تعميم لجميع الأعضاء الكرام بخصوص توفير القبولات

وعليكم السلام

ومع احترامي لقوانين المنتدى
لكن مش فاهمه سبب ان اعضاء مايساعدوا بعض ؟ افهم مكاتب خدمات ومبالغاتهم بس طلاب مايبغوا منك مصلحه ليش ؟

صار لي اربع سنين بكندا وافتكر اول سنه لو ما الطلاب الي سبقونا ماكان امورنا قدرنا ندبرها بشي
والحمدلله عدت بدون ماحد ينصب علينا واغلب الطلاب الي نبهونا وفهمونا كانوا من المنتدى

لكن الواقع حاليا وبالذات بفانكوفر كوني شايفته قدامي عيني بزنس النصب شغال ومترصدين لطلاب السعوديين لدرجه يروحوا المطار يمسكوا اي سعودي يجي (في واحد مصري يعمل كذا )
فليش مو اهل البلد يساعدوا بعض بدون مقابل بها الامور اغلب المعاهد تعطي قبول مجاني مجرد عندك ضمان مالي

ولا الي يدور مساعده بالمنتدى اذا ماحد ساعده هنا راح يدور باماكن ثانيه على الاقل هنا يتساعد بدون نصب وفي اعضاء تشوف وتنبه
ولا يروح اماكن ثانيه وينلهف منه مبلغ وقدره

اوافق الاخت نوف الرأي

اغلاق ابواب التواصل و استخدام سلطة المنع بشكل اعتباطي ليس له اي اثر ايجابي... الفكرة كلها منتدى للحوار ومشاركة الخبرات والمساعدة.... و لا اعتقد ان الطلاب ذو عقول ضعيفة لا تميز بين النصب و الاحتيال و المساعده الأخوية

أنا شخصيا, ساعدني كثير من اعضاء المنتدى ومنهم الاخت نوف في خبرتها السابقة في معهد اليو بي سي و السكن وغيره... واشكرها وادعوا لها ولغيرها بالتوفيق

وبكل الاحوال ... هذا رأي شخصي... وعارف ان الرد راح يكون فيه من التهجم و رمي الاتهامات و التشكيك كالعادة.

السلام عليكم ورحمة الله وبركاته

اخي الكريم .. ابداء الرأي شي جميل ومستحسن ومطلوب لكن الاسلوب .. يا اخي الكريم انت هنا بدأت التهجم (بشكل اعتباطي ) ورميت التهم ( استخدام سلطة ) ..

لكل منا وجهة نظر من المفترض ان نعرض وجهة نظرنا في الموضوع بدون شخصنة

مساعدة الاخرين واجب علينا والمنتدى وجد لمساعدة الاخرين لكن البعض يستغل هذا الموقع للاستدراج والاستغلال . من يريد المساعدة يطرح موضوع المساعدة هنا في المنتدي لكي يستفيد منه الجميع ..

لا ان يضع ايميله او رقم جواله او اتصلبي لكي اساعدك او تواصل معي لكي اشرح لك او تواصل مع لكي ابحث لك عن قبول . هل هذا الشخص يريد الفائدة للجميع ام يبحث عن فائدته الشخصية .. اطرح ما لديك هنا في المنتدي لكي يستفيد الجميع . اشرح ووضح لكي يستفيد الجميع .

ايجاد القبول للغة اسهل المواضيع ويستطيع اي شخص الحصول على قبول لغة بنفسة وبدون الحاجة الي دفع مقابل ذلك . والموضوع مشروح في المنتدى اكثر من مرة . لكن المشكلة في بعض الناس لايريد ان يبحث في المنتدى يريد كل شي سهل وجاهز

انت لا تلاحظ ما يحصل في المنتدى من استغلال من بعض ضعاف النفوس للشباب والفتيات واغلبهم من مكاتب النصب والاحتيال . لكن المراقب والمشرف على اطلاع دائم ويقوم بحذف الكثير .

الاخت نوف جزاها الله كل خير تشرح وتوجه من خلال المنتدى لكي يستفيد الكل .. ليست مثل الاخرين تواصل معي افيدك

اتمنى ان تكون حواراتنا ونقاشاتنا بنائة ومفيدة .

اتمنى للجميع التوفيق

بعض الأعضاء للاسف الشديد اصبح يستغل الطالب وأخذ مبالغ مالية منه وتم تقديم اكثر من شكوى على بعض الأعضاء وهذا من الاسباب الي تمنع توفير القبولات داخل المنتدى لكن ان شاء الله يحل هذا الموضوع قريباً


( تمت المشاركة باستخدام تطبيق مبتعث )

حلو تكون المشاركة و المساعده بين الاعضاء و اذا كان في محاولات من البعض تكون عالخاص او ارسال ارقام هواتف و فيها استغلال تحذف مشاركاتهم شخصيا استفدت كثير من خبرات الاعضاء السابقة. وشكرا لكم

على العموم الي يبي قبول او عنده استفسار يرسلي على الخاص... انا بساعدكم لوجه الله

كلامك صحيح
و انا أشوف انه الشخص المفروض يبحث و يحصل على قبول لانه بيروح لبلد ثاني و لازم يعتمد على نفسه بكل شي بسيط
و اذا مرة ما لقى هذا شي ثاني


يا رب وفقني و سهل لي امري❤️

انا مبتعث في 2011 ولقد توقفت عن الدراسه لاسباب عائليه بعد درستي اللغه لمدت سنه علي حساب البعثه لم التزم بلحضور بسبب البرد والاجواء ولرجعت اللي السعوديه 2012 ولقد تم انهاء البعثة بسبب لم اتوصل معا الملحقيه والان اريد ان اكمل دراستي اريد المساعده والتوجيه من الاخوان واريد ان اغير بلد الدراسه الي ماليزيا

السلام عليكم انا كنت ادرس بامريكا وابي انقل لكندا وش الإجراءات اللي بتواجهني واذا احدي فيدني بجامعات تقبل 5 يكون زين



وشكرا ...

اخوكم سطام