لازم تجيب خطاب الوزارة ........
اليوم إتصلت بمكتب ارامكس في جده (محمد نظير 691000 - 2164) وقال انه فيه بعض الطلاب قدموا على التاشيرة بدون خطاب الضمان المالي الموجه من الوزارة الى السفارة الكندية وكان الكلام هذا في الأسبوع الماضي ولكن رجعت هذه الطلبات بالرفض وطلب الضمان المالي .........
رد: لازم تجيب خطاب الوزارة ........
شكرا أخوي[MARK="FFFF00"] سعيد[/MARK] على التوضيح
رد: لازم تجيب خطاب الوزارة ........
انا قبل شوي كنت عنده... وقلي نفس الكلام... لأنه اوراقي اترفضت من السفاره الكنديه لأنه مو كامل.. :no:
رحت للمكتب اللي في شارع الستين اللي استلمت منه القبول يقول لا مايحتاج ...
ايش الحل؟؟
رد: لازم تجيب خطاب الوزارة ........
يعني لازم نروح الرياض عشان تستلم خطاب الوزاره
رد: لازم تجيب خطاب الوزارة ........
اسمعو الحل الوحيد نتصل على الوزارة ونجننهم أنا اتصلت على قسم النساء حضرتهم قالو لا ما يبغالو خطاب ضمان لأنو معاكم قبولات الوزارة بس يبغالكم خطاب السفارة جيبو صورة من جوازك و جواز المرافق وصورة القبول ونطبع لكم الخطاب ... المهم سويت الي يقولون عليه وبما إني من جدة اضطريت ارسل وكيل عني يستلمها (ورقة عادية بخط اليد ) المهم وقبل مايروح اتصلت عليهم قالت لي ايوه خليه يجي المهم راح الرجال وتعنى واول ما وصل قابلوه باستهتار قسم الرجال(المصيبة انو جوز خالتي مو ابوي ولا اخوي) وقالوا له ما في داعي تجي كلو عند السفارة ... المهم تفشلت عند الرجال... حسبي الله عليهم...رحت اتصلت مرة ثانية قالت خلاص توني كلمت قسم الرجال قالو امس طلع قرار انو حقون كندا مالهم خطاب على طول يبدؤ إجراءات التأشيرة ويرسلو للسفارة...
زي منتو كاتبين الحين يتضح انو السفارة ما عندها لا خطابات ولا ضمان مالي !!!
ايش اسوي....
ودراستي تبدأ 7 ابريل باقي اقل من 50 يوم :mad:
رد: لازم تجيب خطاب الوزارة ........
امس كنت في مكتب القبول اللي في جدة قالي ان ما يحتاج خطاب السفارة لانه الوزارة بعتت نسخة من القبول للسفارة
رد: لازم تجيب خطاب الوزارة ........
حسبي الله عليهم كل هذا في سبيل انهم يريحون الدكتور اللي يسوي خطابات السفاره
رد: لازم تجيب خطاب الوزارة ........
دقيت على السفارة ... وتكلمني هذي البنانية مدري السورية وأسألها عن الموضوع
تقول ما بعرف أنتي ارسلي فاكس او ايميل واسأليهم المهم ... وأقوم أرسل
ثم يردون علي مع إني معطيتهم اسمي بس بياخة وحب تعذيب
ردو علي بهذا الرد
We cant tell you if your name is on the list or not, you have to provide us with your scholarship number so we can help you
المهم أرسلت لهم رقم الطلب والترشيح وحتى السجل المدني:confused:
وإلى الآن لم يصل الرد ... بقولكم أيش يصير معي
مع إني أفضل أنو لو أحد المبتعثين في الرياض يروح يسأل هذي السفارة الي زي وزارتنا ما عندهم ما عند جدتي ....
لا وأبشركم حقين أرامكس و مكتب القبولات برضو زي الأطرش في الزفه مو عارفين ايش القصة .... حتى مدير مكتب القبولات مو عارف
و واحد من الي يشتغلو في ارامكس قال لأخوي بروح الثلاثاء للوزارة أشوف القصة ... لأنو السفارة رفضت طلب ناس كثيرين علشان الخطاب
مرة ثانية ارجع واقول الي في الرياض روحو شوفو ايش القصة والله لو اني في الرياض ما قصرت ... حرام عليهم يمرمطونا
المصيبة انو الدراسة عندي تبدأ 7 ابريل وانا كاتبه على نفسب تعهد اني ابدأ بالإجراءات خلال اسبوع
رد: لازم تجيب خطاب الوزارة ........
شكرا يأخت Aroma وبالنسبة ليا انا اتصلت على السفارة وردت اللبنانية ولاتدري عن شي وقالتلي ارسل فاكس لكن مارسلتها لانه حسيت انه على قولتك ماعندك احد اخسرني نفس كلامك اخت Aroma بس كويس انك ارسلتي عشان نشوف آخرت هذا الفلم
[MARK="9999CC"]وياليت بلييييز اذا ارسلولك ولاردوا عليك تقوليلي [/MARK]
رد: لازم تجيب خطاب الوزارة ........
حتى وقت كتابة هذا الرد لم يصلني أي رد...:mad:
المهم .... الحين ما في أحد من المبتعثين إلى كندا في الرياض؟؟؟ مو معقولة :confused:
ولا حقين الرياض ما عندهم نفس المشكلة؟؟!!!!!
أنتم ادعوا ... وإن شاء الله خير