اسواق ومحلات الجاكيتات والابوات في جدة بالصور
السلام عليكم ورحمة الله وبركاته
خلينا نخش في الموضوع على طول وبدون مقدمات :LSHIC:
طبعا زي ما انتو عارفين موعد سفري قرب الي هوا يوم الاثنين الجاي
والواحد كل يوم في الاسواق والمحلات
لكن بصراحة قد ما رحت محلات في شارع التحلية ( دبنهامز ، بي اتش اس ، سيتي سنتر ، وغيره ... ) ما لقيت زي البلد شارع قابل وسوق الندى وسوق العلوي....
بخصوص الجاكيتات صراحة ربنا وفقني في محل في سوق الندى الي يتفرع من شارع قابل في البلد
لقيت عنده جاكيتات وبالطوات جدا ممتازة واسعاره مناسبة ومعقولة مقارنة بالاسواق الي في شمال جدة
اسم المحل: المركز العربي
الموقع: سوق الندى
اشتريت من عنده جكيتين وبالطو
الجكيت الاول هذا يعتبر اخف واحد وحق البرد العايدي الي نص ونص :sleep:
سعر الجكيت: 84 ريال فقط
صور الجاكيت
http://www.mbt3th.us/vb/imgcache/26104.imgcache
http://www.mbt3th.us/vb/imgcache/26105.imgcache
الجكيت الثاني هذا حق البرد الصح لبسته في المحل لدقيقتين حريت على الاخر :wacko:
طبعا هذا الجكيت حق البرد القارس بس من غير مطر
سعر الجاكيت: 120 ريال
صور الجاكيت
http://www.mbt3th.us/vb/imgcache/26106.imgcache
http://www.mbt3th.us/vb/imgcache/26107.imgcache
البالطو الثالث الي اشتريته هذا جدا ممتاز وانصح الجميع باقتنائه وصراحة جدا ممتاز بجميع المقاييس لانه ينفع جاكيت عايدي وبرضو ينقلب حق مطر كمان :)
سعر البالطو: 140 ريال
طبعا البالطو هذا يتلبس على الجهتين وتقدر تعدل البرنوص الي فوق على حسب الجهة الي تقلب عليها البالطو
البرنوص الي هي الطاقية حقت الجكيت ما لقيت لها اسم سوا البرنوص :)
المهم هذي صورة للبالطو من الجهة العايدية حقت البرد من غير مطر
http://www.mbt3th.us/vb/imgcache/26108.imgcache
وهذي صورة للجاكيت من الداخل
http://www.mbt3th.us/vb/imgcache/26109.imgcache
وهذي صورة للبالطو وهوا مقلوب على جهة البرد والمطر
http://www.mbt3th.us/vb/imgcache/26110.imgcache
انتيهنا من الجاكيتات والبالطوات وندخل في موضوع الابوات
بصراحة طول الصباح وانا جالس ادور في السوق اشتري حوايج الين تعبت
ونسيت هرجة البوت الله يكرمكم
وافتكرته في الاخير وانا ماشي ودخلت على محل في السريع واشتريت بوت سعره 140 ريال من محل جزم في شارع قابل في البلد
وهذي صور البوت
http://www.mbt3th.us/vb/imgcache/26111.imgcache
http://www.mbt3th.us/vb/imgcache/26112.imgcache
اما بخصوص شنط السفر اشتريت طقم فيه 4 شنط داخل بعض من سوق العلوي في البلد بـ 250 ريال
اخذت الشنطتين الكبار الي حتشوفوها بالصورة الي في الاسفل والشنطتين الصغيرة اعطيتهم لاهلي
ختاما....
