelowna

واذا اللغة عندك ضعيفة بامكانك وضع الرابط في قوقل وترجمتها للعربي .

بالنسبة للجامعه أنا بحثت عن برتش كلومبيا :
1- تفضلي هالرابط ان شاء الله يفيدك : http://www.eli.ubc.ca/arabic/documen..._Ar_online.pdf
2- بالنسبة للأسعار وبدايت الدراسة تفضلي هالرابط : Dates and Prices - UBC English Language Institute
3- وتفضلي هذا الرابط راح تلقين فيه كل شي ان شاء الله : Intensive English Program (IEP) - UBC English Language Institute
4- دخلت موقع الوزارة ووجدت ان الجامعه مازال معترف فيها والله أعلم .

واذا عندك أي سؤال يفضل انك تراسلينهم على الايميل وراح تلاقينه في الروابط السابقة .


بالنسبة لوقت التسجيل في المعهد فأنتي اختاري التوقيت المناسب لك كما في الجدول السابق وضبطي امورك وسجلي قبل الفيزا بفترة اربع اشهر ،، لان الفيزا الكندية ماتدرين ممكن تجيك خلال شهر وممكن خلال اربع اشهر والله اعلم .

بالنسبة للجو والمدينه فعلى حسب ماقراءت منطقة برتش كلومبيا منطقة دافئة ولو اني ما أضن ان فيه منطقة دافئة بكندا ،، لكن من خلال موقع المدينة راح تجدين كل المعلومات ان شاء الله .

بالنسبة للتخصص اللي تبينه يفضل انك تراسلينهم على الايميل .

بالنسبة لنسبة العرب والعوائل ،، فالله أعلم ،، ولكن لا اعتقد انه توجد منطقة في كندا لايوجد فيها سعوديين او عرب لان كندا ازدحمت كثير بصراحة .

واما باقي الاستفسارات فأن شاء الله الاخوان يفيدونك ،، واذا ماوجدتي اجابة انا انصحك تخلين تواصلك مع الجامعه نفسها وان شاء الله يجيبونك على جميع استفساراتك .

العذر والسموحة على التقصير ،،

بالتوفيق

مشكور اخوي على الرد والله يجزاك كل خير ويفتحها في وجهك يارب وين ما رحت

بليز ساعدوني حتى لو بالرفع

للرفع الله يسهل امورك ان شاءالله