الي يبغى يشتري جكيتات وملابس شتا يروح لسوق الندى في البلد المتفرع من شارع قابل
الي يبغى يتشري ابوات وانتوا بكرامة من شارع قابل في البلد
الي يبغى يشتري ملابس داخلة وبجامات وشنط من سوق العلوي في البلد
وفي الاخير هذي صورة لغرفتي بعد ما خلصت شراء الحوايج والشنط والخرابيط هذي كلها :)
http://www.mbt3th.us/vb/imgcache/26113.imgcache
على فكرة انا طالع على الخطوط الفرنسية جدة - باريس ، باريس - تورنتو
سمحولي بشنطتين كل شنطة 23 كيلو + شنطة هاند باج الي اشيلها في اليد 8 كيلو الي راح تكون شنطة الاب توب :)
للي عنده حمولة كبيرة انصحه ياخد من هنا للندن على الخطوط السعودية يعطوك شنطتين كل شنطة 30 كيلو وقلهم ما ابغى استلمها الا في كندا علشان لو استلمتها في الترانزيت احتمال الخطوط الثانيه الي تطلع عليها يعطوك حجم اقل وتتوهق في العفش
وبخصوص صرف الدولار الكندي انا صرفته من شارع قابل اليوم من محل العمودي للصرافة مبلغ 1500 دولار كندي بـ 3.78 ريال للدولار
وتقبلوا خالص تحياتي .... اخوكم KaLaNgO
رد: اسواق ومحلات الجاكيتات والابوات في جدة بالصور
تسلم يا اخ احمد على الصور وترا البوت هوا المطلوب في كندا مع الثلج
واعذرني ما بكثر في الرد لاني لازم اطلع على الجامعة لمن ارجع رايح اعطيك رد مفصل
سيتم استقبالك في المطار بس انتبه تقلي حقون الجوازات انك تعرف النمنم تراهم يعرفوني عز المعرفة جلست عندهم ابو ساعتين بس وهجولتهم بجوازي المقطوع وخافوا مني ما اقدر اقول ال الله يسهل امرك وتوصلنا سالم مسلم
تقبل تحياتي
النمنم
رد: اسواق ومحلات الجاكيتات والابوات في جدة بالصور
أخ kalango
حتى صور اغراضك وغرفتك حطيتها والله انك ما تقصر ابد
والله يوفقك ويسهل دربك في حياتك العلميه والعمليه
وان شاء الله بالتوفيق للجميع
رد: اسواق ومحلات الجاكيتات والابوات في جدة بالصور
هلا بك اخوي النمنم
واشكر لك ردك على الموضوع
بصراحة انا استفدت من خبراتكم وتجاربكم في كندا وسألتكم عن ايش راح احتاج وما قصرتوا معايا لكن بعد سؤالكم والاخذ من وقتكم الكثير فقررت اني انزل الموضوع هذا في المنتدى حتى اريح الكثير من اخواني الاعضاء ويكونوا في الطريق :)
تحياتي لك ...
رد: اسواق ومحلات الجاكيتات والابوات في جدة بالصور
لووووول اخر صوره حمااااس...
يبغالي اقول لاخوي على المحلات...ثااااانكس:flower: :flower: :flower:
رد: اسواق ومحلات الجاكيتات والابوات في جدة بالصور
هلا بك اخوي عوام الكيميا
واعذرني ما شفت ردك غير بعد ما رديت على الموضوع
يا رجال اخدمكم بعيوني انتو تامرو
هلا اختي لولا :)
كيف بالله اخر صورة مره حماس
هههههههههههه
هذا ولسا في حوايج في الدولاب وخليها على ربك
تحياتي للجميع...
رد: اسواق ومحلات الجاكيتات والابوات في جدة بالصور
الللللللللللللللللله
بالمرررررررررررررررة شكرررررررررررررررررررررن
الله يسعدك يا شيخ ،، ويوفقك ،، قول امييييين
بس في مقااااااساااااات كبيرة ،،:rolleyes: >> مو ليه ،، تبرر لنفسها هههه
رد: اسواق ومحلات الجاكيتات والابوات في جدة بالصور
هلا اختي نونا ماسترز
ويوفقك ان شاء الله
اكيد فيه جميع المقاسات سمول ميديوم لارج اكس لارج
بس انا بادور على السمول على قدي :)
والمقاسات الكبيرة متوفرة وبشدة المساكين الي زيي حقين السمول اذا لقيولهم شي كويس
جميع المحلات الي اشتريت منها بادور على السمول لانه مقاسي ونادر ما اخذت ميديوم الا الاشياء الي ما القى منها سمول ومضطر لها :)
تحياتي لك...
رد: اسواق ومحلات الجاكيتات والابوات في جدة بالصور
السلام عليكم و رحمة الله و بركاته
سمعت أن الغربيين ما يرتاحون مع الالوان السوداء صح ام خطأ ؟
رد: اسواق ومحلات الجاكيتات والابوات في جدة بالصور
الله يوفقك ....
انا كنت انتظر موضوع مثل هذا الله يعطيك العافيه:)
طيب اخوي هل يوجد ملابس نسائية ؟
وبالطوات طويله؟